Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

ପରମ୍ପରା/ଏଠାରେ ବିବାହ ପୂର୍ବରୁ ବର-କନ୍ୟାଙ୍କୁ ରାତି ବିତାଇବାକୁ ପଡ଼ିଥାଏ ଜଙ୍ଗଲରେ : ଏହା ପରେ ହୋଇଥାଏ ବିବାହ

20/09/2019 at 11:56 AM

ଛତିଶଗଡ଼ ଏବଂ ମଧ୍ୟ ପ୍ରଦେଶ ଆଦିବାସୀମାନେ ସମଗ୍ର ଭାରତରେ ବେଶ୍ ଜଣାଶୁଣା। ଏହି ଆଦିବାସୀ ଅଞ୍ଚଳକୁ ବିଦେଶରୁ ମଧ୍ୟ ବିଶେଷଜ୍ଞମାନେ ଗବେଷଣା କରିବା ପାଇଁ ଆସିଥାଆନ୍ତି। ଆଦିବାସୀଙ୍କ ପରମ୍ପରା ଲୋକଙ୍କ ପାଇଁ ସବୁଠୁ ଅଧିକ ରୋଚକ ହୋଇଥାଏ। ଆଜି ଆମେ ଆପଣଙ୍କୁ ଏମାନଙ୍କ ବିବାହର ଏକ ପରମ୍ପରା ବିଷୟରେ କହିବୁ।

ବୈଗା ଜନଜାତିରେ ବିଭିନ୍ନ ପ୍ରକାରର ବିବାହ ସମାରୋହ ହୋଇଥାଏ । ତେବେ ସବୁଠୁ ରୋଚକ ପରମ୍ପରା ଦଶରହା ହୋଇଥାଏ। ଏହି ପ୍ରଥା ଅନୁସାରେ ଗୋଟିଏ ଗାଁର ଯୁବକ-ଯୁବତୀ ଅନ୍ୟ ଗାଁକୁ ଯାଇ ସେଠାକାର ଯୁବକ ଯୁବତୀଙ୍କ ସହ ରାତିସାରା ନାଚିଥାଆନ୍ତି। ସେଠାରେ ନୃତ୍ୟ ସମୟରେ ସେମାନେ ନିଜ ଜୀବନସାଥୀ ବାଛିଥାଆନ୍ତି। ନୃତ୍ୟ ସମୟରେ ଯୁବକ-ଯୁବତୀ ପରସ୍ପରକୁ ପ୍ରେମ ନିବେଦନ କରିଥାଆନ୍ତି। ଏହା ପରେ ପରସ୍ପରକୁ ପସନ୍ଦ କରିଥିବା ଯୁବକ-ଯୁବତୀ ଜଙ୍ଗଲକୁ ଯାଇ ରାତି କଟାଇଥାଆନ୍ତି ଏବଂ ସକାଳେ ଆସି ନିଜ ବାପା ମାଆଙ୍କଠୁ ଆଶୀର୍ବାଦ ନେଇ ଦାମ୍ପତ୍ୟ ଜୀବନର ଆରମ୍ଭ କରିଥାଆନ୍ତି।

ଦଶରହା ହୋଲିର ଠିକ୍ ପରେ ଆସୁଥିବା ପରମ୍ପରା ଅଟେ, ଯେଉଁଥିରେ ପାଖାପାଖି ମାସେ ଯାଏଁ ବୈଗା ଯୁବକ-ଯୁବତୀ ଅନ୍ୟ ଗାଁକୁ ଯାଇ ନୃତ୍ୟ କରିଥାଆନ୍ତି। ଏହି ବିବାହକୁ ଗ୍ରାମୀଣ ଭାଷାରେ ‘ଭାଗା ଲେ ଭାଗି’ ମଧ୍ୟ କୁହାଯାଇଥାଏ।

ଏହି ପରମ୍ପରା ପାଶ୍ଚାତ୍ୟ ସଭ୍ୟତା ସହ ମେଳ ଖାଇଥାଏ । ଏଠାକାର ବୟସ୍କ ଆଦିବାସୀମାନେ ଏହି ପରମ୍ପରାକୁ ସାମାଜିକ ନିୟମ ହିସାବରେ ଗ୍ରହଣ କରିଛନ୍ତି । ବିବାହଯୋଗ୍ୟ ଯୁବକ ଓ ଯୁବତୀଙ୍କୁ  ପରମ୍ପରା ସମ୍ପର୍କରେ ପୂର୍ବରୁ ସୂଚନା ଦେଇଦିଆଯାଇଥାଏ।

ଆଦିବାସୀ ସମାଜରେ ମହିଳାଙ୍କୁ ଅତ୍ୟନ୍ତ ସମ୍ମାନ ପ୍ରଦାନ କରାଯାଇଥାଏ। ଏଠାରେ ସେମାନଙ୍କୁ ନିଜ ପାଇଁ ଜୀବନସାଥୀ ବାଛିବା ସହ ବିବାହ ପୂର୍ବରୁ ତାଙ୍କ ସହ ସମ୍ପର୍କ ସ୍ଥାପନ କରିବାର ମଧ୍ୟ ଅନୁମତି ଦିଆଯାଇଥାଏ। ଏହା ବିଷୟରେ ପରିବାର ଲୋକ ଜାଣିବା ପରେ ଉଭୟଙ୍କର ବିବାହ କରାଇ ଦିଆଯାଇଥାଏ।

   Related Posts