Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||

IMD ମାନିଲେ: ଗତ ମୌସୁମୀ ଓ ଚଳିତ ଋତୁର ଥଣ୍ଡା ପୂର୍ବାନୁମାନରେ ହୋଇଛି ଭୁଲ

5/01/2020 at 5:42 PM

ନୂଆଦିଲ୍ଲୀ ୫।୧: ଭାରତରେ ଚଳିତ ଶୀତ ଋତୁ ଅପେକ୍ଷାକୃତ ଉଷ୍ମ ରହିବ ଆକଳନ କରିଥିଲେ ପାଣିପାଗ ବିଭାଗ (ଆଇଏମଡି) । ତେବେ ଦିଲ୍ଲୀରେ ଥଣ୍ଡା ୧୧୯ ବର୍ଷର ରେକର୍ଡ ଭାଙ୍ଗିଛି। କେବଳ ଦିଲ୍ଲୀ ଅଥବା ଏନସିଆର ନୁହେଁ  ସମଗ୍ର ଉତ୍ତର, ପୂର୍ବ,  ମଧ୍ୟ ଓ ପଶ୍ଚିମ ଭାରତ ହାଡଭଙ୍ଗା ଥଣ୍ଡାରେ ଥରିଛି। ଅନେକ ସ୍ଥାନରେ ଥଣ୍ଡା ରେକର୍ଡ ବି ଭାଙ୍ଗିଛି। ସେହିପରି ପାଣିପାଗ ବିଭାଗଙ୍କ ଗତ ମୌସୁମୀ ପୂର୍ବାନୁମାନ ମଧ୍ୟ ଭୁଲ ହୋଇଥିବା ଏବେ ସ୍ୱୀକାର କରିଛନ୍ତି।

ତେବେ ଭାରତ ଏକ ଉଷ୍ଣ କଟିବନ୍ଧୀୟ ଜଳବାୟୁର ଦେଶ ହୋଇଥିବାରୁ ପାଣିପାଗର ଚରମ ଗତିବିଧିର ସଠିକ ପୂର୍ବାନୁମାନ କଷ୍ଟକର ବୋଲି ବିଭାଗ ଏଥର ମଧ୍ୟ ସଫେଇ ଦେଇଛନ୍ତି। ପାଣିପାଗ ବିଭାଗର ଉତ୍ତରାଞ୍ଚଳ ପୂର୍ବାନୁମାନ ୟୁନିଟର ଡ. କୂଲଦୀପ ଶ୍ରୀବାସ୍ତବଙ୍କ ଅନୁସାରେ ଚଳିତବର୍ଷ ଶୀତ ଋତୁରେ ରେକର୍ଡ ଭାଙ୍ଗିଥିବା ଥଣ୍ଡା ପାଣିପାଗର ଚରମ ଗତିବିଧିର ପରିଣାମ କୁହାଯାଇପାରେ ବୋଲି କହିଛନ୍ତି।

ତେବେ ଚଳିତବର୍ଷ ଅପେକ୍ଷାକୃତ କମ୍ ଶୀତ ଅନୁଭବ ହେବ ବୋଲି ପାଣିପାଗ ବିଭାଗର ପୁଣେ ୟୁନିଟ୍ ପୂର୍ବାନୁମାନ କରିଥିଲେ ବୋଲି ଶ୍ରୀବାସ୍ତବ କହିଛନ୍ତି। ହେଲେ ଚଳିତ ବର୍ଷ ଥଣ୍ଡା ଶହେ ବର୍ଷର ରେକର୍ଡ ଭାଙ୍ଗିଛି। ପାଣିପାଗ ବିଜ୍ଞାନ ଭାଷାରେ ଏହା ପାଗର ଏକ୍ସଟ୍ରିମ ଆକ୍ଟିଭିଟି କୁହାଯାଏ। ପବନର ଦିଗ ବଦଳିବା ମାତ୍ରେ ଭାରତରେ ପାଗ ବଦଳିଯାଏ। ଏଥିଯୋଗୁ କେବଳ ଶୀତ ନୁହେଁ ଅତିବୃଷ୍ଟି ଓ ଅନାବୃଷ୍ଟି ଭଳି ମଧ୍ୟ ପ୍ରାକୃତିକ ବିପର୍ଯୟ ସୃଷ୍ଟି ହୋଇଥାଏ। ଏଣୁ ପାଣିପାଗର ଦୀର୍ଘକାଳୀନ ପୂର୍ବାନୁମାନ ଭାରତରେ ପ୍ରାୟତଃ ଭୁଲ ହୋଇଥାଏ ବୋଲି ଶ୍ରୀବାସ୍ତବ କହିଛନ୍ତି।

ଏଥିଲାଗି ଚଳିତବର୍ଷ ଅନୁଭୂତ ହେଉଛି ଏତେ ଥଣ୍ଡା
ବରିଷ୍ଠ ପାଣିପାଗ ବୈଜ୍ଞାକନିକଙ୍କ ଅନୁସାରେ ଉତ୍ତର-ପଶ୍ଚିମ ହିମାଳୟ ଅଞ୍ଚଳରୁ ନିରନ୍ତର ଥଣ୍ଡା ବାୟୁ ପ୍ରବାହ ବୋଲି କହିଛନ୍ତି। ଲଗାତାର ଶୀତଳ ପବନ ପୂର୍ବ ଓ ସମତଳ ଅଞ୍ଚଳର ଉଷ୍ମ ବାୟୁ ପ୍ରବାହକୁ ପ୍ରଭାବିତ କରିଥିଲା। ଏହା ଛଡା ପଞ୍ଜାବରୁ ସମତଳ ଅଞ୍ଚଳ ପର୍ଯ୍ୟନ୍ତ ଛାଇ ରହିଥିବା ବାଦଲ ଅତ୍ୟାଧିକ ଥଣ୍ଡାର କାରଣ ପାଲଟିଛି। ୧୫ ଦିନ ପର୍ଯ୍ୟନ୍ତ ସୂର୍ଯ୍ୟଙ୍କ କିରଣ ଠିକରେ ପଡିନଥିବା ବେଳେ ଥଣ୍ଡା ବାୟୁ ପ୍ରବାହ ଯୋଗୁ ତାପମାତ୍ରା ଶୁନ ଡିଗ୍ରି ସେଲସିୟସ୍ ପର୍ଯ୍ୟନ୍ତ ଓହ୍ଲାଇଥିଲା।

   Related Posts