ଆନନ୍ଦପୁର ୧୭।୩: ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ଅର୍ଗଦା ଗାଁରେ ପୋଲିସ ଓ ବନବିଭାଗର ମିଳିତ ଚଢାଉ । ଲକ୍ଷ ଲକ୍ଷ ଟଙ୍କାର ମୂଲ୍ୟବାନ ଚୋରା କାଠ ଗାଁରେ ଗଚ୍ଛିତ ଥିବା ନେଇ ବିଶେଷ ସୂତ୍ରରୁ ଖବରପାଇ ଚଢାଉ କରିଥିଲେ ଉଭୟ ପୋଲିସ ଓ ବନବିଭାଗ । ଚଢାଉ ଫଳରେ ଗାଁରେ ଗଚ୍ଛିତ ଥିବା ବହୁ ମୂଲ୍ୟବାନ କାଠ  ଜବତ  ହୋଇଛି । ଜବତ କାଠର ଆନୂମାନିକ ମୂଲ୍ୟ ୫ ଲକ୍ଷରୁ ଉର୍ଦ୍ଧ୍ଵ ହେବ ବୋଲି ବନବିଭାଗ ତରଫରୁ କୁହାଯାଇଛି ।

ତେବେ ଏତେ ପରିମାଣର କାଠ ଅର୍ଗଦା ଗାଁକୁ କିପରି ଆସିଲା ଓ ଏହା ପଛରେ କାହାର ହାତ ଅଛି ତାକୁ ନେଇ  ବନବିଭାଗ ତରଫରୁ ଖୋଳତାଡ଼ ଆରମ୍ଭ ହୋଇଛି । ସ୍ଥାନୀୟ ଲୋକେ ଏ ସମ୍ପର୍କରେ କିଛି ଜାଣିନଥିବା କହିଛନ୍ତି । ଜବତ କାଠକୁ ଆନନ୍ଦପୁର ବନବିଭାଗ କାର୍ଯ୍ୟାଳୟକୁ ସ୍ଥାନାନ୍ତର କରାଯାଇଛି ।