Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସରିଲାନି ଆର୍ଯ୍ୟନ ଖାନ୍‌ଙ୍କ ଜାମିନ୍‌ ଆବେଦନର ଶୁଣାଣି, ଆସନ୍ତାକାଲିକୁ ସ୍ଥଗିତ ରଖିଲେ କୋର୍ଟ
  • ||
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଆଇଆଇଏମସି କନେକ୍ସନ ୨୦୧୯ ଅନୁଷ୍ଠିତ

5/03/2019 at 4:07 PM

ଭୁବନେଶ୍ୱର ୫/୩:  ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ମାସ୍ କମ୍ୟୁନିକେସନ(ଆଇଆଇଏମସି) ଓଡ଼ିଶା ଚାପ୍ଟରର ପୁରାତନ ଛାତ୍ରଛାତ୍ରୀଙ୍କ କନେକ୍ସନ-୨୦୧୯ ଅନୁଷ୍ଠିତ ହୋଇଯାଇଛି | ଢେଙ୍କାନାଳରେ ଅନୁଷ୍ଠାନ ପରିସର ସହ ଭୁବନେଶ୍ୱରରେ ମଧ୍ୟ ଏ ନେଇ ଉତ୍ସବ ଆୟୋଜିତ ହୋଇଥିଲା | ଏହି ଅବସରରେ ଢେଙ୍କାନାଳରେ ଆୟୋଜିତ କାର୍ଯ୍ୟକ୍ରମରେ ଭାରତ ଭୂଷଣ ପରିଡ଼ାଙ୍କୁ ପ୍ରଫେସର ଚିନ୍ତାମଣି ମହାପାତ୍ର ସମ୍ମାନ, ସ୍ୱପ୍ନିଲ ଜୋଗଲକରଙ୍କୁ ପ୍ରଫେସର ବିବି ମହାନ୍ତି ସମ୍ମାନ, ପ୍ରିୟଙ୍କା ଯୋଶୀଙ୍କୁ ପ୍ରଫେସର କେଏମ୍ ଶ୍ରୀବାସ୍ତବ ସମ୍ମାନ ପ୍ରଦାନ କରାଯାଇଥିଲା | ଉତ୍ସବରେ ପୁରାତନ ଓ ବର୍ତ୍ତମାନର ଛାତ୍ରଛାତ୍ରୀ ଉପସ୍ଥିତ ଥିଲେ | ଆଇଆଇଏମସି ଢେଙ୍କାନାଳର ନିର୍ଦ୍ଦେଶକ ମୃଣାଣ ଚାଟ୍ଟାର୍ଜୀ ଓ ଆସୋସିଏସନର ସଂଗଠନ ସଂପାଦକ ରିତେଶ ବର୍ମା କାର୍ଯ୍ୟକ୍ରମକୁ ସମ୍ବୋଧିତ କରିଥିଲେ |

ସେହିଭଳି ଭୁବନେଶ୍ୱରରେ ଆୟୋଜିତ କାର୍ଯ୍ୟକ୍ରମରେ ଆଇଆଇଏମସି ଆୱାର୍ଡରେ ଓଡ଼ିଶା ଚାପ୍ଟରର ୯ କୃତୀ ପୁରାତନ ଛାତ୍ରଛାତ୍ରୀଙ୍କୁ ସମ୍ମାନିତ କରାଯାଇଥିଲେ | ଏଥିରେ ସେଣ୍ଟ୍ରାଲ କମିଟିର କାର୍ଯ୍ୟନିର୍ବାହୀ ସଭାପତି ରିତେଶ ଆନନ୍ଦ, ୟୁପି ଚାପ୍ଟରର ସଂଗଠନ ସଂପାଦକ କମଲେଶ୍ ରାଠୋର୍, ସେଣ୍ଟ୍ରାଲ କମିଟି ସଦସ୍ୟା ସ୍ନେହା ଭଟ୍ଟାଚାର୍ଯ୍ୟ, ଦୀକ୍ସା ସକ୍ସେନା ପ୍ରମୁଖ ଉପସ୍ଥିତ ଥିଲେ | ଜରୁରୀକାଳୀନ ମେଡିକାଲ ସହାୟତା ଖୋଜୁଥିବା ଆସୋସିଏସନର ସଦସ୍ୟଙ୍କ ଲାଗି ଚିକିତ୍ସା ପାଣ୍ଠି ନେଇ ଖୁବ୍ ଶୀଘ୍ର ନିଷ୍ପତ୍ତି ହେବ ବୋଲି ବୈଠକରେ ମତ ପ୍ରକାଶ ପାଇଥିଲା | ଏହ ସହ ଓଡ଼ିଶା ଚାପ୍ଟର ଲାଗି ବି ସ୍ୱତନ୍ତ୍ର ପୁରସ୍କାର ବ୍ୟବସ୍ଥା ଲାଗି ମଧ୍ୟ ବିଚାର ବିମର୍ଷ କରାଯାଇଥିଲା | ଉଭୟ କାର୍ଯ୍ୟକ୍ରମରେ ଓଡ଼ିଶା ଚାପ୍ଟରର ସଭାପତି ସଂଜୟ ସାହୁ ସଭାପତିତ୍ୱ କରିଥିଲେ | କୋଷାଧ୍ୟକ୍ଷ କିଶନ ବରାଇ ସ୍ବାଗତ ବକ୍ତବ୍ୟ ରଖିଥିବା ବେଳ ସଂଗଠନ ସଂପାଦକ ସୁଧାଂଶୁ ପାତ୍ର ଅତିଥିଙ୍କୁ ସ୍ୱାଗତ କରିଥିଲେ | ସାଧାରଣ ସଂପାଦକ ଜ୍ୟୋତିପ୍ରକାଶ ମହାପାତ୍ର ଧନ୍ୟବାଦ ଅର୍ପଣ କରିଥିଲେ | ଏହି କାର୍ଯ୍ୟକ୍ରମରେ ରାଜ୍ୟର ଅନେକ ବରିଷ୍ଠ ଓ ଯୁବ ସାମ୍ବାଦିକ ଯୋଗ ଦେଇଥିଲେ |

   Related Posts