Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

କଂଗ୍ରେସରେ ଅଲ ଇଜ ନଟ୍ ଓ୍ବେଲ- ଜାଣନ୍ତୁ କ’ଣ କହିଲେ ବରିଷ୍ଠ ନେତା ଖୁର୍ସିଦ

9/10/2019 at 6:00 PM

ନୂଆଦିଲ୍ଲୀ –  କଂଗ୍ରେସରେ ଅଲ ଇଜ ନଟ୍ ଓ୍ବେଲ । ଦେଶର ସର୍ବ ପୁରାତନ ଦଳ ଯେ ସଂକଟ ଦେଇ ଗତି କରୁଛି ଏହାକୁ କେହି ଅସ୍ବୀକାର କରିପାରିବେ ନାହିଁ । ଏବେ ଅନେକ ରାଜ୍ୟରେ ଦଳୀୟ କନ୍ଦଳ ଚରମ ସୀମାରେ । ଅନ୍ତର୍ଦ୍ବନ୍ଦ୍ବ ନେଇ ଦଳ ଭିତରେ ଅସନ୍ତୋଷ କୁହୁଳୁଛି । ଏତିକି ବେଳେ ବରିଷ୍ଠ ନେତା ତଥା ପୂର୍ବତନ ମନ୍ତ୍ରୀ ସଲମାନ ଖୁର୍ସିଦଙ୍କ ଆସିଛି  ବଡ ବୟାନ  । ସିଧା ସଳଖ ରାହୁଳ ଗାନ୍ଧୀଙ୍କୁ ଟାର୍ଗେଟ କରିଛନ୍ତି । ରାହୁଲ ଯେଭଳି ସଭାପତି ପଦରୁ ଇସ୍ତଫା ଦେଲେ ତାହାକୁ ସମାଲୋଚନା କରିଛନ୍ତି । ରାହୁଲ ଗାନ୍ଧୀଙ୍କ ଇସ୍ତଫା ଦଳର ସଙ୍କଟ ବଢ଼ାଇ ଥିବା କହିଛନ୍ତି । ଏକଥା ବି କହିଛନ୍ତି, କଂଗ୍ରେସ ଏକାଠି ଚାଲୁନାହିଁ, ତେଣୁ ଦଳ ଆଗକୁ ବଢୁନାହିଁ ।

ଇସ୍ତଫା ନେଇ ଦଳ ଭିତରୁ ରାହୁଲୁଙ୍କ ସିଧାସଳଖ ସମାଲୋଚନା କରିବାରେ ଖୁର୍ସିଦ ପ୍ରଥମ ବରିଷ୍ଠ ନେତା । ଯିଏ କେବଳ ରାହୁଲଙ୍କୁ ସମାଲୋଚନା କରିନାହାନ୍ତି, ଦଳର ଭବିଷ୍ୟତକୁ ନେଇ ଚିନ୍ତାବ୍ୟକ୍ତ କରିଛନ୍ତି। ଏବେ ଦଳ ଯେଉଁ ପରିସ୍ଥିତିରେ ସଂଘର୍ଷ କରୁଛି ଆଗକୁ ଆସୁଥିବା ହରିଣାଆ ଓ ମହାରାଷ୍ଟ୍ର ବିଧାନସଭା ନିର୍ବାଚନରେ ଜିତିବା ସମ୍ଭାବନା କମ୍ ବୋଲି କହିଛନ୍ତି । ଅନେକ ନେତା ଦଳ ଛାଡ଼ିଦେବା ଦଳ ପାଇଁ ବଡ ସମସ୍ୟା ବୋଲି ଖୁର୍ସିଦ କହିଛନ୍ତି ।

ପୂର୍ବରୁ ବରିଷ୍ଠ ନେତା କରନ ସିଂହ ଏନେଇ ମୁହଁ ଖୋଲିଥିଲେ । ରାହୁଲ ଗାନ୍ଧୀଙ୍କ ଇସ୍ତଫା ପରେ ଦଳ ଯେଭଳି ରଣନୀତିରେ କାମ କରିବା କଥା ତାହା କରିନାହିଁ ବୋଲି କରନ କହିଥିଲେ । ଏବେ ଖୁର୍ସିଦ ସେଇ କଥା ଦୋହରାଇଛନ୍ତି ।

ଏହି ଘଟଣାକୁ ନେଇ କଂଗ୍ରେସକୁ କଟାକ୍ଷ କରିଛି ବିଜେପି । ମତଦାନ ଆଗରୁ କଂଗ୍ରେସ ପରାଜୟ ସ୍ବୀକାର କରିସାରିଛି । କଂଗ୍ରେସରେ ନେତା, ନୀତି ଓ ନିୟତ କିଛି ନାହିଁ ବୋଲି କହିଛନ୍ତି ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ।

ଖୁର୍ସିଦଙ୍କ ବୟାନ କଂଗ୍ରେସର  ଗୂମର କଥାକୁ ପଦାରେ ପକାଇଦେଇଛି । ବିରୋଧୀଙ୍କୁ ସମାଲୋଚନା ପାଇଁ ଖୋରାକ ଯୋଗାଇଛି । କିନ୍ତୁ ଏକଥା ବି କୁହାଯାଇପାରେ ଯେ ଖୁର୍ସିଦ ଦଳୀୟ ସଂଗଠନକୁ ମଜଭୁତ କରିବାକୁ ଏହାରି ମାଧ୍ୟମରେ ଆହ୍ପାନ ଦେଇଥାଇ ପାରନ୍ତି ।

   Related Posts