Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୬୭ ମୃତ
  • ||
  • ଆସୁଛି ବାତ୍ୟା: ପ୍ରଭାବିତ ହେବ ଓଡ଼ିଶା, ୩ ରାତିରୁ ଉପକୂଳରେ ପ୍ରବଳ ବର୍ଷିବ ଓ ପବନ ବୋହିବ
  • ||
  • ୨୦୧୭ ହତ୍ୟା ଘଟଣାର ଖୋଳତାଡ କରିବ କ୍ରାଇମବ୍ରାଞ୍ଚ, ୪ ପୋଲିସ ଅଧିକାରୀଙ୍କ ବିରୋଧରେ ହତ୍ୟା ମାମଲା ରୁଜୁ
  • ||
  • ମିଚିଗାନ ସ୍କୁଲରେ ୧୫ ବର୍ଷର ଛାତ୍ରର ଉନ୍ମତ୍ତକାଣ୍ଡ, ଆଖିବୁଜା ଗୁଳିମାଡ଼ରେ ୩ ମୃତ
  • ||
  • ଭଦ୍ରକ ବରପଦା ନିକଟରେ ଦୁଇ ଅପରାଧୀଙ୍କୁ ଏନକାଉଣ୍ଟର
  • ||

ଦୀପାବଳି ପୂର୍ବରୁ କିଙ୍ଗ୍ ଖାନ୍‌ଙ୍କ ବିଜ୍ଞାପନ ଭିଡିଓ ଭାଇରାଲ୍, ସୋସିଆଲ ମିଡିଆରେ ମିଳୁଛି ପ୍ରଶଂସା

25/10/2021 at 3:13 PM

ନୂଆଦିଲ୍ଲୀ ୨୫/୧୦: ଆଗକୁ ଦୀପାବଳି ପର୍ବ ଆସୁଛି। ସମସ୍ତେ ଏଥିପାଇଁ ପ୍ରସ୍ତୁତି ଆରମ୍ଭ କରି ଦେଇଛନ୍ତି। ଏପରିକି ଅନେକ ବ୍ରାଣ୍ଡ ଦୀପାବଳି ଅବସରରେ ବିଜ୍ଞାପନ ପ୍ରକାଶ କରିଛନ୍ତି। ଏହି ଧାରାରେ, କ୍ୟାଡବରୀ ମଧ୍ୟ ଦୀପାବଳି ଅବସରରେ ଏକ ସ୍ୱତନ୍ତ୍ର ବିଜ୍ଞାପନ ପ୍ରକାଶ କରିଛି। ଏହି ବିଜ୍ଞାପନ ପାଇଁ କମ୍ପାନୀ ବଲିଉଡର ସୁପରଷ୍ଟାର ଶାହରୁଖ ଖାନଙ୍କୁ ଚୟନ କରିଛି। ଏହି ବିଜ୍ଞାପନ ମାଧ୍ୟମରେ ଶାହାରୁଖ ଲୋକମାନଙ୍କୁ ଏକ ବିଶେଷ ବାର୍ତ୍ତା ଦେଉଥିବାର ନଜର ଆସିଛନ୍ତି। ସୋସିଆଲ ମିଡିଆରେ ତାଙ୍କୁ ବହୁତ ପ୍ରଶଂସା କରାଯାଉଛି।

ଶାହାରୁଖ ଖାନଙ୍କ ଏହି କ୍ୟାଡବରୀ ବିଜ୍ଞାପନ ରିଲିଜ ହେବା ପରଠାରୁ ଇଣ୍ଟରନେଟରେ ଭାଇରାଲ ହେବାରେ ଲାଗିଛି। ଏହି ବିଜ୍ଞାପନ ମାଧ୍ୟମରେ ଶାହାରୁଖ କ୍ଷୁଦ୍ର, ସ୍ଥାନୀୟ ବ୍ୟବସାୟକୁ ପ୍ରୋତ୍ସାହିତ କରିବାକୁ ନିବେଦନ କରୁଛନ୍ତି, ଯାହା କରୋନା ମହାମାରୀ ହେତୁ ଆର୍ଥିକ ସଙ୍କଟ ଦେଇ ଗତି କରୁଛି। ଏହି ବିଜ୍ଞାପନ ଦେଖିବା ପରେ ସମସ୍ତେ ତାଙ୍କୁ ପ୍ରଶଂସା କରୁଛନ୍ତି। ବିଜ୍ଞାପନ ମାଧ୍ୟମରେ ଶାହାରୁଖ ଲୋକଙ୍କୁ କହିଛନ୍ତି ଯେ ପ୍ରତ୍ୟେକ ଘରର ଦୀପାବଳି ମିଠା ହେବା ଉଚିତ୍। ତେଣୁ, କେବଳ ଆପଣଙ୍କ ଘର ନିକଟ ଦୋକାନରୁ ଦୀପାବଳିର ସପିଂ କରନ୍ତୁ।

ଶାହାରୁଖ ବିଜ୍ଞାପନରେ କହିଛନ୍ତି, ଆପଣ ନିଜ ଘର ନିକଟ ଦୋକାନରୁ ପୋଷାକ, ଜୋତା, ମୋବାଇଲ ଏବଂ ଚଷମା ଇତ୍ୟାଦି କିଣନ୍ତୁ ଏବଂ ତାଙ୍କର ଦୀପାବଳିକୁ ମିଠା କରନ୍ତୁ। ଏହି ବିଜ୍ଞାପନର ଟାଇଟଲ୍ ‘ନଟ୍ ଜଷ୍ଟ ଏ କ୍ୟାଡବିରୀ ଆଡ୍’ ଦିଆଯାଇଛି। ଭିଡିଓରେ ଆହୁରି କୁହାଯାଇଛି ଯେ ଏହି ଦୀପାବଳି ଆମେ ଶହ ଶହ ଛୋଟ ଦୋକାନୀଙ୍କୁ ଭାରତର ସବୁଠୁ ବଡ ବ୍ରାଣ୍ଡ ଆମ୍ବାସାଡର ଭାବରେ ଆମର ବ୍ରାଣ୍ଡ ଆମ୍ବାସାଡର କରି ସାହାଯ୍ୟ କରିଛୁ। ଭିଡିଓ ଶେଷରେ, ଶାହାରୁଖ ଲୋକମାନଙ୍କୁ ନିବେଦନ କରୁଛନ୍ତି ଯେ ଦୀପାବଳି ମଧ୍ୟ ଆମ ଆଖପାଖର ଲୋକଙ୍କ ପାଇଁ ମିଠା ହେବା ଉଚିତ୍।

   Related Posts