ନୂଆଦିଲ୍ଲୀ ୧୯।୦୫: ସ୍ଥଳ ଭାଗର ନିକଟତର ହେଉଛି ମହାବାତ୍ୟା ଅମ୍ଫାନ । ପାରାଦୀପଠାରୁ ଦକ୍ଷିଣରେ ୪୨୦ କିମି ଦୂରରେ ରହିଥିବା ବେଳେ ଦୀଘାଠୁ ୫୭୦ ଓ ବାଂଲାଦେଶଠୁ ୭୦୦ କିମି ଦୂରରେ ରହିଛି ବାତ୍ୟା । ଆସନ୍ତାକାଲି ସଂଧ୍ୟାରେ ପଶ୍ଚିମବଙ୍ଗର ସୁନ୍ଦରବନ ନିକଟରେ ଲ୍ୟାଣ୍ଡଫଲ କରିପାରେ ଅମ୍ଫାନ । ଲ୍ୟାଣ୍ଡଫଲ୍ ବେଳେ ପବନର ବେଗ ୧୫୫ରୁ ୧୬୫ ରହିବ । ଏବେ ଘଣ୍ଟାକୁ ୧୫ କିମି ବେଗରେ ଗତି କରୁଛି ଅମ୍ଫାନ । ଲ୍ୟାଣ୍ଡଫଲ ବେଳେ ବହୁ କ୍ଷତି ଘଟାଇପାରେ ବାତ୍ୟା, ଗଛ, ବିଦ୍ୟୁତ ଖୁଣ୍ଟ, ଘର କ୍ଷତିଗ୍ରସ୍ତ ହୋଇପାରେ, ଦକ୍ଷିଣ ଓଡ଼ିଶା ଉପକୂଳରେ ଏବେ ପବନର ବେଗ ୫୦ କିମି ରହିଛି । ୧୯୯୯ ପରେ ଏହା ସବୁଠୁ ବଡ଼ ବାତ୍ୟା ବୋଲି IMD ମହାନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର ପ୍ରେସ୍ମିଟ ଜରିଆରେ ସୂଚନା ଦେଇଛନ୍ତି ।
wp:html/wp:htmlThis is the most intense cyclone - the second super cyclone - which has been formed in Bay of Bengal after 1999. Its wind speed in the sea right now is 200-240 kmph. It is moving towards north northwestward direction: IMD chief Mrutyunjay Mohapatra #AmphanCyclone pic.twitter.com/rsEGGb8BT9
— ANI (@ANI) May 19, 2020
ସେହିପରି ଅମ୍ଫାନ ଏବେ ମହାବାତ୍ୟାରୁ ଖସି ଅତି ଭୀଷଣ ବାତ୍ୟାରେ ପରିଣତ ହୋଇଛି । ଗତ ୬ ଘଣ୍ଟା ଧରି ୧୭ କିମି ବେଗରେ ଗତି କରୁଛି ଅମ୍ଫନ । ଲ୍ୟାଣ୍ଡଫଲ କରିବା ସମୟରେ ପବନର ବେଗ ୧୫୫ରୁ ୧୬୫ କିମି ହେବା ନେଇ ପୂର୍ବାନୁମାନ କରାଯାଇଛି । ଅମ୍ଫାନ ପ୍ରଭାବରେ ଆସନ୍ତାକାଲି ଉତ୍ତର ଓଡ଼ିଶା ଉପକୂଳରେ ପ୍ରବଳ ବର୍ଷା ଆଶଙ୍କା ରହିଛି । ବାଲେଶ୍ବର, ଭଦ୍ରକ, ମୟୂରଭଞ୍ଜ, ଯାଜପୁର, କେନ୍ଦ୍ରାପଡ଼ା ଓ କେନ୍ଦୁଝରରେ ପ୍ରବଳ ବର୍ଷା ଆଶଙ୍କା ରହିଛି । ଆଜି ଦକ୍ଷିଣ ଓ ଉପକୂଳ ଓଡିଶାର ଅନେକ ସ୍ଥାନରେ ବର୍ଷା ଆରମ୍ଭ ହୋଇଯାଇଛି । ଏହିସବୁ ସ୍ଥାନଗୁଡିକରେ ବର୍ଷା ସହ ପବନ ମଧ୍ୟ ବୋହୁଛି । ଆଜି ଏହି ସବୁ ଅଞ୍ଚଳମାନଙ୍କରେ ୫୫ରୁ ୬୫ କିମିର ବେଗରେ ପବନ ହେଉଛି , ଆଗକୁ ମଧ୍ୟ ପବନର ବେଗ ବଢିପାରେ ବୋଲି ଅନୁମାନ କରାଯାଉଛି ।
