Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଗରିବ ଯୁବତୀଙ୍କ ଗଣବିବାହ ବେଳେ ବେଆଇନ କାର୍ଯ୍ୟ : ହସ୍ତକ୍ଷେପ କରି ନାବାଳିକାଙ୍କୁ ହେପାଜତକୁ ନେଲା ପ୍ରଶାସନ

5/12/2018 at 5:52 PM

ସମ୍ବଲପୁର ୫|୧୨: ସମ୍ବଲପୁରରେ ମୁସଲିମ୍‌ ସଂପ୍ରଦାୟର ଗରିବ ଯୁବତୀଙ୍କ  ଗଣବିବାହ ବେଳେ ବେଆଇନ କାର୍ଯ୍ୟ କରାଯାଉଥିବା ଅଭିଯୋଗ । ନାବାଳିକାଙ୍କୁ ବିବାହ କରାଯାଉଥିବା ଖବର ପାଇ ଚାଇଲ୍‌ଡ ଲାଇନ୍‌ ଏହାର ତନାଘନା କରିଛି । ବୟସ ପ୍ରମାଣ ପତ୍ର ଜାଲିଆତି କରି, ୬ଜଣ ନାବାଳିକାଙ୍କୁ ବିବାହ କରିଦିଆଯାଇଥାଆନ୍ତା । ତେବେ ପୋଲିସ୍‌ ସହାୟତାରେ ସେମାନଙ୍କୁ  ନିଜ ହେପାଜତକୁ ନେଇଛି ଜିଲ୍ଲାପ୍ରଶାସନ । 

ଗଣବିବାହ ପାଇଁ ସବୁ ପ୍ରସ୍ତୁତ। ବିବାହ କରିବାକୁ ଥିବା ଯୁବତୀ ମାନେ, ବଧୂବେଶରେ ସଜେଇ ହୋଇ ବସିଥିଲେ । ଜଣକ ପରେ ଜଣେ ବରଙ୍କୁ ଅଣାଯାଉଥିଲା । ସୁସଜ୍ଜିତ ଗାଡି ସାଙ୍ଗକୁ ଭୋଜିଭାତର ଆୟୋଜନ ବି ହୋଇଥିଲା । ଗଣବିବାହର ସାକ୍ଷୀ ରହିବା ପାଇଁ, ସମ୍ବଲପୁର ବିଧାୟିକା ମଞ୍ଚ ନିକଟରେ ଉପସ୍ଥିତ ଥିଲେ । ହେଲେ ହଠାତ୍‌ ଖବର ମିଳିଲା  ଯେ ବଧୂବେଶରେ ମଞ୍ଚ ଉପରେ ବସିଛନ୍ତି ୬ଜଣ ନାବାଳିକା । ସମ୍ବଲପୁର ଚାଇଲ୍‌ଡ ଲାଇନ୍‌ ପାଖରେ ଖବର ପହଞ୍ଚିବା ପରେ ଆରମ୍ଭ ହେଲା ତନାଘନା । ମିଛ ଜନ୍ମଗତ ପ୍ରମାଣ ପତ୍ର ଓ ଜାଲ୍‌ ସାର୍ଟିଫିକେଟ ଧରି, ନାବାଳିକାଙ୍କ ପରିବାର ଏମାନଙ୍କୁ ବାହା କରାଇଦେବାର ଯୋଜନା କରିଥିବା କଥା ଧରାପଡ଼ିଗଲା । ଏହାକୁ ଘଟଣାସ୍ଥଳରେ ଦେଖାଦେଲା ଉତ୍ତେଜନା ।  ପୋଲିସ୍‌,ଜିଲ୍ଲା ଶିଶୁସୁରକ୍ଷା ଅଧିକାରୀ ପହଞ୍ଚି ୫ଜଣ ନାବାଳିକା ସମେତ ଜଣେ ନାବାଳକକୁ ନିଜ ହେପାଜତକୁ ନେଇଥିଲେ 

ଜିଲ୍ଲାପାଳଙ୍କ କହିବା କଥା ଗଣ ବିବାହ ଆୟୋଜନ କରିଥିବା ଅଲ୍ ହଜରତ କମିଟି ଏକ, ପଞ୍ଜିକୃତ ସଂସ୍ଥା ନୁହେଁ ।  ସଂପୃକ୍ତ ସଂସ୍ଥା ଓ ଗଣବିବାହ କରାଉଥିବା କର୍ମକର୍ତ୍ତାଙ୍କ ବିରୋଧରେ ବାଲ୍ୟବିବାହ ନିରୋଧ ଆଇନ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସେହିପରି ସମ୍ବଲପୁର ଏସ୍‌ପିଙ୍କ କହିବା ହେଲା, ଏହା ଏକ ବେଆଇନ କାର୍ଯ୍ୟ। ଯେଉଁ ସଂସ୍ଥା ଗଣବିବାହ ନାମରେ, ନାବାଳିକା ଓ ନାବାଳକଙ୍କ ବିବାହ କରୁଥିଲା ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏ ସଂକ୍ରାନ୍ତରେ ଧନୁପାଲ୍ଲୀଥାନାରେ ଏକ ମାମଲା ଦାୟର କରାଯାଇ ଘଟଣାର ତଦନ୍ତ କରାଯାଉଛି ବୋଲି ଏସ୍‌ପି କହିଛନ୍ତି…

ଗଣବିବାହ ନାମରେ, ଜାଲ୍‌ ଜନ୍ମପ୍ରମାଣ ପତ୍ର ଓ ଜାଲ୍‌ ଆଧାରକାର୍ଡ ମାଧ୍ୟମରେ ନାବାଳକ ଓ ନାବାଳିକାଙ୍କ ବିବାହ ନିଶ୍ଚିତ ରୂପେ ଧର୍ତ୍ତବ୍ୟ ଅପରାଧ । ଏଭଳି ବିବାହର ପଞ୍ଜିକରଣ ନିହାତି ଆବଶ୍ୟକ ଥିବା ବେଳେ, ଅନେକ ସ୍ଥାନରେ ତାହା କରାଯାଉନାହିଁ।

   Related Posts