Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚମକିଲେ ଆୟର-ତ୍ରିପାଠୀ, ଏମଆଇକୁ ୭ ଓ୍ବିକେଟ୍‌ରେ ମାତ୍‌ ଦେଲା କେକେଆର
  • ||
  • ଭୁବନେଶ୍ବର : ଜଳଦ କୁମାର ତ୍ରିପାଠୀ ହେଲେ ମୁଖ୍ୟ ସୂଚନା କମିଶନର, ନିଯୁକ୍ତିକୁ ଅନୁମୋଦନ କଲେ ରାଜ୍ୟପାଳ
  • ||
  • ମୋରଡା : ବନ୍ୟା ପ୍ରଭାବିତ ଗାଁ ବୁଲିଲେ ବିଧାୟକ ପ୍ରଣବ ପ୍ରକାଶ ଦାସ, ମୃତକଙ୍କ ପରିବାରକୁ ପ୍ରଦାନ କଲେ ଆର୍ଥିକ ସହାୟତା
  • ||
  • ଝାରସୁଗୁଡା : ନକଲି ମାଓବାଦୀ ଗିରଫ, କମ୍ପାନୀର ସାଇଟ୍ ଇନଚାର୍ଜଙ୍କୁ ମାଗୁଥିଲା ଟଙ୍କା
  • ||
  • ଖଲ୍ଲିକୋଟ : ବିଦ୍ୟୁତ ଆଘାତ ଲାଗି ଚାଲିଗଲା ବୃଦ୍ଧଙ୍କ ଜୀବନ
  • ||
  • ଭୁବନେଶ୍ବର : ମୋଟୁ ଥାନା IICଙ୍କୁ ଗିରଫ କଲା ଭିଜିଲାନ୍ସ, କାର୍‌ରୁ ଜବତ ହୋଇଥିଲା ୨ ଲକ୍ଷ ୮୦ ହଜାର ଟଙ୍କା
  • ||
  • ପୁରୀ : ସରକାରୀ ଗାଡିରୁ ଧଳା ଜହର ଜବତ, ୪୦ଗ୍ରାମ୍ ବ୍ରାଉନସୁଗାର ସହ ୩ ଅଭିଯୁକ୍ତ ଗିରଫ
  • ||
  • କଳାହାଣ୍ଡି : କର୍ଲାପାଟ ବକ୍ସାଇଟ୍ ଖଣିର ନିଲାମ ଉପରେ ହାଇକୋର୍ଟଙ୍କ ରହିତାଦେଶ
  • ||
  • ସମ୍ବଲପୁର : ବେଆଇନ ଭାବେ ବନ୍ଧୁକ ତିଆରି ଓ ବିକ୍ରି : ଦମ୍ପତ୍ତିଙ୍କ ସମେତ ୫ ଗିରଫ, ୪ଟି ଦେଶୀ ବନ୍ଧୁକ ଜବତ
  • ||
  • ବୌଦ୍ଧ : ରାସ୍ତାରେ ପଡିଛି ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||

ଅନୁକମ୍ପା ରାଶି ହଡପ କରିବା ପାଇଁ ଦିଅରକୁ ବାହା ହେବା ଲାଗି ସହିଦଙ୍କ ପତ୍ନୀଙ୍କ ଉପରେ ଚାପ ପକାଉଛନ୍ତି ଶ୍ବଶୁର ଘର ଲୋକେ : ଥାନାରେ ମାମଲା

1/03/2019 at 2:30 PM

ବାଙ୍ଗାଲୁରୁ ୧/୩ : ଫେବୃଆରୀ ୧୪ ତାରିଖରେ ପୁଲବାମାରେ ସିଆରପିଏଫ ଯବାନଙ୍କ ଉପରେ ହୋଇଥିବା ଆତଙ୍କୀ ହମଲାରେ ୪୨ ଯବାନ ସହିଦ ହୋଇଥିଲେ | ସହିଦ ହୋଇଥିବା ଯବାନମାନଙ୍କ ମଧ୍ୟରୁ ଜଣେ ଥିଲେ କର୍ଣ୍ଣାଟକର ଏଚ.ଗୁରୁ | ସହିଦ ଏଚ.ଗୁରୁଙ୍କ ବିଧବା ପତ୍ନୀଙ୍କ ସାମ୍ନାରେ ଏବେ ନୂଆ ସମସ୍ୟା ଠିଆ ହୋଇଛି | ସହିଦଙ୍କ ପତ୍ନୀ କଳାବତୀଙ୍କ ସମସ୍ୟାର ସମାଧାନ ସେନା ପାଖରେ କି ପ୍ରଶାସନ ପାଖରେ ନାହିଁ | ସହିଦ ଏଚ.ଗୁରୁଙ୍କ ପତ୍ନୀ କଳାବତୀଙ୍କୁ ତାଙ୍କ ଶ୍ୱଶୁରଘର ଲୋକେ ନିଜ ଦିଅରକୁ ବାହା ହେବା ପାଇଁ ବାଧ୍ୟ କରୁଛନ୍ତି | ସହିଦଙ୍କ ବିଧବା ପତ୍ନୀଙ୍କୁ ଦ୍ୱିତୀୟ ବିବାହ ପାଇଁ ବାଧ୍ୟ କରିବା ପଛର କାରଣ ହେଲା ଅନୁକମ୍ପା ରାଶି | ୧୫ ଦିନ ପୂର୍ବରୁ ତାଙ୍କ ସ୍ୱାମୀଙ୍କ ଦେହାନ୍ତ ହୋଇଛି | ଏଭଳି ସ୍ଥିତିରେ ଶ୍ୱଶୁର ଘରଲୋକ ଦ୍ୱିତୀୟ ବିବାହ ପାଇଁ ବାଧ୍ୟ କରୁଛନ୍ତି | କଳାବତୀଙ୍କ ଉପରେ ଯେମିତି ଏକ ପାହାଡ ପଡିଯାଇଛି |

କଳାବତୀଙ୍କ ବୟସ ମାତ୍ର୨୫ ବର୍ଷ | ସ୍ୱାମୀ ସହିଦ ହୋଇଥିବା ଯୋଗୁଁ ତାଙ୍କୁ ସରକାରଙ୍କ ତରଫରୁ ଅନୁକମ୍ପା ରାଶି ମିଳିବାର ଅଛି | ଅପରପକ୍ଷରେ ଅଭିନେତା ଏବଂ ନେତା ଏମ.ଏଚ.ଆମ୍ଭରିସଙ୍କ ପତ୍ନୀ ସୁମନଲତା କଳାବତୀଙ୍କୁ ଅଧା ଏକର ଜମି ଦେବେ ବୋଲି ଘୋଷଣା କରିଛନ୍ତି | ଜମି ଏବଂ ଅନୁକମ୍ପା ରାଶି ଲୋଭରେ କଳାବତୀଙ୍କ ଶ୍ୱଶୁର ଘରଲୋକ କଳାବତୀଙ୍କୁ ନିଜ ଦିଅରକୁ ବାହା ହେବା ପାଇଁ ବାଧ୍ୟ କରୁଛନ୍ତି ବୋଲି ଅଭିଯେୋଗ ହୋଇଛି|

କିନ୍ତୁ କଳାବତୀ ନିଜ ଦିଅରକୁ ବିବାହ କରିବାକୁ ଚାହୁଁନାହାନ୍ତି | ସେ ଏଥିପାଇଁ ପୋଲିସର ସହାୟତା ଲୋଡିଛନ୍ତି | ପୋଲିସ ଘଟଣାର ତଦାନ୍ତ କରୁଛି | ପୋଲିସ କଳାବତୀଙ୍କ ଶ୍ୱଶୁର ଘରଲୋକଙ୍କୁ ଏହି ମାମଲାର ସମାଧାନ ଶୀଘ୍ର କରିବାକୁ କହିଛି |

ପୋଲିସ କହିଛି ଯେ, ଯଦି କଳାବତୀଙ୍କୁ ହଇରାଣ କରାଯାଏ ତାହେଲେ ଶ୍ୱଶୁର ଘରଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ | ପୋଲିସର ଉଚ୍ଚପଦସ୍ଥ ଅଧିକାରୀ ମଧ୍ୟ ଏ ମାମଲାର ଛାନଭିନ କରୁଛନ୍ତି |

କର୍ଣ୍ଣାଟକ ମୁଖ୍ୟମନ୍ତ୍ରୀ ଏଚ.ଡି.କୁମାରସ୍ୱାମୀ ମଧ୍ୟ କଳାବତୀଙ୍କୁ ଖୁବ ଶୀଘ୍ର ଏକ ସରକାରୀ ଚାକିରୀ ଯୋଗେଇଦେବେ ବୋଲି ପ୍ରତିଶୃତି ଦେଇଛନ୍ତି | କର୍ଣ୍ଣାଟକର ପରିବହନ ମନ୍ତ୍ରୀ ଡିସି ତମନ୍ନା ମଧ୍ୟ କଳାବତୀଙ୍କୁ ଏକ ସରକାରୀ ଚାକିରୀ ଲାଗି ପ୍ରତିଶୃତି ଗେଇଛନ୍ତି |

   Related Posts