Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଇମରାନ ଖାନଙ୍କୁ ପାକ୍ ସୁପ୍ରିମକୋର୍ଟର ତାତ୍ସଲ୍ୟ: ‘ଲୋକଙ୍କୁ ମାରିବା ପାଇଁ କରୋନା ଷଡଯନ୍ତ୍ର କରିଛ !’

5/05/2020 at 3:56 PM

ଲାହୋର ୦୫|୦୫ :  ପାକିସ୍ତାନ ସରକାର କରୋନା ଭାଇରସର ମୁକାବିଲା କରିପାରୁ ନାହାଁନ୍ତି । କରୋନା ସଂକ୍ରମଣ ରୋକିବାରେ ସରକାର ବିଫଳ ହୋଇଛନ୍ତି । ଏହାକୁ ନେଇ ପାକିସ୍ତାନ ସୁପ୍ରିମକୋର୍ଟ ଇମରାନ ସରକାରଙ୍କୁ ସମାଲୋଚନା କରିଛନ୍ତି । ବେଖାତିର ଓ ଖାମଖିଆଲ ମନୋଭାବ ପାଇଁ ଦେଶରେ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି ବୋଲି କୋର୍ଟ କହିଛନ୍ତି ।

କୋର୍ଟ କହିଛନ୍ତି ଯେ, ସରକାର ଏହି ମାରାତ୍ମକ ଭାଇରସର ମୁକାବିଲା ପାଇଁ ଆବଶ୍ୟକୀୟ ଅର୍ଥ ବିନିଯୋଗ କରିପାରୁ ନାହାଁନ୍ତି । ଏପରିକି କେନ୍ଦ୍ର ଓ ରାଜ୍ୟ ସରକାର ଲୋକଙ୍କ ବିରୋଧରେ ଷଡଯନ୍ତ୍ର ରଚୁଥିବା ଭଳି ମନେ ହେଉଛି । କେବଳ କାଗଜ ପତ୍ରରେ ହିଁ ସରକାର କରୋନା ମୁକାବିଲା କରୁଛନ୍ତି । ବାସ୍ତବିକ ସ୍ଥିତି ସମ୍ପୂର୍ଣ୍ଣ ଭାବେ ଓଲଟା । ମାସ୍କ ଓ ପିପିଆଇ କମିବା ପାଇଁ ସରକାର ଯେଉଁ ଅର୍ଥରାଶି ଖର୍ଚ୍ଚ କରିଛନ୍ତି ତାହାର ଅଡିଟ୍ ହେଉ ବୋଲି କୋର୍ଟ କହିଛନ୍ତି । ଏହାସହ ଦେଶର ସମସ୍ତ ରାଜ୍ୟକୁ ଆବଶ୍ୟକୀୟ ଅର୍ଥ ପ୍ରଦାନ ପାଇଁ ଇମରାନ ସରକାରକୁ ନିର୍ଦ୍ଦେଶ ମଧ୍ୟ ଦେିଛନ୍ତି । ପ୍ରଧାନ ବିଚାରପତି ଗୁଲଜାର ଅହମ୍ମଦଙ୍କ ନେତୃତ୍ୱରେ ଗଠିତ ୫ଜଣିଆ ଖଣ୍ଡପୀଠ ସେମାବାର ଏହି ମାମଲାର ଶୁଣାଣି କରିଥିଲେ । ଏହାର ପୂର୍ବ ଶୁଣାଣିରେ ମଧ୍ୟ କୋର୍ଟ ସରକାରଙ୍କ ଉପରେ ବର୍ଷିଥିଲେ ।

ପାକିସ୍ତାନରେ ଏବେ କରୋନା ସଂକ୍ରମିତଙ୍କ ମାମଲା ୨୦ ହଜାର ଅତିକ୍ରମ କରିଛି । ଏବେସୁଦ୍ଧା ସେଠାରେ ୪୬୨ଜଣ ପ୍ରାଣ ହରାଇ ସାରିଛନ୍ତି । ବିଭିନ୍ନ ସରକାରୀ ବିଭାର ଏହି ମହାମାରୀର ମୁକାବିଲା ପାଇଁ କଣ ପଦକ୍ଷେପ ନେଉଛି ସେନେଇ କୌଣସି ସ୍ପଷ୍ଟ ସୂଚନା ମିଳି ପାରୁନାହିଁ । ଅର୍ଥକୁ ମଧ୍ୟ ସରକାର ଠିକ ଭାବେ ଖର୍ଚ୍ଚ କରିପାରୁ ନାହାଁନ୍ତି ।

   Related Posts