Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଙ୍ଗରାଜ ମନ୍ଦିରରେ ସର୍ବସାଧାରଣ ଦର୍ଶନ ବନ୍ଦ, ବହୁ ସେବାୟତ କୋଭିଡ୍‌ ପଜିଟଭ୍‌ ଚିହ୍ନଟ
  • ||
  • କେକେଆରକୁ ୨୦୫ ରନ୍‌ର ବିଜୟ ଲକ୍ଷ ଦେଲା ଆରସିବି
  • ||
  • କରୋନା ଯୋଗୁଁ ପଶ୍ଚିମବଙ୍ଗରେ ନିଜର ସବୁ ରାଲି ବାତିଲ କଲେ ରାହୁଲ ଗାନ୍ଧୀ: ସୋସିଆଲ ମିଡ଼ିଆରେ ହେଉଛି ପ୍ରଶଂସା
  • ||
  • ଏପ୍ରିଲରେ ଭୟାବହ ରୂପ ନେଇଛି କରୋନା: ୧୮ ଦିନରେ ୨୬ ଲକ୍ଷରୁ ଅଧିକ ମାମଲା
  • ||
  • ଦାରିଙ୍ଗବାଡ଼ି : ଭାରସାମ୍ୟ ହରାଇ ବାଇକ୍ ଦୁର୍ଘଟଣାଗ୍ରସ୍ତ : ନାବାଳକ ମୃତ, ୨ ଗୁରୁତର
  • ||
  • JEE ମେନ୍‌ ୨୦୨୧ ସ୍ଥଗିତ, ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ନେସନାଲ୍ ଟେଷ୍ଟିଂ ଏଜେନ୍ସିର ନିଷ୍ପତ୍ତି
  • ||
  • କରୋନା ସଂକ୍ରମଣ ଚିନ୍ତା, ଆଗୁଆ ପଦକ୍ଷେପ : ୪ରୁ ୫ ଗୁଣ ବଢିବ ବେଡ୍ ସଂଖ୍ୟା
  • ||
  • ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୪୪ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ମିଳିଲାନି ଅମ୍ଳଜାନ, ଜୀବନ ହାରିଲେ ୬ କରୋନା ଆକ୍ରାନ୍ତ
  • ||
  • ଜୟପୁର ସବ୍ ଜେଲରେ ରେଡ୍, ଏସ୍‌ପି ଓ ଉପ ଜିଲ୍ଲାପାଳ ସାମିଲ
  • ||

ବାଃ ବାଃ ରେ ବିହାର : ମନ୍ତ୍ରୀଙ୍କ ବଦଳରେ ତାଙ୍କ ଭାଇ କଲେ ସରକାରୀ କାର୍ଯ୍ୟକ୍ରମ, ଖୋଦ୍‌ ମୁଖ୍ୟମନ୍ତ୍ରୀ ବି ଖାଇଲେ ଚକ୍‌ମା

5/03/2021 at 9:17 PM

ପାଟନା ୦୫/୦୩ : ବିହାରର ମତ୍ସ୍ୟ ଓ ପଶୁପାଳନ ମନ୍ତ୍ରୀ ମୁକେଶ ସାହନିଙ୍କ ଭାଇଙ୍କୁ ଏକ ସରକାରୀ ସରକାରୀ କାର୍ଯ୍ୟକ୍ରମରେ ଅଂଶଗ୍ରହଣ କରିବାକୁ ନେଇ ରାଜ୍ୟ ରାଜନୀତି ସରଗରମ ହୋଇଛି । ଜଣେ ମନ୍ତ୍ରୀଙ୍କ ସ୍ଥାନରେ ତାଙ୍କ ଭାଇ କିଭଳି ସରକାରୀ କାର୍ଯ୍ୟକ୍ରମରେ ଯୋଗ ଦେଉଛନ୍ତି ସେ ନେଇ ମୁଖ୍ୟମନ୍ତ୍ରୀ ନୀତିଶ କୁମାର ମଧ୍ୟ ଆଶ୍ଚର୍ଯ୍ୟ ପ୍ରକାଶ କରିଛନ୍ତି ।

ଏ ନେଇ ମୁଖ୍ୟମନ୍ତ୍ରୀ ନୀତିଶ କୁମାର କହିଛନ୍ତି, ‘ଘଟଣା ବାବଦରେ ଖବରକାଗଜ ମାଧ୍ୟମରେ ଜାଣିବାକୁ ପାଇଛି । ଏହା ବହୁ ଗୁରୁତ୍ବପୂର୍ଣ୍ଣ ପ୍ରସଙ୍ଗ । ଜଣେ ମନ୍ତ୍ରୀଙ୍କ ସ୍ଥାନରେ ତାଙ୍କ ଭାଇ କିପରି ସରକାରୀ କାର୍ଯ୍ୟର ଉଦଘାଟନ କରୁଛନ୍ତି ?’

ସୂଚନା ଅନୁସାରେ, ହାଜିପୁରର ଅକ୍ଷୟଭଟ୍ଟ ରାୟ ଷ୍ଟାଡିୟମରେ ପଶୁ ଓ ମତ୍ସ୍ୟ ସମ୍ପଦ ବିଭାଗ ଦ୍ୱାରା ଏକ ମତ୍ସ୍ୟ ବଜାରିକରଣ ଯୋଜନା ଅଧୀନରେ ନିର୍ଦ୍ଧାରିତ ଜାତି ଏବଂ ଅତ୍ୟଧିକ ପଛୁଆ ଜାତିର ମତ୍ସ୍ୟଜୀବୀଙ୍କ ପାଇଁ ଯାନ ବଣ୍ଟନ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ପଶୁ ଓ ମତ୍ସ୍ୟ ସମ୍ପଦ ବିଭାଗ ମନ୍ତ୍ରୀଙ୍କ ବଦଳରେ ତାଙ୍କ ଭାଇ ଯୋଗ ଦେଇଥିଲେ । ଏହାକୁ ନେଇ ବିରୋଧୀ ସରକାରଙ୍କୁ ଘେରିଛନ୍ତି । ବ୍ୟାନରେ ମନ୍ତ୍ରୀଙ୍କ ଫଟୋ ଥିଲେ ସୁଦ୍ଧା​‌ ମନ୍ତ୍ରୀ କିନ୍ତୁ କାର୍ଯ୍ୟକ୍ରମରେ ଉପସ୍ଥିତ ନଥିଲେ ।

ମନ୍ତ୍ରୀ ମୁକେଶ ସାହନୀଙ୍କ ଭାଇଙ୍କୁ ଉପସ୍ଥିତ ସାମ୍ବାଦିକଭାବେ ମନ୍ତ୍ରୀ କୁଆଡେ ଗଲେ ବୋଲି ପ୍ରଶ୍ନ କରିବାରୁ ତାଙ୍କ କାର୍ଯ୍ୟକ୍ରମକୁ ଆସିଥିବା ମନ୍ତ୍ରୀଙ୍କ ଭାଇ ଉତ୍ତର ଦେଇଥିଲେ ଯେ, ‘ବ୍ୟସ୍ତତା ଯୋଗୁଁ ମନ୍ତ୍ରୀ କାର୍ଯ୍ୟକ୍ରମରେ ଯୋଗ ଦେଇପାରିନାହାନ୍ତି । ତାଙ୍କ ସ୍ଥାନରେ ମୁଁ କାର୍ଯ୍ୟକ୍ରମରେ ଯୋଗଦେଇଛି’ ।

ଏହାକୁ ନେଇ ରାଜନୀତି ସରଗରମ ହେବାରୁ ମୁଖ୍ୟମନ୍ତ୍ରୀ ନୀତିଶ କୁମାର ଘଟଣାର ତଦନ୍ତ ହେବ ବୋଲି ସୂଚନା ଦେଇଛନ୍ତି ।

   Related Posts