Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନାଲରୁ ବୃଦ୍ଧାଙ୍କ ମୃତଦେହ ଉଦ୍ଧାର, ଗାଧୋଇବା ବେଳେ ନିଖୋଜ ହୋଇଯାଇଥିଲେ
  • ||
  • ହାତ ଛାଡିଲେ ପ୍ରଦୀପ ମାଝି, କଂଗ୍ରେସର ପ୍ରାଥମିକ ସଦସ୍ୟ ପଦରୁ ଦେଲେ ଇସ୍ତଫା
  • ||
  • ଟ୍ରକ୍‌କୁ ଧକ୍କା ଦେଲା ଯାତ୍ରୀବାହୀ ବସ୍, ୨ ମୃତ ଓ ୫ ଆହତ
  • ||
  • ବାଇକକୁ ଧକ୍କା ଦେଲା ଟ୍ରକ୍, ଜଣେ ମୃତ : କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ
  • ||
  • ଶିଶୁଙ୍କୁ ଟିକା ପାଇଁ ପ୍ରସ୍ତୁତି ଆରମ୍ଭ, ଶୁକ୍ରବାର ସ୍ୱାସ୍ଥ୍ୟ ଅଧିକାରୀଙ୍କୁ ପ୍ରଶିକ୍ଷଣ ଦେବ କେନ୍ଦ୍ର
  • ||
  • ଶୁକ୍ରବାର ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ, ବିଏସକେଓ୍ୱାଇ ସ୍ମାର୍ଟ କାର୍ଡ ବଣ୍ଟନର କରିବେ ଶୁଭାରମ୍ଭ
  • ||
  • ୨୬ ଯାଏଁ ଶୁଖିଲା ପାଗ : ଧିରେଧିରେ କମିବ ରାତି ତାପମାତ୍ରା, ସକାଳେ କୁହୁଡି
  • ||
  • ମମିତା ମେହେର ହତ୍ୟା ଘଟଣା : ଭୋର୍‌ରେ ଡେମୋ ଦେଖାଇଲା ଅଭିଯୁକ୍ତ ଗୋବିନ୍ଦ ସାହୁ
  • ||

ଟିମ୍ ଇଣ୍ଡିଆକୁ ବଡ ଝଟକା, ପ୍ରଥମ ଟେଷ୍ଟରୁ ବାଦ୍ ପଡିଲେ ଶୁବମାନ ଗିଲ୍

30/06/2021 at 8:06 PM

ଲଣ୍ଡନ ୩୦।୦୬: ଭାରତୀୟ ଦଳକୁ ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ ପୂର୍ବରୁ ବଡ ଝଟକା ଲାଗିଛି। ଓପନର ବ୍ୟାଟସମ୍ୟାନ ଶୁବମାନ ଗିଲ୍ ଆହତ କାରଣରୁ ପ୍ରଥମ ଟେଷ୍ଟରୁ ବାଦ୍ ପଡିଛନ୍ତି। ଟେଷ୍ଟ ସିରିଜ୍ ଆରମ୍ଭ  ହେବାକୁ ଆହୁରି ଗୋଟିଏ ମାସର ସମୟ ରହିଛି। ଗତ ଇଂଲଣ୍ଡ ସିରିଜ୍ ଓ ବିଶ୍ଵ ଟେଷ୍ଟ ଚମ୍ପିଆନସିପର ଫାଇନାଲ୍‌ରେ ଶୁବମାନ ଗିଲ୍‌ଙ୍କ ପ୍ରଦର୍ଶନ ନିରାଶଜନକ ଥିଲା।

କ୍ରିକବଜ୍‌ର ରିପୋର୍ଟ ଅନୁଯାୟୀ, ଶୁବମାନ ଗିଲ୍ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍‌ର ପ୍ରଥମ ଟେଷ୍ଟରୁ ବାହାରି ଯାଇଛନ୍ତି। ହେଲେ ତାଙ୍କ ଆଘାତ କେତେ ଗୁରୁତର ରହିଛି ତାହା ସ୍ପଷ୍ଟ ହୋଇ ନାହିଁ। କିନ୍ତୁ ସେ ଲମ୍ବା ସମୟ ଧରି ଦଳରୁ ବାହାରି ଯାଇଛନ୍ତି। ସେ ସ୍ଵଦେଶ ନ ଫେରି ଦଳ ସହିତ ରହିବେ। ଟେଷ୍ଟ ସିରିଜ୍‌ ସମୟରେ  ସେ ସୁସ୍ଥ ହୋଇଯିବାର ସମ୍ଭାବନା ରହିଛି।

ବିଶ୍ଵ ଟେଷ୍ଟ ଚାମ୍ପିଅନଶିପ ଫାଇନାଲ୍‌ରେ ବିଫଳ ହେବା ପରେ ଇଂଲଣ୍ଡର ପୂର୍ବତନ ଅଧିନାୟକ ନାସିର ହୁସେନ ଶୁବମାନ ଗିଲ୍ ଉପରେ ପ୍ରଶ୍ନ ଉଠାଇଥିଲେ। ସେ କହିଥିଲେ ଯେ, ଫାଇନାଲ୍‌ରେ ବିଫଳ ହେବା କାରଣରୁ ଶୁବମାନ ଗିଲ୍‌ଙ୍କୁ ଟେଷ୍ଟ ପାଇଁ ଦଳରେ ଜାଗା ମିଳିବା ମୁସ୍କିଲ। କିନ୍ତୁ ଭାରତୀୟ ଦଳକୁ ଏଥିରେ ଅଧିକ ସମସ୍ୟା ହେବ। ତାଙ୍କ ଅନୁପସ୍ଥିତିରେ ମୟଙ୍କ ଅଗ୍ରଓ୍ଵାଲ କିମ୍ବା କେଏଲ ରାହୁଲଙ୍କୁ ଦଳରେ ସ୍ଥାନ ମିଳିପାରେ।

ବିଶ୍ଵ ଟେଷ୍ଟ ଚାମ୍ପିଅନଶିପ୍ ପରେ ଭାରତୀୟ ଦଳର ଖେଳାଳିଙ୍କୁ ୨୦ ଦିନର ବିଶ୍ରାମ ଦିଆଯାଇଛି। ଖେଳାଳି ଜୁଲାଇ ୧୪ରେ ଏକାଠି ହେବେ। ଏହା ପରେ ଇଣ୍ଟ୍ରା ସ୍କ୍ଵାର୍ଡ ମୁକାବିଲା ଖେଳାଯିବ। ପାଞ୍ଚ ମ୍ୟାଚ୍ ବିଶିଷ୍ଟ ସିରିଜ୍‌ର ପ୍ରଥମ ମ୍ୟାଚ୍ ଅଗଷ୍ଟ ୪ରୁ ଖେଳାଯିବ। ୨୦୧୮ ଗସ୍ତରେ ଭାରତୀୟ ଦଳ ଇଂଲଣ୍ଡ ହାତରୁ ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍‌ରେ ୧-୪ରେ ପରାଜିତ ହୋଇଥିଲା। ବିରାଟ କୋହଲିଙ୍କ ନେତୃତ୍ଵାଧୀନ ଭାରତୀୟ ଦଳକୁ ଏହାର ପ୍ରତିଶୋଧ ନେବାର ସୁଯୋଗ ରହିଛି। ସବୁଠୁ ଅଧିକ ନଜର ଚେତେଶ୍ଵର ପୂଜାରାଙ୍କ ଉପରେ ରହିବ।

   Related Posts