ନୂଆଦିଲ୍ଲୀ ୦୮/୧ : ‘ଆଗାମୀ ୬୦ ଦିନ ମଧ୍ୟରେ ଆରମ୍ଭ ହୋଇଯିବ ତୃତୀୟ ବିଶ୍ବ ଯୁଦ୍ଧ । ଏବେ ସମୟ ହେଉଛି ନିଜ ଘରେ ବଙ୍କର ତିଆରି କରିବା । ତୃତୀୟ ବିଶ୍ବ ଯୁଦ୍ଧର କେନ୍ଦ୍ରବିନ୍ଦୁ ସାଜିବ ପାକିସ୍ତାନ’। ଲାଇଭ ଟିଭି ଡିବେଟ୍ରେ ଏଭଳି କହିଛନ୍ତି ପାକିସ୍ତାନ ସିନ୍ଧର ପୂର୍ବତନ ସେନାଟର ତଥା ପାକିସ୍ତାନ ପିପୁଲ୍ସ ପାର୍ଟି ସଦସ୍ୟ ଫୈଜଲ ରାଜା ଆବିଦୀ ।
ଲାଇଭ ଟିଭି ଡିବେଟ୍ରେ ବିବାଦୀୟ ବୟାନକୁ ନେଇ ପାକିସ୍ତାନ ସମେତ ବିଭିନ୍ନ ଦେଶରେ ଚର୍ଚ୍ଚା ଜୋର ଧରିଛି । କେହି କେହି ଫୈଜଲ ରାଜା ଆବିଦୀଙ୍କ ଏଭଳି ବୟାନକୁ କଟାକ୍ଷ କରି କହିଛନ୍ତି । ନିଜ ଦେଶର ଲୋକମାନେ ମଧ୍ୟ ଏଭଳି ମନ୍ତବ୍ୟକୁ ନେଇ କଟାକ୍ଷ କରିବା ସହିତ ରାଜାଙ୍କ କଥାକୁ ହାସ୍ୟାସ୍ପଦ ବୋଲି କହିଛନ୍ତି । ବିଭିନ୍ନ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବାପରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଟ୍ବିଟରରେ ଏଭଳି ଭିଡିଓ ଭାଇରାଲରେ ୟୁଜରମାନେ ପ୍ରତିକ୍ରିୟା ପ୍ରକାଶ କରିଛନ୍ତି ।
wp:html/wp:htmlLo ji, in about 60 days world war will start. You've been warned. pic.twitter.com/OgLSfNeeM4
— Naila Inayat (@nailainayat) November 7, 2021
ସୂଚନାଯୋଗ୍ୟ, ପାକିସ୍ତାନର ଏକ ଟିଭିରେ ଡିବେଟ୍ ଚାଲୁଥିବା ବେଳେ ତୃତୀୟ ବିଶ୍ବ ଯୁଦ୍ଧ ନେଇ କହିଥିଲେ ପାକିସ୍ତାନୀ ନେତା ଫୈଜଲ ରାଜା । ସେ କହିଥିଲେ, ପାକିସ୍ତାନ ହିଁ ତୃତୀୟ ବିଶ୍ବ ଯୁଦ୍ଧର କେନ୍ଦ୍ରବିନ୍ଦୁ ହେବ । ଏହିଠାରୁ ହିଁ ସବୁକିଛି ଆରମ୍ଭ ହେବ ଏବଂ ଆଉ ମାତ୍ର ୬୦ ଦିନ ମଧ୍ୟରେ ୩ୟ ବିଶ୍ବ ଯୁଦ୍ଧ ଆରମ୍ଭ ହେବାକୁ ଯାଉଛି ।
ଫୈଜଲ ରାଜାଙ୍କର ଏଭଳି ବୟାନକୁ କଡା ସମାଲୋଚନା କରିବା ସହିତ ସେ ଜଣେ ପାଳଗ ପ୍ରକୃତିର ଲୋକ ବୋଲି କହିଛନ୍ତି ବ୍ରିଟିଶ-ପାକିସ୍ତାନୀ ସାମ୍ବାଦିକ ଗୁଲ୍ ବୁଖାରୀ । ଆଉ ଜଣେ ୟୁଜର ଲେଖିଛନ୍ତି ଯିଏ ନିଜ ଘରର ରାସ୍ତା ଭୁଲି ଯାଏ ସେ କଣ ତୃତୀୟ ବିଶ୍ବଯୁଦ୍ଧକୁ ନେଇ ଟିପ୍ପଣୀ ଦେବ । ଫୈଜଲ ରାଜା ଜଣେ ଅଭ୍ୟାସଗତ ମଦୁଆ । ପ୍ରତିଦିନ ସେ ମଦ ପିଇ ଅବାନ୍ତର କଥା କୁହନ୍ତି । ସେ କଣ କହୁଛନ୍ତି ନିଜେ ମଧ୍ୟ ଜାଣନ୍ତିନି ।
