Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ସଂକ୍ରମଣ, ସୁସ୍ଥ ହୋଇ ଘରକୁ ଫେରିଲେ ଆଉ ୬୬୯ ଆକ୍ରାନ୍ତ
  • ||
  • ସରକାର ଓ କୃଷକଙ୍କ ମଧ୍ୟରେ ପ୍ରଥମ ବୈଠକ ବିଫଳ: ପୁଣି ଡିସେମ୍ବର ୩ରେ ଉଭୟ ପକ୍ଷ ମଧ୍ୟରେ ଆଲୋଚନା, ଜାରି ରହିବ ଆନ୍ଦୋଳନ
  • ||
  • ସୋର : ବାଇକ୍ ଉପରେ ମାଡିଗଲା କାର୍, ୩ ଗୁରୁତର
  • ||
  • କଣ୍ଟାବାଞ୍ଝି : ରାସ୍ତା କଡ ସିମେଣ୍ଟ ଖୁଣ୍ଟରେ ପିଟିହେଲା ବାଇକ୍ଦୁ, ଦୁଇ ମୃତ, ଜଣେ ଗୁରୁତର
  • ||
  • ଭଦ୍ରକ : ଟ୍ରକ୍‌କୁ ୮୭ ହଜାର ଟଙ୍କା ଫାଇନ୍, ପରମିଟ୍ ନଥାଇ ପରିବହନ ହେଉଥିଲା ଅଧିକ ଓଜନର ସାମଗ୍ରୀ
  • ||
  • ଆଠମଲ୍ଲିକ : ବାଇକ୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ଦୁଇ ବାଇକ୍ ଆରୋହୀଙ୍କ ମୃତ୍ୟୁ
  • ||
  • ସୋର : ଟ୍ରକ୍ ଚାପାରେ ମା’ ମୃତ, ବାପା-ପୁଅ ଗୁରୁତର
  • ||
  • ସାନଖେମୁଣ୍ଡି : ଦାଦା ବଟି ମାଗିବା ଅଭିଯୋଗରେ ଯୁବକ ଗିରଫ, ମାଉଜର ଓ ଅଫୁଟା ଗୁଳି ଜବତ
  • ||
  • ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୪୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୩୭୮ କରୋନା ସଂକ୍ରମିତ, ୩୧୯୧୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଜିଲ୍ଲାପାଳଙ୍କୁ ଘେରିଲେ ଷଣ୍ଢ, ଏସ୍‌ପିଙ୍କ ସହ ପୁଲିସ ବଳ ପହଞ୍ଚି ବ୍ଲକ ପରିସରରୁ ଷଣ୍ଢଙ୍କୁ ବିଦା କଲେ

28/10/2019 at 5:07 PM

କେନ୍ଦ୍ରାପଡା ୨୮।୧୦- ଜିଲ୍ଲାପାଳଙ୍କୁ ଘେରିଲେ ଷଣ୍ଢ । ଖବର ପଢିଲା ଟିକେ ଅଡୁଆ ଲାଗୁଥିବା କିନ୍ତୁ ଘଟଣା ଟା ସତ । ଏହା କେନ୍ଦ୍ରାପଡା ଜିଲ୍ଲା ରାଜନଗରରେ ଘଟିଛି । ଷଣ୍ଢମାନେ ସ୍ୱେଚ୍ଛାରେ ଏପରି କରି ନାହାନ୍ତି । ଲୋକମାନେ ଏମାନଙ୍କ ଉତ୍ପାତରେ ଅତିଷ୍ଠ ହେବା ପରେ ବିଭିନ୍ନ ପ୍ରଶାସନିକ ଅଧିକାରୀଙ୍କ ଠାରୁ ଆରମ୍ଭ କରି ଜିଲ୍ଲାପାଳଙ୍କୁ ମଧ୍ୟ ଷଣ୍ଢଙ୍କ ଦୌରାତ୍ମ ବିଷୟରେ ଅଭିଯୋଗ କରିଥିଲେ । ହେଲେ କିଛି ସୁଫଳ ମିଳି ନଥିଲା ।ବ୍ଲକ ଅଫିସ୍‌ରେ ଜନଶୁଣାଣୀକୁ ଜିଲ୍ଲାପାଳ ଆସୁଥିବା ଶୁଣୀ ବାଧ୍ୟ ହୋଇ ଷଣ୍ଢମାନଙ୍କୁ ଅଡାଇ ଅଫିସ୍‌ ପରିସରରେ ପୁରାଇ ଦେଇଥିଲେ ।

ରାଜନଗରରେ ସୋମବାରରେ ଜନଶୁଣାଣୀ ହେବାର ଥିଲା। ଜିଲ୍ଲାପାଳ ଏହି ଜନଶୁଣାଣୀରେ ଯୋଗଦେବାରୁ କାର୍ଯ୍ୟକ୍ରମ ରହିଥିଲା । ଲୋକମାନେ ଏହା ଜାଣିବା ପରେ ସମସ୍ତ ଷଣ୍ଢଙ୍କୁ ଅଡାଇ ବ୍ଲକ କାର୍ଯ୍ୟାଳୟ ମଧ୍ୟରେ ଭର୍ତ୍ତି କରିଥିଲେ । ପ୍ରାୟ ୫୦୦ ଷଣ୍ଢ ବ୍ଲକ କାର୍ଯ୍ୟାଳୟ ପରିସରରେ ପଶିବା ପରେ ସେଠାରେ ଲୋକଙ୍କ ପାଇଁ ସ୍ଥାନ ନ ଥିଲା । ଜିଲ୍ଲାପାଳ ଆସିବା ସମୟରେ ତାଙ୍କ ଗାଡି ଚାରି ପାଖେ ଓ ଆଗରେ ମାଳ ମାଳ ଷଣ୍ଢ ଛିଡା ହୋଇଥିଲା । ସତେ ଯେପରି ଏମାନେ ଘେରଉ କରିଛନ୍ତି । ନିଜେ ଜିଲ୍ଲାପାଳ ଏହା ଦେଖି ଆଶ୍ଚର୍ଯ୍ୟ ହୋଇଯାଇଥିଲା। ସେଠାରେ ଉପସ୍ଥିତ ଥିବା ଲୋକଙ୍କୁ ଏହି ସମସ୍ୟାରୁ ମୁକ୍ତି ଦେବା ପାଇଁ କିଛି ଦିନ ସମୟ ମାଗିଥିଲେ । ଶେଷରେ କେନ୍ଦ୍ରାପଡା ଏସ୍‌ପି ନୀତି ଶେଖର ସେଠାରେ ପହଞ୍ଚିଥିଲେ । ଏର ପ୍ଲାଟୁନ୍‌ ପୁଲିସ ଘଟଣାସ୍ଥଳରେ ମୁତୟନ କରାଯାଇଥିଲା। ପରେ ପୁଲିସ ଷଣ୍ଢମାନଙ୍କୁ ପୁଲିସ ବ୍ଲକ କାର୍ଯ୍ୟାଳୟକୁ ବାହାର କରିଥିଲା ।

ଲୋକମାନେ ଷଣ୍ଢଙ୍କ ଉପରେ ଖପ୍ପା ହେବାର କାରଣ ମଧ୍ୟ ଅଛି । ଏଠାରେ ଷଣ୍ଢଙ୍କ ସଂଖ୍ୟା ୫ଶହରୁ ଅଧିକ । ରାଜ ନଗର ଏକ କୃଷି ପ୍ରାଧାନ୍ୟ ଅଞ୍ଚଳ ହୋଇଥିବାରୁ ଲୋକମାନେ ଧାନ ଓ ପରିବା ଚାଷ ଉପରେ ନିର୍ଭର କରନ୍ତି । ମାତ୍ର ଷଣ୍ଢଙ୍କ ପ୍ରକୋପରେ ଏହା ବାର୍ତ୍ତିବା ମହା ମୁସକିଲ୍‌ । ବଜାରକୁ ପରିବା ବୋଝ ଧରି ଚାଷୀ ଗଲେ ଷଣ୍ଢଙ୍କ କବଳରୁ ମୁକ୍ତି ପାଇ ପାରନ୍ତି ନାହିଁ ।

କେବଳ ସେତିକୁ ନୁହେଁ ବଜାରର ଅନେକ ଦୁର୍ଘଟଣା ଏମାନଙ୍କୁ ଯୋଗୁଁ ଘଟିଛି । ଷଣ୍ଢ ଲଢେଇ ଲାଗିଲେ ଅବସ୍ଥା ସମ୍ଭାଳିବା ଭାରି କଷ୍ଟକର । ଲୋକମାନେ ଅତିଷ୍ଠ ହୋଇ ଜିଲ୍ଲା ପ୍ରଶାସନକୁ ଜଣାଇଥିଲେ ।ମାତ୍ର କୌଣସି କାର୍ଯ୍ୟାନୁଷ୍ଠାନ ନ ହେବାରୁ ବାଧ୍ୟ ହୋଇ ଏପରି ପନ୍ଥା ଅବଲମ୍ବନ କଲେ । ଦେଖିବା କଥା ଏହି ଅସୁବିଧାରୁ ସେମାନଙ୍କୁ କେବେ ମୁକ୍ତି ମିଳୁଛି ।

   Related Posts