Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ପାଦ ଚଳିଲେ ପାଟି ଚଳେ , ନ ହେଲେ ସାରା ପରିବାର ଭୋକ ଉପାସରେ – ଶୀତ କାକରରେ କେହି ନାହାନ୍ତି ଆହାକୁ ସାହା

13/01/2020 at 5:47 PM

ସୁବର୍ଣ୍ଣପୁର (ଧୀରେନ୍ଦ୍ର ଦାନୀ) ୧୨।୦୧ – ସୁବର୍ଣ୍ଣପୁର ଜିଲ୍ଲାରେ ଶୀତ ଲହରୀ ।  ହାଡଭଙ୍ଗା ଶୀତରେ ଥରୁଛି ସମଗ୍ର ଜିଲ୍ଲା । ଜାଡ ମାଡରେ ଅସ୍ତବ୍ୟସ୍ତ ଜନଜୀବନ । ଚଳିତ ବର୍ଷ ଶୀତ ସବୁଠାରୁ କଷ୍ଟ ଦେଉଛି  ବାସହୀନ ବେସାହାରା ଏବଂ ଯାଯାବରମାନଙ୍କୁ । ଖେ।ଲା ଆକାଶ ତଳେ ଛୁଆ ପିଲା ଧରି ପଡି ରହିଛନ୍ତି ସେମାନେ । ଆସନ୍ତୁ ଦେଖିବା ଯାଜାବରଙ୍କ ଶୀତ ରାତିର ଜୀବନ ।

ଥରୁଛି ସୁବର୍ଣ୍ଣପୁର । ରାଜ୍ୟର ସବୁଠୁ ଥଣ୍ଡା ସହର ପାଲଟିଥିବା ସୁବର୍ଣ୍ଣପୁରରେ ହାଡଭଙ୍ଗା ଶୀତ ଜନଜୀବନକୁ ପ୍ରଭାବିତ କରୁଛି । ତେବେ ସାଧାରଣ ଲେ।କଙ୍କ ଠାରୁ ଜାଡ ମାଡ ଅଧିକ କଷ୍ଟ ଦାୟକ ହେ।ଇଛି ବାସହୀନ ବେସାହାରା ଏବଂ ଯାଯାବରମାନଙ୍କ ପାଇଁ ।ଦେଖନ୍ତୁ ଏହି ଦୃଶ୍ୟକୁ  ହାଡଭଙ୍ଗା ଶୀତରେ  ମାଟି ଉପରେ ପଟି ବିଛଣା ପକେଇ କିଛି କପଡା ଉପରେ ଶୋଇଛନ୍ତି ଏମାନେ । ଖୋଲା ଆକାଶ ତଳେ, ଶୀତ କାକରେର କଟୁଛି ଏମାନଙ୍କ ରାତି  ଦିନଟା ଜାକର ପରିଶ୍ରମର କ୍ଲାନ୍ତି ମେଣ୍ଟାଇବା ପରେ ଗଭୀର ନିଦ୍ରାରେ ଶୋଇଥିବା ଏଇ ଯାଯାବରମାନେ ପୁଣି ରାତି ପାହିବା ଘଡିଏ ଆଗରୁ  ପେଟପାଟଣା ପାଇଁ ବିଛଣା ଛାଡନ୍ତି  । ପାଦ ଚଳିଲେ ପାଟି ଚଳେ  । ନ ହେଲେ ସାରା ପରିବାର ଭୋକ ଉପାସରେ  । ଏମାନଙ୍କ କଥା ନା ବୁଝନ୍ତି ଲୋକ ପ୍ରତିନିଧି ନା ସରକାରୀ ବାବୁମାନେ ।

ସୁବର୍ଣ୍ଣପୁର ସହରର ମଙ୍ଗଳବାର ହାଟ ପାଖରେ ଏଇ ଜାରା ଶବର ସଂପ୍ରଦାୟର କିଛି ପରିବାରକୁ ଆମେ ଭେଟିଥିଲୁ । ଟଙ୍କିକିଆ ଚାଉଳ ହେଉ କି ପ୍ରଧାନ ମନ୍ତ୍ରୀ ଆବାସ ଯୋଜନା ,କାଣିଚାଏ ପାଉନାହାନ୍ତି ଏମାନେ । ଜଙ୍ଗଲରେ ବୁଲି ମହୁ ,ଝୁଣା ଫଳମୂଳ ସଂଗ୍ରହ କରି ବିକ୍ରୀବଟା କରି ଚଳିଯାଆନ୍ତି । ଶୀତ ,କାକର ,ଖରା ଓ ବର୍ଷା ସବୁକିଛି ସହିବାର କ୍ଷମତା ପାଇଛନ୍ତି ପ୍ରକୃତିରୁ  । ପେଟକୁ ମୁଠାଏ ଖାଦ୍ୟ ଓ ଦେହକୁ ଖଣ୍ଡିଏ ମିଳିଗଲେ ଏମାନଙ୍କର ଆଉ କିଛି ଚିନ୍ତା ନାହିଁ । ପେଟପାଟଣା ପାଇଁ ବୁଲି ବୁଲି ଜୀବନ ଜିଉଁଥିବା ଏଇ ଲୋକେ ଜାଣନ୍ତି ନାହିଁ କିଏ ସରକାର କିଏ ପ୍ରଶାସନ  ।  

ମମତା ଯୋଜନାରୁ ହରିଶ୍ଚନ୍ଦ୍ର ଯାଏଁ ,ଏମାନଙ୍କ ପାଇଁ ସବୁ ସରକାରୀ ଯୋଜନା ଅପହଂଚ  । ପିଲାଛୁଆଙ୍କ ଶିକ୍ଷା କଥା ପଚାରେ କିଏ  । ଗଣରାଜ୍ୟ ଦିବସ ପାଳନର ୭୦ ବର୍ଷ ପରେ ବି ନିଜ କର୍ମକୁ ଆଦରି ଗାଁରୁ ସହର ବୁଲୁଥିବା ଏହି ଲୋକମାନଙ୍କୁ ସ୍ଥାୟୀ ବାସସ୍ଥାନ ସହିତ ହାତକୁ କାମ ଯୋଗାଇ ଦିଆଯାଇ ନ ପାରିବା ବହୁ ପରିତାପର ବିଷୟ ।

   Related Posts