Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ‘ଇତିହାସରେ ହୋଇଥିବା ଭୁଲଗୁଡିକୁ ଏବେ ସୁଧାରୁଛି ଭାରତ’, କଂଗ୍ରେସକୁ ଟାର୍ଗେଟ୍ କରି ବର୍ଷିଲେ ପ୍ରଧାନମନ୍ତ୍ରୀ ମୋଦି
  • ||
  • ରବିବାର ରାଜ୍ୟରେ ସୁସ୍ଥହେଲେ ଆଉ ୧୦,୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୫୩୨ ଜଣ ଡିସଚାର୍ଜ
  • ||
  • ଅଭିଯୁକ୍ତକୁ ଉଠାଇ ଆଣିବାରୁ ଥାନା ପରିସରରେ ତୁମୁଳକାଣ୍ଡ, ଗ୍ରାମବାସୀ ଓ ପୋଲିସ ମାରପିଟ
  • ||
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||

ଆସୁଛି ଆଉ ଏକ ବାତ୍ୟା ‘ନିସାରଗା’ : ମୁମ୍ବାଇ ଓ ଗୁଜରାଟକୁ ରେଡ୍ ଆଲର୍ଟ ଜାରି

1/06/2020 at 4:44 PM

ନୂଆଦିଲ୍ଲୀ ୦୧/୦୬ : ପଶ୍ଚିମବଙ୍ଗ ଓ ଓଡିଶାରେ ନିକଟରେ ବାତ୍ୟା ଅମ୍ପାନ ନାନା କ୍ଷୟ କ୍ଷତି ଘଟାଇଥିଲା | ଏହିଭଳି ବାତ୍ୟା ବର୍ତ୍ତମାନ ଆରବ ସାଗରରେ ସୃଷ୍ଟି ହେଉଛି | ଭାରତୀୟ ପାଣିପାଗ ବିଭାଗ ମହାରାଷ୍ଟ୍ର ଓ ଗୁଜରାଟର ଉପକୂଳବର୍ତ୍ତୀ ଅଞ୍ଚଳରେ ରେଡ ଆଲର୍ଟ ଜାରି କରିଛନ୍ତି | ଏହି ବାତ୍ୟାର ନାଁ ଦିଆଯାଇଛି ‘ନିସାରଗା’ | ଏହାର ପ୍ରଭାବରେ ଗୁଜରାଟ ଭାବନଗରରେ ଭୀଷଣ ବର୍ଷା ଆରମ୍ଭ ହୋଇଯାଇଛି |

ଭାରତୀୟ ପାଣିପାଗ ବିଭାଗ ସୂଚନା ଦେଇଛନ୍ତି ଯେ, ବାତ୍ୟା ଜୁନ ୩ ତାରିଖ ସନ୍ଧ୍ୟା କିମ୍ବା ରାତିରେ ଉତ୍ତର ମହାରାଷ୍ଟ୍ର ଓ ଦକ୍ଷିଣ ଗୁଜରାଟ ଉପକୂଳରେ ଲ୍ୟାଣ୍ଡଫଲ କରିବାର ଆଶଙ୍କା ରହିଛି | ଏହାର ପ୍ରଭାବରେ ମହାରାଷ୍ଟ୍ର ଓ ଗୁଜରାଟରେ ପ୍ରବଳ ବର୍ଷା ହେବାର ସମ୍ଭାବନା ରହିଛି | ଆଇଏମଡି ଜୁନ ୧ ତାରିଖ ପାଇଁ କେରଳ, କର୍ଣ୍ଣାଟକ ଉପକୂଳବର୍ତ୍ତୀ ଅଞ୍ଚଳ, ଗୋଆ ଓ ମହାରାଷ୍ଟ୍ରର ତଟବର୍ତ୍ତୀ ଅଞ୍ଚଳ ପାଇଁ ରେଡ ଆଲର୍ଟ ଜାରି କରିଛନ୍ତି | ଆଗାମୀ ୨୪ ଘଣ୍ଟାରେ ବାତ୍ୟା ଅଧିକ ଶକ୍ତିଶାଳୀ ହୋଇପାରେ ବୋଲି ପାଣିପାଗ ବିଭାଗ କହିଛନ୍ତି |

ଜୁନ ୪ ତାରିଖ ପର୍ଯ୍ୟନ୍ତ ସାବଧାନ ରହିବାକୁ ମାଛ ଧରାଳିଙ୍କୁ ସମୁଦ୍ର ମଧ୍ୟକୁ ନ ଯିବାକୁ ପରାମର୍ଶ ଦେଇଛନ୍ତି | ବର୍ତ୍ତମାନ ଯେଉଁ ମାଛ ଧରାଳିମାନେ ଆରବ ସାଗରରେ ଅଛନ୍ତି ସେମାନେ ତୁରନ୍ତ ଫେରି ଆସିବାକୁ ନିର୍ଦେଶ ଦିଆଯାଇଛି | ଜୁନ ୪ ତାରିଖ ପର୍ଯ୍ୟନ୍ତ ସମୁଦ୍ରରେ ସ୍ଥିତି ଅତ୍ୟନ୍ତ ଖରାପ ରହିବାର ସମ୍ଭାବନା ରହିଛି | ଘଣ୍ଟା ପ୍ରତି ୯୦ ରୁ ୧୦୦ କିଲୋମିଟର ବେଗରେ ପବନ ବୋହିବ ଏବଂ ଏହା ଘଣ୍ଟା ପ୍ରତି ୧୧୦ କିଲୋମିଟରକୁ ବୃଦ୍ଧି ପାଇପାରେ ବୋଲି ପାଣିପାଗ ବିଭାଗ ସୂଚନା ଦେଇଛନ୍ତି | ଚକ୍ରବାତ ବର୍ତ୍ତମାନ ଗୋଆରୁ ୩୭୦ କିମି ଦୂରରେ ରହିଛି | ମୁମ୍ବାଇରୁ ୬୯୦ କିମି ଏବଂ ସୁରଟରୁ ୯୨୦ କିମି ଦୂରରେ ରହିଛି | ଆଗାମୀ ୧୨ ଘଣ୍ଟାରେ ଦକ୍ଷିଣ-ପୂର୍ବ ଆରବ ସାଗରରେ ଚକ୍ରବାତ ଶକ୍ତିଶାଳୀ ରୁପା ନେଇପାରେ | ଆଗାମୀ ୨୪ ଘଣ୍ଟା ମଧ୍ୟରେ ଏହା ତୀବ୍ର ରୂପ ନେଇପାରେ |

ଜୁନ ପ୍ରଥମରେ ମୌସୁମୀ କେରଳ ଛୁଇଁବ ବୋଲି ଭାରତୀୟ ପାଣିପାଗ ବିଭାଗ ୨୦୨୦ ପ୍ରାରମ୍ଭରୁ ସୂଚନା ଦେଇଥିଲେ | ସୋମବାର ଦିନ ମୌସୁମୀ କେରଳ ଛୁଇଁଛି | ସୋମବାର ଦିନ କେରଳରେ ସାମାନ୍ୟ ବର୍ଷା ହୋଇଛି | ଭାରତୀୟ ପାଣିପାଗ ବିଭାଗର ମହାନିର୍ଦେଶକ ମୃତ୍ୟୁଞ୍ଜୟ ମହାପାତ୍ର କହିଛନ୍ତି ଯେ, ଭାରତର ଉତ୍ତର-ପୂର୍ବରେ କିଛି ବର୍ଷ ହେଲା ସ୍ୱଳ୍ପ ବୃଷ୍ଟି ହେଉଛି | ଚଳିତବର୍ଷ ୯୬ ପ୍ରତିଶତ ବର୍ଷା ହେବ ବୋଲି ସେ ପୂର୍ବାନୁମାନ କରିଛନ୍ତି | ମୌସୁମୀ ୪୦ ପ୍ରତିଶତରୁ ଅଧିକ ସାମାନ୍ୟ ରହିବାର ସମ୍ଭାବନା ରହିଛି |

   Related Posts