Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||

ବିଳାସମୟ ହୋଟେଲରେ ୧୦୦୦କୋଟିର ବିଦେଶୀ ସମ୍ପତ୍ତି : ଆହୁରି ଖୋଜୁଛି ଆୟକର ବିଭାଗ

25/01/2020 at 10:56 AM

ଦିଲ୍ଲୀ ୨୫/୧: ଆୟକର ବିଭାଗ ଦେଶ ଏବଂ ବିଦେଶରେ ବିଳାସମୟ ହୋଟେଲ୍ ଚଲାଉଥିବା ଏକ ବଡ଼ ଗ୍ରୃପ୍ ଉପରେ ଚଢ଼ାଉ କରିଛି। ଚଢ଼ାଉ ସମୟରେ ୧୦୦୦କୋଟି ଟଙ୍କାର କଳାଧନ ବିଷୟରେ ଜଣା ପଡ଼ିଥିଲା। ଜାନୁୟାରୀ ୧୯ତାରିଖରେ ଆୟକର ବିଭାଗ ଦିଲ୍ଲୀ ସମେତ ଦେଶର ସମସ୍ତ ବଡ଼ ସହର ଏବଂ ବିଦେଶରେ ହୋଟେଲ୍ ଚଲାଉଥିବା ଏକ ବଡ଼ ଗ୍ରୁପର ଅନେକ ସ୍ଥାନରେ ଚଢ଼ାଉ କରିଥିଲା।

ଆୟକର ବିଭାଗ ଗ୍ରୃପର ଦିଲ୍ଲୀ-ଏନସିଆରରେ ୧୩ଟି ସ୍ଥାନରେ ଚଢ଼ାଉ କରିଥିଲା। ଆୟକର ବିଭାଗ ଅନୁସାରେ,ଏହି ଗ୍ରୃପ୍ ଦୀର୍ଘ ଦିନରୁ ରାଡାରରେ ଥିଲା। ସୂଚନା ମିଳିଥିଲା ଯେ ବିଦେଶରେ ହଜାର କୋଟିର କଳା ଧନର ସମ୍ପତ୍ତି ବେଆଇନଭାବେ ଜମା କରାଯାଇଥିଲା। ଆୟକର ବିଭାଗକୁ ଏହା ମଧ୍ୟ ସୂଚନା ମିଳିଛି ଯେ ହୋଟେଲ୍ ଚଲାଉଥିବା ଏହି ବଡ଼ ଗ୍ରୃପ୍ ପାଖାପାଖି ୩୫କୋଟି ଟଙ୍କାର ଇନକମ୍ ଟ୍ୟାକ୍ସ ଚୋରି ମଧ୍ୟ କରିଛି।

ଚଢ଼ାଉ ସମୟରେ ୨୩କୋଟି ଟଙ୍କାର ଗହଣା,ନଗଦ ୭୧ଲକ୍ଷ ଟଙ୍କା ଏବଂ ପାଖାପାଖି ଦେଢ଼ କୋଟି ଟଙ୍କାର ଦାମୀ ଘଣ୍ଟା ଜବତ ହୋଇଛି। ଇନକମ୍ ଟ୍ୟାକ୍ସ ଡିପାର୍ଟମେଣ୍ଟର ଯାଞ୍ଚରୁ ଜଣା ପଡ଼ିଛି ଯେ ଏହି ଗ୍ରୃପ୍ ଲଣ୍ଡନ,ଦୁବାଇ ସମେତ ବିଦେଶରେ ଜାଗା କିଣିଛି। ଆୟକର ବିଭାଗ ଦାବି କରିଛି ଯେ ଆଗାମୀ ଦିନରେ ଏହି ଗ୍ରୃପ୍ ବିରୋଧରେ ବ୍ଲାକ୍ ମନି ଆକ୍ଟ ଜରିଆରେ କାର୍ଯ୍ୟାନୁଷ୍ଠାନ ନିଆଯାଇପାରିବ। ବର୍ତ୍ତମାନ ୧୦୦୦କୋଟି ଟଙ୍କାର କଳାଧନ ବିଷୟରେ ସୂଚନା ମିଳିଛି।

   Related Posts