Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ଆୟକର ଫାଙ୍କୁଥିବା ବ୍ୟକ୍ତି ସାବଧାନ : ସ୍କାନରରେ ୬ ହଜାରରୁ ଉର୍ଦ୍ଧ୍ବ ଅସାଧୁ ବ୍ୟକ୍ତି, ଦୃଢ କାର୍ଯ୍ୟାନୁଷ୍ଠାନ ନେବ IT ବିଭାଗ

25/12/2020 at 4:44 PM

ନୂଆଦିଲ୍ଲୀ ୨୫/୧୨ : ଆୟକର ଫାଙ୍କୁଥିବା ଅସାଧୁ ବ୍ୟକ୍ତିମାନଙ୍କ ପାଇଁ ଆଗାମୀ ଦିନରେ ବଢିବ ଅଡୁଆ । ଆଗକୁ ଆୟକର ବିଭାଗ ଏକ ବିଶେଷ ଅଭିଯାନ ଆରମ୍ଭ କରିବାକୁ ଯାଉଛି । ଯେଉଁଥିରେ ଆୟକର ଫାଙ୍କୁଥିବା ଲୋକମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ ।

ମୁମ୍ବାଇରେ ଏଭଳି ଏକ ମାମଲା ସାମ୍ନାକୁ ଆସିଛି । ଜଣେ ନିଜର ବାର୍ଷିକ ଆୟ ୫ ଲକ୍ଷ ଟଙ୍କାରୁ କମ ଦର୍ଶାଇଥିଲେ । କିନ୍ତୁ ଆଶ୍ଚର୍ଯ୍ୟର କଥା ତାଙ୍କ ଆକାଉଣ୍ଟରେ ୬୦ କୋଟି ଟଙ୍କା ଜମାଥିବା ଜାଣିବାକୁ ମିଳିଛି । ଆୟକର ବିଭାଗ ଟ୍ୟାକ୍ସ୍ ଚୋରମାନଙ୍କ ପାଇଁ ଅଙ୍କୁଶ ଲଗାଇବା​‌ପାଇଁ ଏକ ନୂଆ ଅଭିଯାନ ଆରମ୍ଭ କରିଛି । ଏହି ଅଭିଯାନ ଦ୍ବାରା ଏଭଳି ଟ୍ୟାକ୍ସ୍ ଚୋରମାନଙ୍କ ତଥ୍ୟ ଏବଂ ପରିଚୟ ଜଣାପଡିବ ଯେଉଁମାନଙ୍କୁ ବାରମ୍ବାର ନୋଟିସ୍ ପଠାଯିବା ପରେ ମଧ୍ୟ ସେମାନେ ହାଜର ହେଉନାହାନ୍ତି ।

ରାଜସ୍ବ ବିଭାଗ କହିବା କଥା ଯେ, ଆୟକର ବିଭାଗକୁ ଖବର ମିଳିଛି ଯେ ଅନେକ ବ୍ୟକ୍ତି ଜାଣିଶୁଣି ଆୟକର ବିଭାଗର ନୋଟିସକୁ ଅଣଦେଖା କରୁଛନ୍ତି । ସେମାନଙ୍କୁ ଇ-ମେଲ୍, ମେସେଜ୍ ଏବଂ ନୋଟିସ୍ ପଠାଯିବା ପରେ ମଧ୍ୟ ସେମାନେ ଏହାକୁ ସମ୍ପୂର୍ଣ୍ଣ ଭାବେ ଅଣଦେଖା କରୁଛନ୍ତି । ସେଥିପାଇଁ ଆୟକର ବିଭାଗ ସେମାନଙ୍କୁ ଚିହ୍ନଟ କରିବା ଏବଂ ଜରିମାନା ଆଦାୟ କରିବା​‌ ପାଇଁ ଏକ ଅଭିଯାନ ଆରମ୍ଭ କରିଛି ।

ଆୟକର ବିଭାଗ ବର୍ତ୍ତମାନ ପର୍ଯ୍ୟନ୍ତ ଏଭଳି ପ୍ରାୟ ୬ ହଜାର ମାମଲାକୁ ଚିହ୍ନଟ କରିଛି । ଯେଉଁଠାରେ ଲୋକମାନେ ଆଇନଗତ କାର୍ଯ୍ୟାନୁଷ୍ଠାନ ଭୟରେ ଆୟକର ବିଭାଗର ନୋଟିସକୁ ଅଣଦେଖା କରୁଛନ୍ତି । ମୁମ୍ବାଇର ଜଣେ ବ୍ୟକ୍ତି ବାର୍ଷିକ ୫ ଲକ୍ଷ ଟଙ୍କାରୁ କମ ରୋଜଗାର ତଥ୍ୟ ଦେଇଥିବା ବେଳେ ଯାଞ୍ଚ ସମୟରେ ଆକାଉଣ୍ଟରେ ୬୦ କୋଟି ଟଙ୍କା ଥିବା ଜଣାପଡିଥିଲା ।

ସେହିଭଳି ଗୁଜରାଟର ଜଣେ ବ୍ୟକ୍ତି ବାର୍ଷିକ ୫ ଲକ୍ଷ ଟଙ୍କାରୁ କମ ରୋଜଗାର ତଥ୍ୟ ଦେଇଥିବା ବେଳେ ଯାଞ୍ଚ ସମୟରେ ଆକାଉଣ୍ଟରେ ୧୦ କୋଟି ଟଙ୍କା ଜମା ହୋଇଥିବା ଏବଂ ୭.୫ କୋଟି ଟଙ୍କା ଉଠାଯାଇଥିବାର ତଥ୍ୟ ରହିଛି । ସେହି ବ୍ୟକ୍ତଙ୍କୁ ଆୟକର ବିଭାଗ ପକ୍ଷରୁ ବାରମ୍ବାର ନୋଟିସ ଜାରି କରାଯାଇଥିଲେ ସୁଦ୍ଧା ସେ ଏହାକୁ ବୃକ୍ଷେପ କରିନଥିଲେ । ତେବେ ଏଭଳି ଅସାଧୁ ବ୍ୟକ୍ତିମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବାକୁ ଯୋଜନା ପ୍ରସ୍ତୁତି କରାଯାଇଛି ବୋଲି ଆୟକର ବିଭାଗ ସୂଚନା ଦେଇଛି ।

   Related Posts