Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

କଂଗ୍ରେସ ଇସ୍ତାହାର କମିଟି ଅଧ୍ୟକ୍ଷ ପଦରୁ ହଟିଲେ ଶ୍ରୀକାନ୍ତ ଜେନା, ଗଣେଶ୍ବର ବେହେରାଙ୍କ ନେତୃତ୍ବରେ ଗଠିତ ହେଲା ୧୦ ଜଣିଆ କମିଟି

6/12/2018 at 2:17 PM

ଭୁବନେଶ୍ବର ୬|୧୨: କଂଗ୍ରେସ ଇସ୍ତାହାର କମିଟି ଅଧ୍ୟକ୍ଷ ପଦରୁ ବରିଷ୍ଠ ନେତା ଶ୍ରୀକାନ୍ତ ଜେନା ହଟିଲେ । ଶ୍ରୀକାନ୍ତଙ୍କ ସ୍ଥାନରେ ଗଣେଶ୍ବର ବେହେରା କଂଗ୍ରେସ ବିଧାନସଭା ଇସ୍ତାହାର କମିଟିର ଅଧ୍ୟକ୍ଷ ହୋଇଛନ୍ତି । ଏଆଇସିସି ଅଧ୍ୟକ୍ଷ ଏହି ନିଯୁକ୍ତିକୁ ଅନୁମୋଦନ ପ୍ରଦାନ କରିଛନ୍ତି । ଏଥିସହ ୧୦ ଜଣିଆ ନୂଆ ଇସ୍ତାହାର କମିଟିକୁ ମଧ୍ୟ ଅନୁମୋଦନ ମିଳିଛି । ନୂଆ ଇସ୍ତାହାର କମିଟିରେ ରହିଛନ୍ତି ନରସିଂହ ମିଶ୍ର, ପ୍ରସାଦ ହରିଚନ୍ଦନ, ସୁଦର୍ଶନ ଦାସ, ଶ୍ୟାମସୁନ୍ଦର ହାଂସଦା, ମେରୀ ସୁରୀନ, ଲିଆକତ ଅଲ୍ଲୀ , ନଟବର ଖୁଣ୍ଟିଆ, ସତ୍ୟ ପ୍ରକାଶ ନାୟକ ଏବଂ ବିସ୍ମୟ ମହାପାତ୍ର ।

ନିର୍ବାଚନ ପାଖେଇ ଆସୁଥିବାବେଳେ କଂଗ୍ରେସରେ ପୁଣି ଏକ ପ୍ରକାର ଗୋଷ୍ଠୀ ବିବାଦ ସୃଷ୍ଟି ହୋଇଛି । ନିରଞ୍ଜନଙ୍କ ନେତୃତ୍ବକୁ ଶ୍ରୀକାନ୍ତ ଜେନା ଗ୍ରହଣ କରିପାରୁନାହାଁନ୍ତି । ଏପରିକି କୋରାପୁଟର ପୂର୍ବତନ ବିଧାୟକ କୃଷ୍ଣଚନ୍ଦ୍ର ସଗରିଆଙ୍କ ଜରିଆରେ ସେ ଦଳ ମଧ୍ୟରେ ବିଭ୍ରାନ୍ତ ସୃଷ୍ଟି କରିଆସୁଛନ୍ତି ବୋଲି ଆଲୋଚନା ହେଉଛି  । ଆଜି ଭୁବନେଶ୍ବର ସ୍ବାଧୀନତା ସଂଗ୍ରାମୀ ପଡିଆଠାରେ କୃଷ୍ଣଚନ୍ଦ୍ର ସଗରିଆ ଆୟୋଜନ କରିଥିବା ସମାବେଶରେ କଂଗ୍ରେସର ଅନ୍ୟ କୌଣସି ନେତା ଯୋଗ ଦେଇନଥିବାବେଳେ ଶ୍ରୀକାନ୍ତ ଜେନା ଯୋଗ ଦେଇଛନ୍ତି । ସଗରିଆଙ୍କ ଏଭଳି ସମାବେଶକୁ କଂଗ୍ରେସ ବିଶୃଙ୍ଖଳିତ ଆଚରଣ ବୋଲି ବିବେଚନା କରୁଥିବାବେଳେ ସେଠାରେ ଶ୍ରୀକାନ୍ତଙ୍କ ଉପସ୍ଥିତି ସମସ୍ତଙ୍କୁ ଚକିତ କରିଛନ୍ତି । ଶ୍ରୀକାନ୍ତ କହିଛନ୍ତି ଯେ, ଏହି ସମାବେଶକୁ ପ୍ରଦେଶ କଂଗ୍ରେସର ସଭାପତି ନିରଂଜନ ପଟ୍ଟନାୟକଙ୍କୁ ମଧ୍ୟ ଡକାଯାଇଥିଲା । ତେବେ ସେ ଆସିଲେନାହିଁ ।

କଂଗ୍ରେସ ବିଧାନସଭା ଇସ୍ତଫା କମିଟିରୁ ଶ୍ରୀକାନ୍ତଙ୍କୁ ହଟାଯିବାପରେ ଏବେ କଂଗ୍ରେସ ମଧ୍ୟରେ ଚାଲିଥିବା ଅନ୍ତଯୁଦ୍ଧ ଧୀରେ ଧୀରେ ପଦାରେ ପଡିବାରେ  ଲାଗିଛି । ଅପରପକ୍ଷରେ  ଶ୍ରୀକାନ୍ତ ଜେନା କହିଛନ୍ତି ଯେ, ତାଙ୍କୁ ଇସ୍ତାହାର କମିଟିରୁ ବାହାର କରାଯାଇଥିବାରୁ ସେ ଖୁସୀ । କାରଣ କୌଣସି ପଦ ପଦବୀରେ ନରହିବା ପାଇଁ ସେ ଦଳୀୟ କର୍ତ୍ତୃପକ୍ଷଙ୍କୁ ଆଗରୁ ଜଣାଇସାରିଥିଲେ ।

 

   Related Posts