Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସରେ ସ୍ଥାନ ପାଇବ ପଶ୍ଚିମ ଓଡିଶାର କଳାକୃତୀ, ୮ ଓଡିଆ କଳାକାର ହାସଲ କଲେ ସଫଳତା
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା, ରାଜ୍ୟରେ କରୋନା ନେଲା ୬୫ ଜଣଙ୍କ ଜୀବନ
  • ||
  • ଆଉ ଏକ ଲଘୁଚାପ, ୩୦ ଯାଏଁ ସାରା ରାଜ୍ୟରେ ବର୍ଷା
  • ||
  • ବରଗଡ଼ : ଗାଁ ମୁଣ୍ଡରେ ପଡ଼ିଛି ଯୁବକଙ୍କ ରକ୍ତାକ୍ତ ମୃତଦେହ, ହତ୍ୟା ନା ଆଉ କିଛି ?
  • ||
  • ମାଷ୍ଟରକ୍ୟାଣ୍ଟିନ୍‌ ଛକରୁ ମିଳିଲା ମୃତଦେହ, ଶାଢୀରେ ଝୁଲିପଡିଲେ ଯୁବକ
  • ||
  • ଦିନେ ବଢିବା ପରେ ପୁଣି କମିଲା ସଂକ୍ରମଣ : ୨୪ ଘଣ୍ଟାରେ ରାଜ୍ୟରେ ବାହାରିଲେ ୧୬୧୫ କରୋନା ପଜିଟିଭ୍
  • ||

ନକଲି ଚୀନ କମ୍ପାନୀ ନାମରେ ଚାଲିଥିଲା ୧୦୦୦ କୋଟି ଟଙ୍କାର ମନି ଲଣ୍ଡ୍ରିଂର ଖେଳ, ଆୟକର ବିଭାଗର ଚଢାଉ

11/08/2020 at 10:18 PM

ନୂଆଦିଲ୍ଲୀ ୧୧।୦୮: ଆୟକର ବିଭାଗ କିଛି ଚୀନ ନାଗରିକ ଏବଂ  ସେମାନଙ୍କର ଭାରତୀୟ ସହଯୋଗୀଙ୍କ ଆଡ୍ଡା ଉପରେ ଚଢାଉ କରିଛି। ଏହି ସବୁ ବ୍ୟକ୍ତି ନକଲି କମ୍ପାନୀ ସାହାରାରେ ୧୦୦୦ କୋଟି ଟଙ୍କାର ମନି ଲଣ୍ଡ୍ରିଂ ରାକେଟ୍‌ରେ ସାମିଲ ଥିଲେ। ଆୟକର ବିଭାଗକୁ ସୂଚନା ମିଳିଛି ଯେ, କିଛି ଚାଇନିଜ ଲୋକ ଭାରତରେ ନିଜର ସହଯୋଗୀଙ୍କ ସହିତ ମିଶି ମନି ଲଣ୍ଡ୍ରିଂ ଏବଂ ହାଓ୍ଵାଲା ଟ୍ରାଞ୍ଜେକ୍ସନ କାମ କରୁଛନ୍ତି।

ସିବିଡିଟି କହିଛି ଚୀନ କମ୍ପାନୀର ସହଯୋଗୀ କମ୍ପାନୀ ଏବଂ ଏଥିରେ ଜଡିତ ବ୍ୟକ୍ତି ନକଲି କମ୍ପାନୀ ଜରିଆରେ ଭାରତରେ ରିଟେଲ୍ ସୋରୁମ ଖୋଲିବା ନାମରେ ୧୦୦ କୋଟି ଟଙ୍କା ଆଡଭାନ୍ସ ନେଇଥିଲେ।  ଏହି ସବୁ ସୂଚନା ଆଧାରରେ ଆୟକର ବିଭାଗ ଚାଇନିଜ ନାଗରିକ, ଭାରତରେ ସେମାନଙ୍କର ସହଯୋଗୀ, ଚାଇନିଜ କମ୍ପାନୀ ଏବଂ କିଛି ବ୍ୟାଙ୍କ କର୍ମଚାରୀଙ୍କ ବାସଭବନରେ ଚଢାଉ କରିଛି। ବିଭାଗ ଅଲଗା ଅଲଗା ଠିକଣାରେ ଏହି ଚଢାଉ କରିଛି।

ଚଢାଉ ବେଳେ ଆୟକର ବିଭାଗକୁ ଜାଣିବାକୁ ମିଳିଛି ଯେ, ଚାଇନିଜ ଲୋକଙ୍କ କହିବା ଅନୁଯାୟୀ ପ୍ରାୟ ୪୦ ବ୍ୟାଙ୍କ ଆକାଉଣ୍ଟ ନକଲି କମ୍ପାନୀ ନାମରେ ଖୋଲାଯାଇଥିଲା। ଏହି ସବୁ ଆକାଉଣ୍ଟରେ ପାଖାପାଖି ୧୦୦୦ କୋଟି ଟଙ୍କା ଜମା କରାଯାଇଛି।

ଚାଇନିଜ କମ୍ପାନୀର ସହଯୋଗୀ କମ୍ପାନୀ ଏବଂ ସମ୍ବନ୍ଧିତ ଲୋକ ସେଲ କମ୍ପାନୀରୁ ଭାରତରେ ନକଲି ବ୍ୟବସାୟ କରିବା ନାମରେ ଅଗ୍ରୀମ ୧୦୦ କୋଟି ଟଙ୍କା ନେଇଥିଲେ। ତଦନ୍ତରୁ ଜଣା ପଡିଛି ଯେ, ଏହି ସବୁ ଅର୍ଥରେ ହାଓ୍ଵାଲା କାରବାର କରାଯାଇଛି। ଏହି କାମରେ ଅନେକ ବ୍ୟାଙ୍କ କର୍ମଚାରୀ ଏବଂ ଚାର୍ଟର୍ଡ ଆକାଉଣ୍ଟେଟ୍ ମଧ୍ୟ ସାମିଲ।

ହାଓ୍ଵାଲା କାରବାରର ତଦନ୍ତରେ ଆମେରିକୀ ଡଲାର ଓ ହଂକଂରେ ଏହି ଟ୍ରାଞ୍ଜେକ୍ସନ କରାଯାଇଛି। ସଂପ୍ରତି ସମସ୍ତ ଦିଗକୁ ଧ୍ୟାନରେ ରଖି ଗମ୍ଭୀରତାର ସହ ଯାଞ୍ଚ କରାଯାଉଛି।

   Related Posts