Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଧୋନିଙ୍କ ପାଇଁ ବଢିବାରେ ଲାଗିଛି ଅଡ଼ୁଆ, ଆମ୍ରପାଲି ମାମଲାରେ ଦୃଢ଼ କାର୍ଯ୍ୟାନୁଷ୍ଠାନ ଦାବି

26/07/2019 at 3:05 PM

ନୂଆଦିଲ୍ଲୀ୨୬|୭: ଆମ୍ରପାଲି ଗ୍ରୁପ ମାମଲାରେ ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ଅଡ଼ୁଆ ବଢ଼ିବାରେ ଲାଗିଛି। ବ୍ୟବସାୟୀ ସଂଗଠନ, କନଫେଡେରେସନ ଅଫ ଅଲ ଇଣ୍ଡିଆ ଟ୍ରେଡରସ (ସିଏଟି)  କେନ୍ଦ୍ରୀୟ ଉପଭୋକ୍ତା ମାମଲାରେ କେନ୍ଦ୍ରମନ୍ତ୍ରୀ ରାମ ବିଳାଶ ପାଶଓ୍ବାନଙ୍କ ନିକଟରେ ଧୋନୀ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି।

କେନ୍ଦ୍ରମନ୍ତ୍ରୀ ରାମ ବିଳାଶଙ୍କୁ ପଠାଯାଇଥିବା ଦାବିପତ୍ରରେ ସିଏଟି ଉଲ୍ଲେଖ କରିଛନ୍ତି ଯେ, ଧୋନୀ ବିଜ୍ଞାପନ ମାଧ୍ୟମରେ ଲୋକମାନଙ୍କୁ ଭ୍ରମିଶ କରିବା ସହ ଆମ୍ରାପାଲି ପ୍ଲାଟ କିଣିବା ପାଇଁ ପ୍ରଭାବିତ କରିଛନ୍ତି। ଏହି ଫ୍ଲାଟର ବିଲଡର ଦୋଷୀ ​‌ବୋଲି ଜଣା ପଡ଼ିସାରିଛି। ତେଣୁ ଏହି ଘଟଣାରେ ଧୋନିଙ୍କର ମଧ୍ୟ ସମୃକ୍ତି ରହିଛି। ତେଣୁ ସେମାନଙ୍କ ବିରୋଧରେ ସିଏଟି ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛି। ସିଏଟିର ଜେନେରାଲ ସେକ୍ରେଟାରି ପ୍ରବିନ୍ ଖଣ୍ଡେଓ୍ବାଲ କହିଛନ୍ତି, ବିଜ୍ଞାପନ କରିବା ପାଇଁ ଲୋକପ୍ରିୟ ସେଲିବ୍ରିଟିଜ ମୋଟା ଅଙ୍କର ଟଙ୍କା ନେଉଛନ୍ତି। ହେଲେ ବିଜ୍ଞାପନ କରିବା ପୂର୍ବରୁ ଜିନିଷର ପ୍ରକୃତ ମୂଲ୍ୟ ଓ ଘଟଣା ବିଷୟରେ ଅନୁଧ୍ୟାନ ସେମାନେ କରନ୍ତି ନାହିଁ।

ଏହା ସେମାନଙ୍କର ଦାୟିତ୍ବ ବୋଲି ସେ ଭାବନ୍ତି ନାହିଁ। ସଂସଦରେ ଖାଉଟି  ସୁରକ୍ଷା ବିଲ ପାସ କରିବା ପାଇଁ କେନ୍ଦ୍ରମନ୍ତ୍ରୀଙ୍କ ପାଖରେ ସେ ଦାବି କରିଛନ୍ତି। ଏଥିସହ ଖଣ୍ଡେଓ୍ବାଲ କହିଛନ୍ତି, ଲୋକଙ୍କୁ ଭ୍ରମିତ କରୁଥିବା ମିଛ ବିଜ୍ଞାପନ ପାଇଁ ଏହି ଲୋକପ୍ରିୟା ଲୋକଙ୍କ ଦାୟିତ୍ବ ରହିବ। ବିଜ୍ଞାପନ କରିବା ସମୟରେ ଧୋନି କହିଥିଲେ, ସେ ବି ଆମ୍ରପାଲି ଫ୍ଲାଟ ନେଇଛନ୍ତି। ଏହି ବିଜ୍ଞାପନ ଲୋକଙ୍କୁ ଧୋକା ଦେଇଛି। ଭୁଲ ବିଜ୍ଞାପନ କରି ସେଲିବ୍ରିଜମାନେ ନିଜେ ମୋଟ ଅଙ୍କର ଅର୍ଥ ନେଉଛନ୍ତି ବୋଲି ସିଏଟିର ଜେନେରାଲ ସେକ୍ରେଟାରି ପ୍ରବିନ୍ ଖଣ୍ଡେଓ୍ବାଲ କହିଛନ୍ତି।

   Related Posts