Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଆଫ୍ରିକା ମହାଦେଶର ଏହି ଦେଶରେ ଉପରାଷ୍ଟ୍ରପତିଙ୍କ ସଂଖ୍ୟାଠାରୁ ଭେଣ୍ଟିଲେଟର ସଂଖ୍ୟା କମ୍

20/04/2020 at 1:42 PM

ଓ୍ବାକାଣ୍ଡା ୨୦।୪: ବର୍ତ୍ତମାନ ସୁଦ୍ଧା ସାରା ବିଶ୍ବରେ କରୋନା ଭାଇରସ୍ ଯୋଗୁଁ ୧ ଲକ୍ଷ ୬୫ ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି । ମିଳିତ ଜାତିସଂଘର ଅଧିକାରୀମାନେ କହିଛନ୍ତି ଯେ, ଆଫ୍ରିକା କରୋନା ଭାଇରସ୍ ମହାମାରୀର ପରବର୍ତ୍ତୀ କେନ୍ଦ୍ର ହୋଇପାରେ । ଆଫ୍ରିକା ପାଇଁ ମିଳିତ ଜାତିସଂଘ ଅର୍ଥନୈତିକ ଆୟୋଗ ଚେତାବନୀ ଦେଇଛି ଯେ, ମାଳଦ୍ବୀପରେ ଅତି କମ୍ ରେ ୩ ଲକ୍ଷ ଲୋକଙ୍କର ମୃତ୍ୟୁ ହୋଇପାରେ । କମିଶନ କରୋନା ସହିତ ଲଢିବା ପାଇଁ ୧୦୦ ବିଲିୟନ ଡଲାର ମଧ୍ୟ ଦାବି କରିଛି ।

ଆଫ୍ରିକାର ଏକ ବଡ ଭାଗ ଦାରିଦ୍ର୍ୟ ସହ ସଂଘର୍ଷ କରୁଛି । କିନ୍ତୁ ଜାତିସଂଘ କହିଛି ଯେ କରୋନା କାରଣରୁ ୩ କୋଟି ଲୋକ ଗରିବ ହୋଇପାରନ୍ତି । ଆଫ୍ରିକାରେ ୧୯ ହଜାରରୁ ଅଧିକ ସଂକ୍ରମଣର ରିପୋର୍ଟ ହୋଇଥିବା ବେଳେ ଏକ ହଜାର ଲୋକଙ୍କ ମୃତ୍ୟୁ ମଧ୍ୟ ଘଟିଛି । ଏଥି ସହିତ ଆଫ୍ରିକୀୟ ଦେଶମାନଙ୍କରେ କରୋନା ଭାଇରସ୍ ଚିକିତ୍ସାରେ ଡାକ୍ତରୀ ଉପକରଣ ଭେଣ୍ଟିଲେଟରର ଅଭାବ ରହିଛି ।

ନ୍ୟୁୟର୍କ ଟାଇମ୍ସ ରିପୋର୍ଟ ଅନୁଯାୟୀ ଆଫ୍ରିକାରେ ୧୦ଟି ଦେଶ ଅଛି ଯେଉଁଠାରେ ଡାକ୍ତରଖାନାଗୁଡିକରେ ଗୋଟିଏ ହେଲେ ଭେଣ୍ଟିଲେଟର ନାହିଁ । ଆଫ୍ରିକା ମହାଦେଶରେ ୫୫ଟି ଦେଶ ରହିଛି । ଦକ୍ଷିଣ ସୁଦାନରେ ୫ ଜଣ ଉପରାଷ୍ଟ୍ରପତି ଅଛନ୍ତି, କିନ୍ତୁ ଦେଶରେ କେବଳ ୪ ଟି ଭେଣ୍ଟିଲେଟର ଅଛି ।

ବିଶ୍ବ ସ୍ବାସ୍ଥ୍ୟ ସଂଗଠନ (WHO) ଅନୁଯାୟୀ, ୪୧ ଆଫ୍ରିକୀୟ ଦେଶରେ ମୋଟ୍ ଜନସଂଖ୍ୟା ପାଇଁ ମାତ୍ର ୨ ହଜାର ଭେଣ୍ଟିଲେଟର ରହିଛି । ସେହିଭଳି କେବଳ ଆମେରିକାରେ ୧ ଲକ୍ଷ ୭୦ ହଜାର ଭେଣ୍ଟିଲେଟର ଅଛି ।

WHO ଏହା ମଧ୍ୟ କହିଛି ଯେ ଆଫ୍ରିକାର ୫୫ଟି ଦେଶ ମଧ୍ୟରୁ ୪୩ଟି ଦେଶରେ କେବଳ ୫୦୦୦ ଆଇସିୟୁ ବେଡ୍ ରହିଛି । ଅର୍ଥାତ୍ ପ୍ରତି ୧୦ ଲକ୍ଷ ଲୋକଙ୍କ ପାଇଁ କେବଳ ୫ ଟି ବେଡ୍ । ଯେଉଁଠାରେ ୟୁରୋପରେ ପ୍ରତି ୧୦ ଲକ୍ଷ ଲୋକଙ୍କ ପାଇଁ ୪୦୦୦ ଆଇସିୟୁ ବେଡ୍ ଅଛି ।

ଆଫ୍ରିକୀୟ ଦେଶଗୁଡିକ ପୂର୍ବରୁ ଡାକ୍ତରଖାନା ଏବଂ ଚିକିତ୍ସା ସୁବିଧା ଅଭାବର ସମ୍ମୁଖୀନ ହେଉଛନ୍ତି । ଅନେକ କ୍ଷେତ୍ରରେ ମାସ୍କ, ଅମ୍ଳଜାନ, ସାବୁନ୍ ଏବଂ ଜଳର ମଧ୍ୟ ସମସ୍ୟା ରହିଛି । ଏହି କାରଣରୁ ଏହା ଭୟ ରହିଛି ଯେ କରୋନା ସଂକ୍ରମଣ ଅଧିକ କ୍ଷତି ପହଞ୍ଚାଇପାରେ ।

ଆଫ୍ରିକାରେ ବିଶୁଦ୍ଧ ଜଳର ଏତେ ବଡ ସମସ୍ୟା ରହିଛି ଯେ, ମିଳିତ ଜାତିସଂଘର ରିପୋର୍ଟ ଅନୁଯାୟୀ, ୨୦୧୫ ମସିହାରେ ଉପ-ସାହାରା ଆଫ୍ରିକାରେ ମାତ୍ର ୧୫ ପ୍ରତିଶତ ଲୋକଙ୍କ ନିକଟରେ ହାତ ଧୋଇବାର ସୁବିଧା ଥିଲା । ସେହିଭଳି ଲାଇବେରିଆରେ ୨୦୧୭ ମସିହାରେ ୯୭ ପ୍ରତିଶତ ଲୋକଙ୍କ ନିକଟରେ ବିଶୁଦ୍ଧ ଜଳ ଏବଂ ସାବୁନ ନଥିଲା ।

   Related Posts