Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପୂର୍ବରୁ କଂଗ୍ରେସକୁ ଝଟକା : ଇସ୍ତଫା ଦେଲେ ଆରପିଏନ୍ ସିଂହ, ବିଜେପିରେ ହେବେ ସାମିଲ୍
  • ||
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||

ଟେଷ୍ଟ କ୍ରିକେଟ୍‌ରେ ଇତିହାସ ରଚିଲେ ଅଶ୍ଵିନ, କୁମ୍ବଲେ-କପିଲଙ୍କୁ ପଛରେ ପକାଇଲେ

5/12/2021 at 5:25 PM

ମୁମ୍ବାଇ ୦୫।୧୨:  ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍‌ର ଦ୍ଵିତୀୟ ଟେଷ୍ଟ ମୁମ୍ବାଇର ଓ୍ଵାଙ୍ଖେଡେ ଷ୍ଟାଡିୟମରେ ଖେଳାଯାଉଛି। ଆଜି ହେଉଛି ମ୍ୟାଚ୍‌ର ତୃତୀୟ ଦିନ।  ଭାରତ ଦ୍ଵାରା ଧାର୍ଯ୍ୟ ୫୪୦ ରନର ବିଜୟ ଲକ୍ଷ୍ୟ ପିଛା କରୁଥିବା ନ୍ୟୁଜିଲାଣ୍ଡ ୫ ଓ୍ଵିକେଟ୍ ହରାଇ ୧୪୦ ରନ କରିଛି। ଏଥିରୁ ୩ଟି ଓ୍ଵିକେଟ୍ ଅଶ୍ଵିନ ନେଇଛନ୍ତି। ଏଥିସହ ଭାରତର ଏହି ଷ୍ଟାର  ବୋଲର ଟେଷ୍ଟ କ୍ରିକେଟ୍‌ରେ ନୂତନ ଇତିହାସ ରଚିଛନ୍ତି। ଅଶ୍ଵିନ ଟେଷ୍ଟ କ୍ରିକେଟ୍‌ରେ ଗୋଟିଏ ବର୍ଷରେ ଚତୁର୍ଥ ଥର ୫୦ କିମ୍ବା ସେଥିରୁ ଅଧିକ ଓ୍ଵିକେଟ ନେବାର ରେକର୍ଡ କରିଛନ୍ତି। ଟେଷ୍ଟ କ୍ରିକେଟ୍ ଇତିହାସରେ କୌଣସି  ଭାରତୀୟ ବୋଲରଙ୍କ ଦ୍ଵାରା ଏକ ବର୍ଡ ରେକର୍ଡ। ଏହି ମାମଲାରେ ଅଶ୍ଵିନ ଅନିଲ କୁମ୍ବଲେ ଓ କପିଲ୍ ଦେବଙ୍କ ପରି ଦିଗ୍‌ଜ  ବୋଲରଙ୍କୁ ପଛରେ ପକାଇଛନ୍ତି।

ଅଶ୍ଵିନ ନ୍ୟୁଜିଲାଣ୍ଡ ବିପକ୍ଷ ଦ୍ଵିତୀୟ ଟେଷ୍ଟର ତୃତୀୟ ଦିନରେ ନ୍ୟୁଜିଲାଣ୍ଡର ଦ୍ଵିତୀୟ ଇନିଂସରେ ୩ ଓ୍ଵିକେଟ୍ ହାସଲ କରିବା ସହ ଏହି ରେକର୍ଡ ନିଜ ନାମରେ କରିଛନ୍ତି। ଅଶ୍ଵିନ ଟେଷ୍ଟ କ୍ରିକେଟ୍‌ରେ ଗୋଟିଏ ବର୍ଷରେ ଚତୁର୍ଥ ଥର ୫୦ କିମ୍ବା ସେଥିରୁ ଅଧିକ ଓ୍ଵିକେଟ୍ ନେବାର ଉପଲବ୍ଧି ହାସଲ କରିଛନ୍ତି। ଚଳିତ ବର୍ଷ ଏ ପର୍ଯ୍ୟନ୍ତ ଅଶ୍ଵିନ ୫୦ ଓ୍ଵିକେଟ୍ ନେଇ ସାରିଛନ୍ତି। ଏହା ପୂର୍ବରୁ ସେ ୨୦୧୫, ୨୦୧୬ ଓ ୨୦୧୭ରେ  ଟେଷ୍ଟ କ୍ରିକେଟ୍‌ରେ ୫୦ କିମ୍ବା ସେଥିରୁ ଅଧିକ ଓ୍ଵିକେଟ୍ ନେଇଥିଲେ। ଏପରିକି ୨୦୨୧ରେ ପ୍ରଥମ ବୋଲର ଭାବେ ଅଶ୍ଵିନ ୫୦ ଓ୍ଵିକେଟ୍ ନେଇଛନ୍ତି।

ଅଶ୍ଵିନଙ୍କ ପୂର୍ବରୁ ଅନିଲ୍ କୁମ୍ବଲେ ତିନି ଥର ଏହି କାରନାମା କରିଥିଲେ। ଟେଷ୍ଟ କ୍ରିକେଟ୍‌ର ଗୋଟିଏ ଇନିଂସରେ ସମସ୍ତ ୧୦ ଓ୍ଵିକେଟ୍ ନେବାର ରେକର୍ଡପ କରିଥିବା କୁମ୍ବଲେ ୧୯୯୯, ୨୦୦୪ ଓ ୨୦୦୬ରେ ଟେଷ୍ଟ କ୍ରିକେଟ୍‌ରେ ୫୦ କିମ୍ବା ତଦୁର୍ଦ୍ଧ୍ଵ ଓ୍ଵିକେଟ୍ ନେଇଛନ୍ତି। ତାଙ୍କ ବ୍ୟତୀତ ହରଭଜନ ସିଂହ ତିନି ଏବଂ କପିଲ୍ ଦେବ ଦୁଇ ଥର ଏହି ସଫଳତା ହାସଲ କରିଛନ୍ତି। ହରଭରଜନ ୨୦୦୧, ୨୦୦୨ ଓ ୨୦୦୮ରେ ଏହି ସଫଳତା ହାସଲ କରିଥିବା ବେଳେ କପିଲ୍ ଦେବ ୧୯୭୯ ଓ ୧୯୮୩ରେ ଏହି ରେକର୍ଡ ନିଜ ନାମର କରିଥିଲେ।

   Related Posts