Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଗସ୍ତି ନୂଆଗାଁ ଓ ଚମାଖଣ୍ଡି ପଞ୍ଚାୟତର ସରପଞ୍ଚ ଏବଂ ସମିତି ସଭ୍ୟ ପ୍ରାର୍ଥୀ ନିର୍ଦ୍ବନ୍ଦରେ ନିର୍ବାଚିତ
  • ||
  • ରାଜ୍ୟରେ ବୁଧବାର ସୁସ୍ଥହେଲେ ଆଉ ୧୦ହଜାର ୭୮ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୭୩ ଜଣ ଡିସଚାର୍ଜ
  • ||
  • ପାଟ୍ରୋଲିଂ ଗାଡିକୁ ଚକ୍‌ମା ଦେଇ ଖସିଯିବା ବେଳେ ଗୋଡାଇ ଗୋଡାଇ କାବୁ କଲା ପୋଲିସ: ଅଟୋରୁ ବିପୁଳ ଗଞ୍ଜେଇ ଜବତ, ୫ ଗିରଫ
  • ||
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||

ଦେଶରେ ବଢିବ ଗ୍ରୀଷ୍ମ ପ୍ରବାହ, ୫ ଦିନିଆ ରେଡଆଲର୍ଟ ଜାରିକଲେ IMD

24/05/2020 at 7:44 PM

ନୂଆଦିଲ୍ଲୀ ୨୪।୫: ଉତ୍ତର ଭାରତରେ ରବିବାର ଅନେକ ରାଜ୍ୟର ତାପମାତ୍ରା ୪୫ ଡିଗ୍ରି ସେଲସିୟସ୍ ପାର କରିଛି। ଫଳରେ ଭାରତୀୟ ପାଣିପାଗ ବିଭାଗ( ଆଇଏମଡି) ରାଜଧାନୀ ଦିଲ୍ଲୀ ସମେତ ପଞ୍ଜାବ, ହରିୟାଣା, ଚଣ୍ଡିଗଡ ଓ ରାଜସ୍ଥାନ ଲାଗି ଆଗାମୀ ୨ ଦିନ ନିମନ୍ତେ ରେଡ ଆଲର୍ଟ ଜାରି କରିଛନ୍ତି। ଏଥିରେ ପାଣିପାଗ ବିଭାଗ ପୂର୍ବ ଉତ୍ତରପ୍ରଦେଶ ଲାଗି ଲୁ ପ୍ରବାହ ନେଇ ଅରେଞ୍ଜ ଆଲର୍ଟ ମଧ୍ୟ ଜାରି କରିଛନ୍ତି।

ଆଇଏମଡିଙ୍କ ସତର୍କତା ଅନୁସାରେ ଆଗାମୀ ୨ ଦିନରେ ଦେଶର କେତେକ ଅଞ୍ଚଳର ତାପମାତ୍ରା ୪୭ ଡିଗ୍ରି ସେଲସିୟସ୍ ପର୍ଯ୍ୟନ୍ତ ପହଞ୍ଚିପାରେ। ଅନ୍ୟବର୍ଷମାନଙ୍କରେ ଚଳିତବର୍ଷ ତାପମାତ୍ରା ଏତେଟା ବଢିନାହିଁ। ମଧ୍ୟଭାରତରେ ବର୍ଷା ଯୋଗୁ ତାପମାତ୍ରା ଅନେକ ପରିମାଣରେ ନିୟନ୍ତ୍ରିତ ଥିଲା। ଏଥିରେ ତାପମାତ୍ରା ବୃଦ୍ଧିକୁ ସାମୁଦ୍ରିକ ବାତ୍ୟା ଅମ୍ଫାନ ଅନେକ ପରିମାଣରେ ନିୟନ୍ତ୍ରିତ କରିବା ଯୋଗୁ ମେ ମାସ ମଝି ସପ୍ତାହ ପରେ ବିଭିନ୍ନ ସ୍ଥାନରେ ଉତ୍ତାପ ବୃଦ୍ଧି ହେଉଛି।

ରାଜସ୍ଥାନ ପିଲାନୀରେ ଶନିବାର ବର୍ଷର ସର୍ବାଧିକ ୪୬.୭ ଡିଗ୍ରି ତାପମାତ୍ରା ରେକର୍ଡ କରାଯାଇଛି। ଏଥିରୁ ଆଗାମୀ ୫ ଦିନ ପର୍ଯ୍ୟନ୍ତ ପଞ୍ଜାବ, ହରିୟାଣା, ଚଣ୍ଡିଗଡ, ଦିଲ୍ଲୀ, ରାଜସ୍ଥାନ, ଉତ୍ତରପ୍ରଦେଶ, ମଧ୍ୟପ୍ରଦେଶ, ବିଦର୍ଭ ଓ ତେଲେଙ୍ଗାନାର ଅନେକ ସ୍ଥାନରେ ଲୁ ଭଳି ସ୍ଥିତି ଉପୁଜିବା ନେଇ ଆଇଏମଡି ଆଶଙ୍କା ପ୍ରକାଶ କରିଛନ୍ତି। ଏହି ସମୟରେ ଛତିଶଗଡ, ଓଡିଶା, ଗୁଜରାଟ, ମଧ୍ୟମହାରାଷ୍ଟ୍ର, ଉପକୂଳବର୍ତ୍ତି ଆନ୍ଧ୍ରପ୍ରଦେଶ, ୟାନମ, ରୟାଲସୀମା ଓ ଆଭ୍ୟନ୍ତରିଣ କର୍ଣ୍ଣାଟକର କେତେକ ସ୍ଥାନରେ ତାପମାତ୍ରା ବୃଦ୍ଧି ହୋଇପାରେ ବୋଲି ମଧ୍ୟ ଆଶଙ୍କା କରାଯାଉଛି।  

ଉତ୍ତର-ପଶ୍ଚିମ ଶୁଷ୍କ ପବନ ସାଙ୍ଗକୁ ତାମିଲନାଡୁ ଓ ଛତିଶଗଡ ମଧ୍ୟରେ ଲଘୁଚାପ କ୍ଷେତ୍ର ସୃଷ୍ଟି ହେବା ଏପରି ତାପମାତ୍ରା ବୃଦ୍ଧିର କାରଣ ବୋଲି ଆଇଏମଡି ବୈଜ୍ଞାନିକ ନରେସ କୁମାର କହିଛନ୍ତି। ଏଣୁ କେତେକ ସ୍ଥାନରୁ ଲୁ ଭିଷଣ ରୂପ ଧାରଣ କରିବା ଲାଗି ଉପଯୁକ୍ତ ପରିବେଶ ସୃଷ୍ଟି ହୋଇଥିବାରୁ ସତର୍କତା ଅବଲମ୍ବନ ନିମନ୍ତେ ଆଇଏମଡି ଲୋକଙ୍କୁ ପରାମର୍ଶ ଦେଇଛନ୍ତି। 

   Related Posts