Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣାକଲା ଆପ୍‌, ତାଲିକାରେ ଅନେକ ଉଚ୍ଚ ଶିକ୍ଷିତ
  • ||
  • ଆସେସ୍‌ ସିରିଜ୍ କବଜା କଲା ଅଷ୍ଟ୍ରେଲିଆ, ଇଂଲଣ୍ଡକୁ ୪-୦ରେ ମୂଳପୋଛ କରି ଇତିହାସ ରଚିଲା କଙ୍ଗାରୁ ବାହିନୀ
  • ||
  • ରବିବାର ରାଜ୍ୟରେ ସୁସ୍ଥହେଲେ ରେକର୍ଡ ୪୪୫୨ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୦୦୩ଜଣ ଡିସଚାର୍ଜ
  • ||
  • ମୋହନା: ଅଟୋ-ବାଇକ ମୁହାଁମୁହିଁ ଧକ୍କା, ଜଣେ ମୃତ, ୭ ଆହତ
  • ||
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||

ଲକଡାଉନବେଳେ ଭାଇଚାରାର ଉଦାହରଣ ସୃଷ୍ଟି କଲେ ମୁସଲମାନ୍ ସମ୍ପ୍ରଦାୟର ଲୋକେ : ପରିବାର ଲୋକଙ୍କ ଅନୁପସ୍ଥିତିରେ କଲେ ହିନ୍ଦୁ ମହିଳାଙ୍କ ଅନ୍ତିମ ସଂସ୍କାର

16/04/2020 at 6:45 PM

ଭୋପାଳ ୧୬/୪: ମଧ୍ୟପ୍ରଦେଶ ସମେତ ଦେଶବ୍ୟାପି କରୋନା ଭାଇରସର ମାମଲା ଦିନକୁ ଦିନ ବଢ଼ି ବଢ଼ି ଚାଲିଛି। ଏହି ସଙ୍କଟ ସମୟରେ ମଧ୍ୟପ୍ରଦେଶର ରାଜଧାନୀ ଭୋପାଳରୁ ଭ୍ରାତୃତ୍ବର ଏକ ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି।

କରୋନା ସଂକ୍ରମଣ ଉପରେ ଲଗାମ ଲଗାଇବା ପାଇଁ ଦେଶବ୍ୟାପି ପୁଣି ଥରେ ୧୯ଦିନର ଲକଡାଉନ୍ କରାଯାଇଛି। ଏହି ଲକଡାଉନ୍ ଯୋଗୁଁ କୌଣସି ବ୍ୟକ୍ତି ନିଜ ଘରୁ ବାହାରି ପାରୁନାହାନ୍ତି। ଏପରି ପରିସ୍ଥିତିରେ ଭୋପାଳର ଟିଲାଜମାଲପୁରା ଅଞ୍ଚଳରେ ଜଣେ ହିନ୍ଦୁ ମହିଳାଙ୍କ ମୃତ୍ୟୁ ହୋଇଥିଲା।

ଲକଡାଉନ୍ ପାଇଁ ମୃତକ ମହିଳାଙ୍କ କୌଣସି ସମ୍ପର୍କୀୟ ଶୋକରେ ସାମିଲ ହୋଇପାରିନଥିଲେ। ଏପରି ପରିସ୍ଥିତିରେ ମୁସଲିମ୍ ସମ୍ପ୍ରଦାୟର ଲୋକେ ପୂରାପୂରି ହିନ୍ଦୁ ରୀତିନୀତି ଅନୁସାରେ ମହିଳାଙ୍କ ଅନ୍ତିମ ସଂସ୍କାର କରିଥିଲେ। ଏପରିକି ଅନ୍ତିମ ଯାତ୍ରାରେ ମଧ୍ୟ ‘ରାମ ନାମ ସତ୍ୟ ହେ’ କହିଥିଲେ।

ମହିଳାଙ୍କ ଅନ୍ତିମ ଯାତ୍ରାରେ ସାମିଲ ଟିଲାଜମାଲପୁରା ବାସିନ୍ଦା କହିଥିଲେ ଯେ, ମୃତକ ମହିଳା ଏବଂ ତାଙ୍କ ସ୍ବାମୀ କ୍ଷମା ରାମଦେବ ଅଞ୍ଚଳରେ ରୁହନ୍ତି। ଗତ କିଛି ଦିନ ହେବ ମହିଳା ଭୋପାଳର ହମିଦିଆ ହସ୍ପିଟାଲରେ ଭର୍ତ୍ତି ଥିଲେ। ତାଙ୍କୁ ଟିବି ରୋଗ ହୋଇଥିଲା। ମଙ୍ଗଳବାର ରାତି ପାଖାପାଖି ୪ଟାବେଳେ ମହିଳାଙ୍କ ମୃତ୍ୟୁ ହୋଇଥିଲା।

ଏହା ପରେ ସକାଳେ ମୃତକଙ୍କ ସ୍ବାମୀ ସମ୍ପର୍କୀୟଙ୍କୁ ସୂଚନା ଦେଇଥିଲେ। କିନ୍ତୁ, ଲକଡାଉନ୍ ପାଇଁ କୌଣସି ସମ୍ପର୍କୀୟ ଶୋକରେ ସାମିଲ ହୋଇପାରିନଥିଲେ। ଯାହା ଫଳରେ ତାଙ୍କ ସାହିରେ ରହୁଥିବା ଇରଫାନ୍,ପପ୍ପୁ,ନଦୀମ୍,ଅକବର,ରଫିକ୍,ମୋହସିନ୍,ମୌନିସ୍ ଆଦି ଲୋକ ଆସି ହିନ୍ଦୁ ନିୟମର ପାଳନ କରି ମହିଳାଙ୍କ ଅନ୍ତିମ ସଂସ୍କାର କରିଥିଲେ।

   Related Posts