Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟର ୧୬ଟି ଜିଲ୍ଲାରେ ହେବ ଆରଟି ପିସିଆର ଲ୍ୟାବ୍, ୨୦ କୋଟି ଟଙ୍କା ମଞ୍ଜୁର କଲେ ମୁଖ୍ୟମନ୍ତ୍ରୀ
  • ||
  • ପାଟଣା : ବଳଦ ନେଇ ଘରକୁ ଫେରୁଥିଲେ, ବଜ୍ରାଘାତରେ ଚାଲିଗଲା ରାଇଦାସଙ୍କ ଜୀବନ
  • ||
  • ମହିଳା ସାମ୍ବାଦିକ ସବନମ୍‌ ଶିରିନ୍‌ଙ୍କ ଦେହାନ୍ତ , କୋଭିଡ୍‌ରେ ଆକ୍ରାନ୍ତ ହୋଇ ଏମସ୍‌ରେ ହେଉଥିଲେ ଚିକିତ୍ସିତ
  • ||
  • ଭଦ୍ରକ : ବାପଘର ଲୋକ ଆଣିଲେ ବଧୂ ହତ୍ୟା ଅଭିଯୋଗ, ଶ୍ବଶୁରଘର କହୁଛନ୍ତି ପଡିଗଲେ ବାଥରୁମ୍‌ରେ
  • ||
  • ୧୦ ହଜାର ତଳକୁ ଖସିଲା କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୯୭୯୩ ପଜିଟିଭ୍
  • ||
  • ୧୦ ବର୍ଷର ଶିଶୁର ଜୀବନ ନେଲା କରୋନା…
  • ||
  • ଟ୍ରକ୍‌କୁ ଧକ୍କା ଦେଲା ବରଯାତ୍ରୀ ଗାଡି : ୫ ମୃତ, ୩ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୧୮ଜଣଙ୍କ ଜୀବନ, ୨୨୧୫ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ଆତ୍ମଘାତୀ ଆତଙ୍କୀ ଆଦିଲ ମହମ୍ମଦ ସପକ୍ଷରେ ଇମ୍ରାନ ! ପାକିସ୍ତାନ ସଂସଦରେ ଇମ୍ରାନ କହିଲେ କାଶ୍ମୀରର ସ୍ୱାଧୀନତା ପାଇଁ ଆତ୍ମଘାତୀ ସାଜିଲା ଆଦିଲ

28/02/2019 at 7:46 PM

ଦିଲ୍ଲୀ ୨୮/୨ : ଭାରତର କାର୍ଯ୍ୟାନୁଷ୍ଠାନ ପରେ ଡରିଯାଇଛି ପାକିସ୍ତାନ | ଇମ୍ରାନ ଖାନ ଆଜି ପାକିସ୍ତାନ ସଂସଦରେ କହିଥିଲେ ଯେ, ସେ ଉଭୟ ଦେଶ ମଧ୍ୟରେ ଶାନ୍ତି ପ୍ରତିଷ୍ଠା କରିବାକୁ ଚାହୁଁଛନ୍ତି | ସେ ଯୁଦ୍ଧ ଚାହୁଁନାହାନ୍ତି | ଭାରତ ଉପରେ କ୍ଷୁବ୍ଧ ଇମ୍ରାନ ଆତଙ୍କବାଦୀ ଆଦିଲର କାର୍ଯ୍ୟକୁ ବୈଧ ବୋଲି କହିଥିଲେ | ପୁଲୱାମାରେ ହୋଇଥିବା ଆତ୍ମଘାତୀ ହମଲାର ଦୋଷୀ ଆଦିଲ ମହମ୍ମଦ ଡାରକୁ ନେଇ ସଫେଇ ଦେଇଥିଲେ ଇମ୍ରାନ |

ଭାରତ ସରକାର କାଶ୍ମୀରରେ ଲୋକଙ୍କୁ ନିର୍ଯ୍ୟାତନା ଦେଉଛି ବୋଲି ଅଭିଯୋଗ କରିଥିଲେ ଇମ୍ରାନ | ଯେଉଁଥିପାଇଁ ଜଣେ ୨୦ ବର୍ଷର ଯୁବକ ନିଜ ଦେହରେ ବୋମା ଲଗାଇ ବିସ୍ଫୋରଣ କରିଥିଲା ବୋଲି କହିଥିଲେ ଇମ୍ରାନ | ଆଦିଲ ଅହମ୍ମଦ ସ୍ୱାଧୀନତା କଥା କହୁଥିଲା | ସେଥିପାଇଁ ସେ ନିଜକୁ ହ୍ୟୁମାନ ବମ କରିଦେଲା | ଜୈସ ଆତଙ୍କୀ ଆଦିଲ ମହମ୍ମଦ ସପକ୍ଷରେ ଇମ୍ରାନ କହିଥିଲେ ଯେ, ପାକିସ୍ତାନ ଗତ ୨୦ ବର୍ଷ ହେଲା ନିଜ ଦେଶରେ ମଧ୍ୟ ଆତଙ୍କବାଦ ବିରୋଧରେ ଲଢ଼ୁଛି |

ଏଠାରେ ଆମେ ଗୋଟେ କଥା ମନେପକେଇଦେବୁ, ଆଦିଲ ମହମ୍ମଦ ହମଲା ପୂର୍ବରୁ ଏକ ଭିଡିଓ ଜାରି କରିଥିଲା | ଏହି ଭିଡିଓରେ ସେ ନିଜେ ସ୍ୱୀକାର କରିଥିଲା ସେ ଜଣେ ଆତଙ୍କବାଦୀ | ପାକିସ୍ତାନ ପ୍ରଧାନମନ୍ତ୍ରୀ ବୋଧହୁଏ ଭୁଲିଯାଇଛନ୍ତି ଯେ, ଜୈସ ସଂଗଠନ ନିଜେ ସ୍ପଷ୍ଟ କରିଥିଲେ ଯେ, ହମଲା ତାଙ୍କର ଲୋକାଲ ଆତଙ୍କବାଦୀ କରିଛନ୍ତି | ଜୈସ ସଂଗଠନର ମୁଖ୍ୟ ମସୁଦ ଅଜହର ମଧ୍ୟ ଏକ ଅଡିଓ ଜାରି କରି ଆଦିଲ ଅହମ୍ମଦର ପ୍ରଶଂସା କରିଥିଲା |

ଏବେର ପରିସ୍ଥିତିକୁ ନଜରରେ ରଖି ଇମ୍ରାନ ଖାନ କହିଥିଲେ ଯେ, ଗତ ୪ ବର୍ଷ ହେଲା କାଶ୍ମୀରରେ ସ୍ୱାଧୀନ ଦାବି ହୋଇଆସୁଚି | କାଶ୍ମୀରବାସୀ ନିଜେ ସ୍ୱାଧୀନତା ଦାବି କରୁଛନ୍ତି | ସେ କହିଥିଲେ ଯେ, ସେ ଯେତେବେଳେ ୨୦ ବର୍ଷ ପୂର୍ବରୁ କାଶ୍ମୀର ଯାଇଥିଲେ, କାଶ୍ମୀର ଲୋକେ ଭାରତ ସପକ୍ଷରେ ଥିଲେ | କିନ୍ତୁ ଏବେ କାଶ୍ମୀରବାସୀ ସ୍ୱାଧୀନତା ଛଡା ଆଉ କିଛି ଚାହୁଁନାହାନ୍ତି |

   Related Posts