Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଇମ୍ରାନ ଖାନ୍‌ ସରକାରଙ୍କ ମୁସ୍କିଲ୍‌ ବଢ଼ିଲା, ପୁଣି ଥରେ FATFର ଗ୍ରେ ଲିଷ୍ଟରେ ପାକିସ୍ତାନ

21/10/2021 at 10:08 PM

ଇସ୍ଲାମାବାଦ ୨୧/୧୦: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପରିସ୍ଥିତି ଜଟିଳ ହୋଇପଡ଼ିଛି। ଆତଙ୍କବାଦୀଙ୍କ ବିରୋଧରେ ଆକ୍ସନ ନନେବା ଯୋଗୁଁ ପାକିସ୍ତାନକୁ ପୁଣି ଥରେ ଫାଇନାନ୍ସିଆଲ୍‌ ଆକ୍ସନ ଟାସ୍କ ଫୋର୍ସ (ଏଫଏଟିଏଫ)ର ଗ୍ରେ ଲିଷ୍ଟରେ ରହିବାକୁ ପଡ଼ିବ ।ପାକିସ୍ତାନ ଆକ୍ସନ ପ୍ଲାନର ୩୪ରୁ ୪ଟି ଦିଗ ଉପରେ କୌଣସି ପଦକ୍ଷେପ ଗ୍ରହଣ କରିନାହିଁ। ପାକିସ୍ତାନ ବ୍ୟତୀତ ଏହାର ଆତଙ୍କବାଦ ସମର୍ଥକ ମିତ୍ର ତୁର୍କୀ ମଧ୍ୟ ଏଫଏଟିଏଫର ଗ୍ରେ ଲିଷ୍ଟରେ ସାମିଲ ହୋଇଛି।

ଏଫଏଟିଏଫର ତିନି ଦିବସୀୟ ବୈଠକ ଅକ୍ଟୋବର ୧୯-୨୧ରେ ଆୟୋଜିତ ହୋଇଥିଲା। ଏହି ବୈଠକରେ ହୋଇଥିବା ନିଷ୍ପତ୍ତି ଅନୁସାରେ ପାକିସ୍ତାନକୁ ପୁଣି ଥରେ ଗ୍ରେ ଲିଷ୍ଟରେ ରଖାଯାଇଛି। ପାକିସ୍ତାନ ଏବେ ଏପ୍ରିଲ ୨୦୨୨ରେ ହେବାକୁ ଥିବା ଏଫଏଟିଏଫର ଆଗାମୀ ବୈଠକ ପର୍ଯ୍ୟନ୍ତ ଗ୍ରେ ଲିଷ୍ଟରେ ରହିବ। ଚଳିତବର୍ଷ ଜୁନ୍‌ରେ ମନି ଲଣ୍ଡରିଂ ମାମଲାରେ ଯାଞ୍ଚରେ ବିଫଳ ହୋଇଥିବାରୁ ଏଫଏଟିଏଫ ଏହାକୁ ‘ଗ୍ରେ ଲିଷ୍ଟ’ରେ ରଖିଥିଲା।

ହାଫିଜ୍‌ ସୟଦ, ମସୁଦ ଆଝାର ସମେତ ଜାତିସଙ୍ଘର ଲିଷ୍ଟରେ ସାମିଲ ଆତଙ୍କବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସଂସ୍ଥା ପକ୍ଷରୁ ଇସ୍ଲାମାବାଦକୁ କୁହାଯାଇଥିଲା। ପାକିସ୍ତାନ ଜୁନ୍‌ ୨୦୧୮ରୁ ଗ୍ରେ ଲିଷ୍ଟରୁ ମୁକୁଳି ପାରୁନରାହିଁ।

ଗ୍ରେ ଲିଷ୍ଟରେ ପୁଣି ଥରେ ରହିଥିବାରୁ ପାକିସ୍ତାନକୁ ଆଇଏମଏଫ, ବିଶ୍ବ ବ୍ୟାଙ୍କ, ଏସିଆ ବିକାଶ ବ୍ୟାଙ୍କ ଆଦିରୁ ଆର୍ଥିକ ସହାୟତା ଆଣିବାରେ ଅସୁବିଧା ହେବ। ପାକିସ୍ତାନ ଏବେ ଯାଏଁ ଚୀନ, ତୁର୍କୀ ଏବଂ ମାଲେସିଆ ସହାୟତାରେ ବ୍ଲାକ୍‌ ଲିଷ୍ଟରେ ସାମିଲ ହୋଇନାହିଁ ।

   Related Posts