Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ଲକ୍‌ଡାଉନ୍‌ ୨.୦ରେ ଡ୍ରାଇଭିଂ କଟକଣା: ଦୁଇ ଚକିଆରେ ଜଣେ, କାରରେ ଡ୍ରାଇଭରକୁ ଛାଡି ଜଣେ

15/04/2020 at 7:58 PM

ନୂଆଦିଲ୍ଲୀ ୧୫।୦୪: କରୋନା ସଂକ୍ରମଣର ବ୍ୟାପକତାକୁ ଦୃଷ୍ଟିରେ ରଖି କେନ୍ଦ୍ର ସରକାର ୨୧ ଦିନିଆ ଲକ୍‌ଡାଉନ୍‌କୁ ବଢାଇ ମେ ୩ ପର୍ଯ୍ୟନ୍ତ କରିଛନ୍ତି। ଏ ସଂକ୍ରାନ୍ତରୀୟ ଗାଇଡ୍‌ଲାଇନ୍‌ ଆଜି ସରକାରଙ୍କୁ ପକ୍ଷରୁ ପ୍ରକାଶ ପାଇଛି। ଲକ୍‌ଡାଉନ୍‌ ସମୟରେ କେଉଁ ସେବା ଜାରି ରହିବ, କଣ ଖୋଲା ରହିବ ଏବଂ ବନ୍ଦ ରହିବ ତାକୁ ନେଇ ସବିଶେଷ ତଥ୍ୟ ଗାଇଡ୍‌ ଲାଇନ୍‌ରେ ଦିଆଯାଇଛି।

ଗୃହ ମନ୍ତ୍ରଣାଳୟର ନିର୍ଦ୍ଦେଶାନାମା ଅନୁଯାୟୀ, ଏହି ସମୟରେ ଯେଉଁ ଲୋକଙ୍କୁ ଜରୁରୀକାଳୀନ ପାଇଁ ବ୍ୟକ୍ତିଗତ ଗାଡିରେ ଯାତାୟାତ କରିବାକୁ ଅନୁମତି ଦିଆଯାଇଛି, କେବଳ ସେହି ଗାଡିରେ ଜଣେ ହିଁ ଯିବା ଆସିବା କରି ପାରିବେ। ଯଦି ଚାରି ଚକିଆ ଯାନ ହୋଇଥିବ ତେବେ କେବଳ ଡ୍ରାଇଭର ସହିତ ଅନ୍ୟ ଜଣେ ବସି ପାରିବେ, ସେ ପୁଣି ପଛ ସିଟରେ।

ଚିକିତ୍ସା ଓ ପଶୁ ଚିକିତ୍ସା ସହିତ ଜରୁରୀକାଳୀନ ସେବା ପ୍ରଦାନ କରୁଥିବା ବ୍ୟକ୍ତିଗତ ବାହାନ ଓ ଆବଶ୍ୟକ ବସ୍ତୁର କ୍ରୟ ପାଇଁ ଲକ୍‌ଡାଉନ୍‌ ସମୟରେ ଗମନାଗମନ ପାଇଁ ଅନୁମତି ମିଳିବ। ଚାରି ଚକିଆ ଯାନ କ୍ଷେତ୍ରରେ ଗାଡିରେ ଚାଲକଙ୍କ ବ୍ୟତୀତ ପଛ ସିଟରେ ଜଣଙ୍କୁ  ହିଁ ବସିବାକୁ ଅନୁମତି ଦିଆଯିବ। ମାତ୍ର ଦୁଇ ଚକିଆ ଯାନରେ କେବଳ ଚାଳକଙ୍କୁ  ହିଁ ଅନୁମତି ଦିଆଯିବ। ଗୃହ ମନ୍ତ୍ରଣାଳୟ ବୁଧବାର ଜାରି ନିଜର ବିଜ୍ଞପ୍ତିରେ ଏହା ଉଲ୍ଲେଖ କରିଛନ୍ତି।

ଗୃହ ମନ୍ତ୍ରଣାର ବିଜ୍ଞପ୍ତି ଅନୁଯାୟୀ ରାଜ୍ୟ/କେନ୍ଦ୍ର ଶାସିତ ଅଞ୍ଚଳର ସ୍ଥାନୀୟ ପ୍ରଶାସକଙ୍କୁ ନିର୍ଦ୍ଦେଶ ଦେଇଛନ୍ତି ଯେ, କୋହଳ ଅନୁସାରେ ସମସ୍ତ କର୍ମଚାରୀ କାର୍ଯ୍ୟାଳୟ ଯାଇ କାମ କରି ପାରିବେ। ଗୃହ ମନ୍ତ୍ରଣାଳୟ କରୋନା ଭାଇରସ୍‌ ଲକ୍‌ଡାଉନ୍‌ ସମୟରେ କାର୍ଯ୍ୟସ୍ଥଳ ନିୟମ ଉପରେ ଏକ ନିର୍ଦ୍ଦେଶନାମା ଜାରି କରିଛନ୍ତି।

ନିର୍ଦ୍ଦେଶନାମା ଅନୁଯାୟୀ, କାର୍ଯ୍ୟାଳୟ ପରିସରରେ ତାମପାନ ଯାଞ୍ଚ, ନିୟମିତ ସଫେଇ, ସୁବିଧାଜନକ ସ୍ଥାନରେ ସାନିଟାଇଜର କରିବାକୁ ନିର୍ଦ୍ଦେଶ ଦିଆଯାଇଛି। ଏହା ସହିତ କର୍ମଚାରୀଙ୍କୁ ନିୟମିତ ଦପ୍ତର ଆସିବାକୁ କୁହାଯାଇଛି। କର୍ମଚାରୀଙ୍କୁ ନିଜର ସିଫ୍ଟ ଅନୁଯାୟୀ କାମ କରିବେ ଏବଂ ଲଞ୍ଚ ସମୟରେ ସାମାଜିକ ଦୂରତ୍ଵ ଜାରି ରଖିବେ।

ବୈଠକ ସର୍ବାଧିକ ୧୦ ଜଣଙ୍କୁ ନେଇ ଜାରି ରହିବ। କର୍ମଚାରୀ ପରସ୍ପରଠୁ ୬ ଫୁଟ୍ ଦୂରରେ ବସିବା ଉଚିତ୍। ଲିଫ୍ଟରେ ୨-୪ରୁ ଅଧିକ ଲୋକଙ୍କୁ ଯିବାକୁ ଅନୁମତି ନାହିଁ। ଏହା କେବଳ  ସେହି କାର୍ଯ୍ୟସ୍ଥଳରେ ଲାଗୁ ହେବ ଯାହା ସରକାରଙ୍କ ଗାଇଡ୍ ଲାଇନ୍ ଅନ୍ତର୍ଗତ ଆସୁଛି।

   Related Posts