Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଦିନକରେ ସୁସ୍ଥ ହେଲେ ୩୪୮୬ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୫୪୧ ଡିସଚାର୍ଜ
  • ||
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ବ୍ରହ୍ମପୁର ସହରରେ ଛତୁ ଫୁଟିବା ଭଳି ଶିକ୍ଷାନୁଷ୍ଠାନ ଖୋଲିଛି : ଶିକ୍ଷାଦାନ ନାଁରେ ସବୁ ନିୟମ କାନୁନ୍କୁ ଆଖିଠାର ମାରି ଚାଲିଛି ବେପାର

13/01/2019 at 3:10 PM

ବ୍ରହ୍ମପୁର୧୩|୧: ବ୍ରହ୍ମପୁର ସହରରେ ଛତୁ ଫୁଟିବା ଭଳି ଶିକ୍ଷାନୁଷ୍ଠାନ ଖୋଲିଛି । ଶିକ୍ଷାଦାନ ନାଁରେ ସବୁ ନିୟମ କାନୁନ୍‌କୁ ଆଖିଠାର ମାରି ଚାଲିଛି ବେପାର । କୁନି କୁନି ପିଲାଙ୍କ ଜୀବନକୁ ବାଜି ଲଗାଇ ରାଜପଥ କଡ଼ରେ ଖୋଲିଛି ଶହ ଶହ ସ୍କୁଲ୍‌ । ବିନା ଏନଓସିରେ ଚାଲିଛି ଅଧିକାଂଶ ଶିକ୍ଷାନୁଷ୍ଠାନ । ହେଲେ ଗୋଟେ ଅଧେ ଶିକ୍ଷାନୁଷ୍ଠାନ ବିରୋଧରେ ଆକ୍ସନ ନେଇ ଚୁପ୍‌ ବସିପଡ଼ିଛି ଜିଲ୍ଲା ପ୍ରଶାସନ ।

ଦକ୍ଷିଣ ଓଡ଼ିଶାରେ ଶିକ୍ଷା ଓ ବ୍ୟବସାୟର ଏନ୍ତୁଡ଼ିଶାଳ କୁହାଯାଉଥିବା ବ୍ରହ୍ମପୁର ସହରରେ ଚାଲିଛି ପ୍ରାୟ ୨୫୦ ବେସରକାରୀ ଶିକ୍ଷାନୁଷ୍ଠାନ । ଶିକ୍ଷାଦାନ ନାଁରେ ସବୁ ନିୟମ କାନୁନ୍‌କୁ ଆଖି ଠାର ମାରି ବେଧଡ଼କ ଚାଲିଛି ବେପାର ।  ପ୍ରାୟ ଅଧିକାଂଶ ସ୍କୁଲର ଏନଓସି ନାହିଁ । ସେଥିମଧ୍ୟରୁ ଜାତୀୟ ଓ ରାଜ୍ୟ ରାଜପଥ କଡ଼କୁ ଲାଗି ରହିଛି ଅନେକ ସ୍କୁଲ । ପ୍ରତି ମୁହୂର୍ତ୍ତରେ ଜୀବନକୁ ବାଜି ଲଗାଇ ରାସ୍ତା ପାରି ହେଉଛନ୍ତି କୁନି କୁନି ପିଲା । ହେଲେ ନା’ ଜିଲ୍ଲା ଶିକ୍ଷାଧିକାରୀ ନା’ ଜିଲ୍ଲା ପ୍ରଶାସନ କାହାରି ନିଘା ନାହିଁ । ଏଠି ଛାତ୍ରଛାତ୍ରୀଙ୍କ ଭବିଷ୍ୟତକୁ ନେଇ ଖେଳ ଖେଳାଯାଉଛି । ଏମିତିରେ କେବଳ ଗୋଟେ ଅଧେ ସ୍କୁଲ ବିରୋଧରେ ଅଧପନ୍ତରିଆ ଆକ୍ସନ ନେଇ ଚୁପ୍‌ ବସିପଡ଼ିଛନ୍ତି ସରକାରୀ ବାବୁମାନେ ।

ଖାଲି ଏଇ ଗୋଟିଏ ସ୍କୁଲ ନୁହେଁ, ସରକାରଙ୍କ ସବୁ ନିୟମକୁ ବେଖାତିର କରି ବ୍ରହ୍ମପୁର ସହରରେ ଏମିତି ଅନେକ ସ୍କୁଲ, କଲେଜ ଚାଲିଛି । ଯାହାକୁ ଖୋଦ୍‌ ଜିଲ୍ଲା ଶିକ୍ଷାଧିକାରୀ ବି ସ୍ବିକାର କରୁଛନ୍ତି । ହେଲେ ପଚାରିଲା ବେଳକୁ ମିଳୁଛି ସେଇ ଚିରାଚରିତ ଉତ୍ତର, ଖୁବ୍‌ ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ଯେମିତିକି ଗୋଟେ ବଡ଼ ଦୁର୍ଘଟଣା ନଘଟିଲେ ଆକ୍ସନକୁ ଆସେନି ଆମ ପ୍ରଶାସନ, ସେଇ ନ୍ୟାୟରେ ସବୁ କିଛି ଚାଲିଛି । କାହିଁକି ଏପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ନିଆଯାଇନି ତା’ର ଉତ୍ତର ଦେବା ବଦଳରେ କ୍ୟାମେରା ଆଗରେ ଖୁବ୍‌ ଶୀଘ୍ରର ଟ୍ୟାଗ୍‌ ଦେବାକୁ ଜମାରୁ ବି ଭୁଲନ୍ତିନି ଆମର ସରକାରୀ ବାବୁମାନେ । ତେବେ ସେ ଖୁବ୍‌ ଶୀଘ୍ରଟା କେବେ, ତା ଉପରେ ବି ରହିବ ଆମର ନଜର ।

   Related Posts