Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଭୁବନରେ ବେଧଡକ ଚାଲିଛି କୋଇଲା ଚୋରା କାରବାର, ନୀରବଦ୍ରଷ୍ଟା ପାଲିଟିଛି ପୋଲିସ

10/05/2021 at 10:04 AM

ଭୁବନ ୧୦।୫: ଚୋରା କୋଇଲା କାରବାରକୁ ନେଇ ଢେଙ୍କାନାଳ ଜିଲ୍ଲା ଭୁବନ ସବୁବେଳେ ଚର୍ଚ୍ଚାରେ । ତାଳଚେରଠାରୁ ଯାଜପୁର ଜିଲ୍ଲାର ବିଭିନ୍ନ ପ୍ଲାଣ୍ଟକୁ କୋଇଲା ଚାଲାଣ ହେଉଥିବା ବେଳେ ଢେଙ୍କାନାଳ ଜିଲ୍ଲା ଭୁବନରେ ଶହ ଶହ ଗାଡିରୁ ବେଆଇନ ଭାବେ କୋଇଲା ଉତ୍ତୋଳନ ହେଉଛି । ଭୁବନ ଥାନାରେ ନୂତନ ଭାବରେ ଯୋଗ ଦେଇଥିବା ଥାନା ଅଧିକାରୀ ପ୍ରଶାନ୍ତ କୁମାର ପାତ୍ର ଆକ୍ସନ ମୁଡରେ ଆସି ଚୋରା ମାଙ୍କଡା ପଥର ବୋଝେଇ ଟ୍ରକ୍ ଓ ଟ୍ରାକ୍ଟର ଜବତ କରିଥିଲେ । କିନ୍ତୁ ଜାତୀୟ ରାଜପଥ ୫୩ ଅନ୍ତର୍ଗତ ଏସଆର ପେଟ୍ରୋଲ ପମ୍ପ୍ ନିକଟରେ ପ୍ରତିଦିନ ସକାଳେ ଶହ ଶହ ଟ୍ରକରୁ କୋଇଲା ବେଆଇନ ଭାବରେ ଚାଲାଣ ହେଉଛି । କିନ୍ତୁ ଏଥିପ୍ରତି ଭୁବନ ପୋଲିସ ଚୁପ କାହିଁକି କିଛି ବୁଝା ପଡୁନାହିଁ ।

ତେବେ ଗତ କିଛିଦିନ ହେଲା ଭୁବନ ବ୍ଲକ୍ ଅନ୍ତର୍ଗତ ଏକତାଳୀ ଗ୍ରାମ ଆମ୍ବ ବଗିଚା ନିକଟରେ ଚୋରା କୋଇଲା କାରବାର ବେଧଡକରେ ଚାଲିବା ସହ ଜାତୀୟ ରାଜପଥ ୫୩ ଅନ୍ତର୍ଗତ ବାଉଁଶକଣ ଗ୍ରାମ ନିକଟରେ ବେଆଇନ କୋଇଲା କାରବାର ଚାଲିଛି । ରାତିରେ କୋଇଲା ଅନଲୋଡ ହୋଇ ରାତାରାତି ଛୋଟଛୋଟ ଗାଡି ଲଗାଇ ବିଭିନ୍ନ ସ୍ଥାନକୁ ଚାଲାଣ ହେଉଛି । ଭୁବନରୁ ନିକଟସ୍ଥ ଡୁବୁରୀ, ଦାନଗଦି ଓ ଚଣ୍ଡିଖୋଲ ଆଦି ବହୁ ସ୍ଥାନକୁ ଏହି ଚୋରା କାରବାରର ଚେର ଲମ୍ବିଥିବା ବେଳେ ଜାତୀୟ ରାଜପଥ କଡରେ ହେଉଥିବା ବେଆଇନ କୋଇଲା କାରବାର ପ୍ରତି ଭୁବନ ପୋଲିସର ନିଷ୍କ୍ରିୟତା ଚୋରା କୋଇଲା ବେପାରୀଙ୍କ ପାଇଁ ସୁବର୍ଣ୍ଣ ସୁଯୋଗ ସୃଷ୍ଟି କରିଛି ।

   Related Posts