Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ମାଡି ଆସୁଛି ସାମୁଦ୍ରିକ ବାତ୍ୟା ‘ନିସର୍ଗ’ : ଏହି ଦୁଇ ରାଜ୍ୟ ପ୍ରତି ବିପଦ, ଆଲର୍ଟ ଜାରି

2/06/2020 at 9:35 AM

ମୁମ୍ବାଇ ୨।୬: କରୋନା ଭାଇରସ୍ ସଙ୍କଟ ମଧ୍ୟରେ ଗୁଜୁରାଟ ଏବଂ ମହାରାଷ୍ଟ୍ରରେ ‘ନିସର୍ଗ’ ସାମୁଦ୍ରିକ ବାତ୍ୟାର ବିପଦ ଘନଉଛି । ଭାରତୀୟ ପାଣିପାଗ ବିଭାଗ (ଆଇଏମଡି) ଅନୁଯାୟୀ, ଜୁନ୍ ୩ରେ ସାମୁଦ୍ରିକ ବାତ୍ୟା ‘ନିସର୍ଗ’ ମହାରାଷ୍ଟ୍ରର ରାୟଗଡ ଜିଲ୍ଲାର ହରିହରେଶ୍ବର ଏବଂ ଦାମନ ମଧ୍ୟରେ ଉତ୍ତର ମହାରାଷ୍ଟ୍ର ଏବଂ ଦକ୍ଷିଣ ଗୁଜରାଟର ଉପକୂଳରେ ସ୍ଥଳଭାଗ ଛୁଇଁପାରେ ।

ପାଣିପାଗ ବିଭାଗ ଅନୁଯାୟୀ, ଜୁନ୍ ୩ ରେ ମୁମ୍ବାଇ, ପାଲଘର, ଥାନେ ଏବଂ ଗୁଜୁରାଟର ଦକ୍ଷିଣ ଉପକୂଳରେ ପ୍ରବଳ ବର୍ଷା ହେବାର ଆଶଙ୍କା ରହିଛି । ଆରବ ସାଗରରେ ସୃଷ୍ଟି ହୋଇଥିବା ଲଘୁଚାପ କ୍ଷେତ୍ର ଯୋଗୁଁ ଏକ ଘୂର୍ଣ୍ଣିବଳୟ ସୃଷ୍ଟି ହୋଇପାରେ । ‘ନିସର୍ଗ’ ଘୂର୍ଣ୍ଣିବଳୟ ଜୁନ୍ ୨ ସକାଳ ସୁଦ୍ଧା ଉତ୍ତର ଦିଗକୁ ଗତି କରିବ । ଏହାପରେ ଉତ୍ତର-ଉତ୍ତର-ପୂର୍ବ ଆଡକୁ ଗତି କରିବା ପରେ ଏହା ହରିହରେଶ୍ବର (ରାୟଗଡ, ମହାରାଷ୍ଟ୍ର) ଏବଂ ଦାମନ ମଧ୍ୟରେ ଉତ୍ତର ମହାରାଷ୍ଟ୍ର ଏବଂ ଦକ୍ଷିଣ ଗୁଜୁରାଟ ଉପକୂଳରୁ ଜୁନ୍ ୩ ସନ୍ଧ୍ୟା କିମ୍ବା ରାତି ମଧ୍ୟରେ ସ୍ଥଳଭାଗ ଛୁଇଁପାରେ । ହରିହରେଶ୍ବର ସହର ମୁମ୍ବାଇ ଏବଂ ପୁଣେ ଉଭୟଠାରୁ ୨୦୦ କିଲୋମିଟର ଏବଂ ଦାମନଠାରୁ ୩୬୦ କିଲୋମିଟର ଦୂରରେ ଅବସ୍ଥିତ ।

ମୁମ୍ବାଇରେ ଜୁନ୍ ୩ରେ ଏକ ବଡ ଝଡ ହେବାର ସମ୍ଭାବନା ରହିଛି । ଆଜି ଅପରାହ୍ନରୁ ବର୍ଷା ଏବଂ ପ୍ରବଳ ପବନ ସହିତ ଏହାର ପ୍ରଭାବ ଦେଖାଯିବା ଆରମ୍ଭ କରିବ । ଏଥିପାଇଁ ବିଏମସି ପକ୍ଷରୁ ଅଧିକାରୀମାନଙ୍କୁ ନିର୍ଦ୍ଦେଶ ଦିଆଯାଇଛି ଯେ, ଯେଉଁ ଲୋକମାନେ ତଳିଆ ଅଞ୍ଚଳରେ କିମ୍ବା ଯେଉଁ ସ୍ଥାନ ଝଡ ଦ୍ବାରା କ୍ଷତିଗ୍ରସ୍ତ ହେବାର ସମ୍ଭାବନା ରହିଛି ସେମାନଙ୍କୁ ସ୍କୁଲ କିମ୍ବା ସୁରକ୍ଷିତ ସ୍ଥାନକୁ ସ୍ଥାନାନ୍ତର କରନ୍ତୁ । ଝଡ ନେଇ ବିଏମସି ପକ୍ଷରୁ ଲୋକମାନଙ୍କୁ ଆଲର୍ଟ ଜାରି କରାଯାଇଛି । ଲୋକମାନଙ୍କୁ ଝଡ ସମୟରେ ଘରୁ ନବାହାରିବାକୁ ପରାମର୍ଶ ଦିଆଯାଇଛି । ଏପରିକି ବିଦ୍ୟୁତ ଖୁଣ୍ଟି ଏବଂ ଗଛ ତଳେ ଠିଆ ନହେବାକୁ ମଧ୍ୟ ପରାମର୍ଶ ଦିଆଯାଇଛି ।

ବଡ ଶିଳ୍ପ ଏବଂ ପେଟ୍ରୋକେମିକାଲ୍ କମ୍ପାନୀଗୁଡିକ ମଧ୍ୟ ବାତ୍ୟା ସମୟରେ ସେମାନଙ୍କ ସାମଗ୍ରୀ ଏବଂ ସିଷ୍ଟମକୁ ସୁରକ୍ଷିତ ରଖିବା ଉପରେ ଧ୍ୟାନ ଦେବାକୁ କୁହାଯାଇଛି । ବିଦ୍ୟୁତ୍ ବିଚ୍ଛିନ୍ନ ହେଲେ ଜେନେରେଟରଗୁଡିକୁ ପ୍ରସ୍ତୁତ ରଖିବାକୁ ମୁମ୍ବାଇର ସମସ୍ତ ଡାକ୍ତରଖାନାକୁ ନିର୍ଦ୍ଦେଶ ଦିଆଯାଇଛି ଯେପରିକି ବିଦ୍ୟୁତ୍ ସମସ୍ୟା ନଉପୁଜେ ।

ତେବେ ଘୂର୍ଣ୍ଣିବଳୟ ‘ନିସର୍ଗ’କୁ ଦୃଷ୍ଟିରେ ରଖି ମହାରାଷ୍ଟ୍ର ଏବଂ ଗୁଜୁରାଟ ସରକାର ଉପକୂଳବର୍ତ୍ତୀ ଅଞ୍ଚଳରେ NDRF ଟିମ୍ ନିୟୋଜିତ କରିଛନ୍ତି । ବାତ୍ୟା ଆଶଙ୍କାକୁ ଦୃଷ୍ଟିରେ ରଖି ମହାରାଷ୍ଟ୍ରରେ NDRF ର ୯ଟି ଟିମ୍ ମୁତୟନ କରାଯାଇଛି । ବାତ୍ୟା ବିପଦକୁ ମୁକାବିଲା କରିବାକୁ NDRF ଟିମ୍ ପ୍ରସ୍ତୁତ ଅଛନ୍ତି । ମୁମ୍ବାଇରେ ୩ଟି ଟିମ୍ ଏବଂ ପାଲଗରରେ ୨ଟି ଟିମ୍ ନିୟୋଜିତ ହୋଇଛନ୍ତି । ଥାନେ, ରାୟଗଡ, ରତ୍ନାଗିରି ଏବଂ ସିନ୍ଧୁଦୁର୍ଗରେ ଏନଡିଆରଏଫର ଏକ ଟିମ୍ ନିୟୋଜିତ ହୋଇଛନ୍ତି । ସ୍ଥାନୀୟ ଅଧିକାରୀଙ୍କ ସହ NDRF ଟିମ୍ ଏହି ଜିଲ୍ଲାର ଉପକୂଳବର୍ତ୍ତୀ ଅଞ୍ଚଳରେ ସର୍ଭେ କରୁଛନ୍ତି ।

ମହାରାଷ୍ଟ୍ର ଏବଂ ଗୁଜୁରାଟରେ ସମ୍ଭାବ୍ୟ ସାମୁଦ୍ରିକ ବାତ୍ୟା ‘ନିସର୍ଗ’ ର ପ୍ରାକ୍ ପ୍ରସ୍ତୁତିକୁ ନେଇ ଗୃହମନ୍ତ୍ରୀ ଅମିତ ଶାହା ଏନଡିଏମଏ, ଏନଡିଆରଏଫ, ଆଇଏମଡି ଏବଂ ଇଣ୍ଡିଆନ କୋଷ୍ଟଗାର୍ଡ ଅଧିକାରୀଙ୍କ ସହ ଏକ ଉଚ୍ଚ ସ୍ତରୀୟ ବୈଠକ କରିଛନ୍ତି । ଏହି ସାମୁଦ୍ରିକ ବାତ୍ୟାକୁ ଦୃଷ୍ଟିରେ ରଖି ଗୃହମନ୍ତ୍ରୀ ଅମିତ ଶାହା ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏବଂ ଗୁଜରାଟର ମୁଖ୍ୟମନ୍ତ୍ରୀ ବିଜୟ ରୂପାନୀଙ୍କ ସହ ଭିଡିଓ କନଫରେନ୍ସିଂ ମାଧ୍ୟମରେ ରାଜ୍ୟର ପ୍ରସ୍ତୁତିର ସମୀକ୍ଷା କରିଛନ୍ତି । ସାମୁଦ୍ରିକ ବାତ୍ୟାର ମୁକାବିଲା ପାଇଁ କେନ୍ଦ୍ର ପକ୍ଷରୁ ସମସ୍ତ ସମ୍ଭାବ୍ୟ ସହାୟତା ଯୋଗାଇଦିଆଯିବା ନେଇ ଗୃହମନ୍ତ୍ରୀ ଆଶ୍ବସନା ଦେଇଛନ୍ତି।

ସୂଚନାଯୋଗ୍ୟ ଯେ, ଦକ୍ଷିଣ-ପୂର୍ବ ଏବଂ ସଂଲଗ୍ନ ପୂର୍ବ-କେନ୍ଦ୍ରୀୟ ଆରବ ସାଗର ଏବଂ ଲକ୍ଷାଦ୍ବୀର ଅଞ୍ଚଳରେ ସୃଷ୍ଟି ହୋଇଥିବା ଲଘୁଚାପ ସୋମବାର ଗଭୀର ଅବପାତରେ ପରିଣତ ହୋଇଛି । ଏହା ଆହୁରି ଭୟଙ୍କର ରୂପ ନେଇ ଜୁନ୍ ୨ ରେ ସକାଳେ ଏକ ସାମୁଦ୍ରିକ ଝଡରେ ପରିଣତ ହୋଇପାରେ । ଏହାପରେ ଜୁନ୍ ୩ ସନ୍ଧ୍ୟା କିମ୍ବା ରାତି ସୁଦ୍ଧା ଏକ ଗଭୀର ସାମୁଦ୍ରିକ ବାତ୍ୟାରେ ପରିଣତ ହେବାର ସମ୍ଭାବନା ରହିଛି ।

   Related Posts