Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||

କୋହଲିଙ୍କ ଉପରେ ବର୍ଷିଲେ ଗମ୍ଭୀର, ନୂଆ ବଲରେ ବୁମରାହଙ୍କୁ କାହିଁକି ମାତ୍ର ୨ ଓଭର ବୋଲିଂ ଦିଆଗଲା, ଏହା କିଭଳି କ୍ୟାପଟେନ୍ସି ?

30/11/2020 at 3:54 PM

ନୂଆଦିଲ୍ଲୀ ୩୦/୧୧ : ଅଧିନାୟକ ବିରାଟ କୋହଲିଙ୍କ ଉପରେ ବର୍ଷିଛନ୍ତି ଭାରତର ପୂର୍ବତନ କ୍ରିକେଟର ତଥା ଓପନର ଗୌତମ ଗମ୍ଭୀର । ସେ ସିଧାସଳଖ ବିରାଟ କୋହଲିଙ୍କ ଅଧିନାୟକତ୍ବକୁ ନେଇ ଅସନ୍ତୋଷ ବ୍ୟକ୍ତ କରିଛନ୍ତି । ଅଷ୍ଟ୍ରେଲିଆ ବିପକ୍ଷ ଦ୍ବିତୀୟ ଦିନିକିଆରେ ଭାରତ ପରାଜିତ ହେବା ପରେ ୩ ଟିକିଆ ସିରିଜକୁ ୨-୦ରେ ଆଗୁଆ ଜିତି ନେଇଛି କଙ୍ଗାରୁ ଟିମ ।

ତେବେ ଯଶପ୍ରୀତ ବୁମରାହଙ୍କୁ ନୂଆ ବଲରେ ମାତ୍ର ୨ ଓଭର କାହିଁକି ବୋଲିଂ ଦିଆଗଲା ତାକୁ ନେଇ ପ୍ରଶ୍ନ କରିଛନ୍ତି ଗମ୍ଭୀର । ସେ କହିଛନ୍ତି ଲଗାତାର ଭାବେ ଓ୍ବିକେଟ ନେବାକୁ ଚାହୁଁଛନ୍ତି କିନ୍ତୁ ଦଳର ପ୍ରମୁଖ ବୋଲରକୁ ମୌକା ଦିଆଯାଉନାହିଁ । ତେବେ ଏପରି ହେଲେ ଓ୍ବିକେଟ କିଭଳି ମିଳିବ ବୋଲି ସେ କହିଛନ୍ତି । ଇଏସପିଏନ୍ କ୍ରିକେଟ୍ ଇନଫୋକୁ ଗମ୍ଭୀର କହିଛନ୍ତି, ‘ମୁଁ କୋହଲିଙ୍କ ଅଧିନାୟକତ୍ବକୁ ବୁଝିପାରେ ନାହିଁ, ଆମେ ବିପକ୍ଷ ଦଳର ଖେଳାଳୀଙ୍କୁ ଅଧିକରୁ ଅଧିକ ଓ୍ବିକେଟ ନେବାକୁ ଚାହୁଁ ଏବଂ ଓପନିଂ ବ୍ୟାଟିଂ ଲାଇନ ଅପକୁ ଭାଙ୍ଗିବାକୁ ପଡିବ’ । କିନ୍ତୁ ଯଦି ଦଳର ଷ୍ଟ୍ରାଇକ ବୋଲରକୁ ଆରମ୍ଭରୁ ମାତ୍ର ଦୁଇ ଓଭର ବୋଲିଂ କରାଇବା ତେବେ ଏହା କେଉଁ ପ୍ରକାରର ଅଧିନାୟକତ୍ବ ବୋଲି ଗମ୍ଭୀର କହିଛନ୍ତି । ସାଧାରଣତଃ ପାଓ୍ବାର ପ୍ଲେ ମଧ୍ୟରେ ୪-୩-୩ ଓଭରର ତିନୋଟି ସ୍ପେଲ ବୋଲିଂ କରାଯାଏ ।

ପ୍ରଥମରୁ ମହମ୍ମଦ ଶାମୀ ଭାରତୀୟ ବୋଲିଂ ଆକ୍ରମଣକୁ ମଜଭୁତ କରିଥିଲେ । ଅନ୍ୟପଟେ ଯଶପ୍ରୀତ ବୁମରାହ ବୋଲିଂ ଭାର ସମ୍ଭାଳିଥିଲେ । କିନ୍ତୁ ୫ମ ଓଭର ପରେ ନବଦୀପ ସୈନୀଙ୍କୁ ବୋଲିଂ ପାଇଁ ଅଣାଯାଇଥିଲା । ସେ କହିଛନ୍ତି, ଯଦି ଦଳର ପ୍ରମୁଖ ବୋଲରକୁ ଆରମ୍ଭରୁ ମାତ୍ର ଦୁଇ ଓଭର ବୋଲିଂ କରାଇବା କେଉଁ ପ୍ରକାରର ଅଧିନାୟକତ୍ବ ବୋଲି ଗମ୍ଭୀର କହିଛନ୍ତି । ଏହା ଟି-ଟ୍ବେଣ୍ଟି କ୍ରିକେଟ ନୁହେଁ ସେଥିପାଇଁ ସତ କହିବାକୁ ଗଲେ ଏହା ବିରାଟଙ୍କର ଖରାପ କ୍ୟାପଟେନ୍ସି ବୋଲି ଗମ୍ଭୀର କହିଛନ୍ତି ।

ରବିବାର ସିଡନୀରେ ଖେଳାଯିବାକୁ ଥିବା ଦ୍ବିତୀୟ ଦିନିକିଆରେ ଭାରତ ବିପକ୍ଷରେ ଅଷ୍ଟ୍ରେଲିଆ ୩୯୦ ରନର ବିଶାଳ ସ୍କୋର ଲକ୍ଷ ଦେଇଥିଲା । ଜବାବରେ ଭାରତ ୩୩୮/୯ ରନ୍ ହିଁ କରି ପାରିଥିଲା । ସେହିଭଳି ପ୍ରଥମ ଦିନିକିଆରେ ଭାରତକୁ ୬୬ ରନରେ ହରାଇଥିଲା ଅଷ୍ଟ୍ରେଲିଆ ।

   Related Posts