ପୁରୀ, ୦୯/୧୧: ପୁରୀ ଜିଲ୍ଲା ଜିମ୍ନାଷ୍ଟିକ ଖେଳାଳୀ ଚୟନରେ ଅନିୟମିତତା ହୋଇଥିବା ଅଭିଯୋଗ ଆଣି କ୍ରୀଡାବିତ୍ ଓ ଅଭିଭାବକମାନେ ଆଜି ଜିଲ୍ଲାପାଳଙ୍କୁ ଭେଟି ଦାବିପତ୍ର ଦେଇଛନ୍ତି। ଜାତୀୟ ଜୁନିୟର ଜିମ୍ନାଷ୍ଟିକ ଚମ୍ପିୟାନସିପ ପାଇଁ ଗତ ୭ ତାରିଖରେ ଚୟନ କରାଯାଇଥିଲା। ଏ ନେଇ ଖେଳାଳୀ ୮ ତାରିଖରେ ସୋସିଆଲ ମିଡିଆ ମାଧ୍ୟମରେ ଜାଣିବାକୁ ପାଇଥିଲେ। ପୁରୀ ଜିଲ୍ଲାରେ ବହୁ ସଂଖ୍ୟାରେ ଜିମ୍ନାଷ୍ଟିକ କ୍ରୀଡ଼ାବିତ ଥିଲେ ମଧ୍ୟ କାହାରିକୁ ଅବଗତ କରାନଯାଇ ସମ୍ପାଦକ ଦୁଇ ଜଣ ବାଳକ ଓ ଜଣେ ବାଳିକାଙ୍କୁ ପଠାଇ ଦେଇଛନ୍ତି।
ଚୟନ ପ୍ରକ୍ରିୟାରେ ଜାଲିଆତି କରି କୃତି କ୍ରୀଡ଼ାବିତଙ୍କୁ ବାଦ ଦେଇ ନିଜ ଇଚ୍ଛାରେ ପିଲାମାନଙ୍କୁ ବାଛିଥିବାରୁ ଏହାର ତଦନ୍ତ କରି ଖେଳାଳୀଙ୍କୁ ନ୍ୟାୟ ଦିଆଯିବା ସହ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି।