ଇସଲାମାବାଦ ୧୭।୦୧ - ଜାମ୍ମୁ କାଶ୍ମୀରରେ ଧାରା ୩୭୦ ଉଚ୍ଛେଦକୁ ନେଇ ପାକିସ୍ତାନ ପ୍ରଧାନମନ୍ତ୍ରୀ ଇମାରାନ୍ ଖାନ ଏକ ବିଦେଶୀ ଟିଭି ଚ୍ୟାନେଲ୍ରେ ନିଜର ମତ ରଖୁଥିଲେ । ସେ ଭାରତର ମୋଦି ସରକାରଙ୍କୁ ସମାଲୋଚନା କରିବା ପାଇଁ ଚେଷ୍ଟା କରୁଥିବା ବେଳେ ନିଜେ ସେହି ଫାଶରେ ଫସିଯାଇଛନ୍ତି ।
{"id":212489,"sizeSlug":"large"}ଜର୍ମାନର ଟିଭି ଚ୍ୟାନେଲ୍ ଡିଡବ୍ଲୁକୁ ସେ ଏକ ସାକ୍ଷାତକାର ଦେଉଥିଲେ । ଇରାନ୍ ସାଉଦୀ ସଂଘର୍ଷ ସହ ବିଭଇନ୍ନ ପ୍ରସଙ୍ଗରେ ନିଜର ତନ ରଖିଥିଲେ ।
ଚୀନ୍ର ଉଇଘରରେ ମୁସଲିମ୍ଙ୍କୁ ନଜର ବନ୍ଦ ରଖାଯିବା ସହ ଦୁଷ୍କର୍ମ କରାଯାଉଥିବା ଅଭିଯୋଗର ଆସୁଥିବା ପ୍ରଶ୍ନର ଉତ୍ତରରେ ସେ ଦୋମୁହାଁ ନୀତି ଆପଣେଇଥିଲେ । କାଶ୍ମୀର ସଂଘର୍ଷ ଉପରେ ସାରା ଦୁନିଆ ନଜର ଦେଉ ନଥିବା ସେ ଅଭିଯୋଗ କରିଛନ୍ତି । ହଙ୍ଗକଙ୍ଗ୍ରେ ପ୍ରଦର୍ଶନକୁ ସାରା ଦୁନିଆରେ ପ୍ରଚାର ପ୍ରସାର କରାଯାଉଥିବା ବେଳେ କାଶ୍ମୀର ପ୍ରସଙ୍ଗକୁ ଅଣଦେଖା କରାଯାଉଥିବା ଅଭିଯୋଗ କରିଛନ୍ତି ।
ଭାରତରେ ପଶ୍ଚିମଦେଶ ବ୍ୟବସାୟୀକ ଲାଭ ଦୃଷ୍ଟିରୁ ଭାରତର ବିରୋଧ କରୁ ନାହାନ୍ତି । ଏଥିପାଇଁ କାଶ୍ମୀର ପ୍ରସଙ୍ଗରେ ଚୁପ ରହୁଛନ୍ତି ବୋଲି ସେ ଅଭିଯୋଗ କରିଛନ୍ତି ।
ପାକିସ୍ତାନ ଅଧିକୃତ କାଶ୍ମୀରରେ ପାକିସ୍ତାନ ସେନା ଯେଉଁ ଦମନ ଲୀଳା ଚଳାଇଛି ସେ ପ୍ରଶ୍ନର ଉତ୍ତରରେ ଆଘ ଭାରକରେ ଥିବା କାଶ୍ମୀରର ଅବସ୍ଥା ଦେଖନ୍ତୁ ପରେ ଏଠାରେ ଥିବା କାଶ୍ମୀର କଥା ଦେଖିବେ ଏହା ଭଲ ସ୍ଥିତିରେ ଅଛି ବୋଲି କହିଛନ୍ତି ।
ଚୀନ୍ର ଉଇଘର ମୁସଲିମ୍ଙ୍କ କଥାରେ ଘାବରେଇ ଯାଇଥିଲେ ଇମରାନ୍ । ସାରା ଦୁନିଆଁର ମୁସିଲମ୍ଙ୍କ କଥା କହୁଥିବା ବେଳେ ଚୀନ୍ ଉଇଘରରେ ଥିବା ମୁସଲିମ୍ଙ୍କୁ ଯେଉଁ ଅକଥନୀୟ ଯନ୍ତ୍ରଣା ଦିଆ ଯାଉଥିବା ସେ ବିଷୟରେ କିଛି କହି ନଥିଲେ । କାଶ୍ମୀର ତୁଳନାରେ ଉଇଘରରେ କିଛିବି ଯନ୍ତ୍ରଣା ଦିଆଯାଉ ନାହିଁ । ଚୀନ୍ ପାକିସ୍ତାନକୁ ଆର୍ଥିକ ସହାୟତା ଯୋଗାଇ ଆସୁଛି ବୋଲି ସେ କହିଛନ୍ତି । ଚୀନ୍ ପାକିସ୍ତାନର ଦୁର୍ଦିନରେ ସହାୟତା କରିଛି । ଏଥିପାଇଁ ଆମେ ଚୀନ୍ ସହ ଭଲରେ କଥାବାର୍ତ୍ତା କରୁଛୁ ବୋଲି କହିଛନ୍ତି ।