ବଲାଙ୍ଗିର - ବଲାଙ୍ଗିର ସଇଁନ୍ତଳା ବିବିନା ପଞ୍ଚାୟତରେ ଆଦିବାସୀଙ୍କ ଧର୍ମୀୟ ଭାବନାକୁ ବେଖାତିର କରାଯାଉଥିବା ଅଭିଯୋଗ । ଖୁଲମଖୁଲା ଚାଲିଛି ଚିତାଡୁଙ୍ଗୁରି ପାହାଡ଼ ଖୋଳା । ଏହାକୁ ନେଇ ସ୍ଥାନୀୟ ଆଦିବାସୀଙ୍କ ଭିତରେ ତୀବ୍ର ଅସନ୍ତୋଷ ଦେଖାଦେଇଛି । ତେବେ ଆଶ୍ଚର୍ଯ୍ୟର କଥା ଏହି ପାହାଡ଼ ଖୋଳା ପାଇଁ ପ୍ରଶାସନ, ଜଙ୍ଗଲ ବିଭାଗ କେହି କିଛି ଜାଣିନହାନ୍ତି । ନ୍ୟୁଜ୍ 7ର ଅନୁସନ୍ଧାନ ମୂଳକ ଖବରରେ ବାବୁ ଓ ମାଫିଆଙ୍କ ଭିତରର ସଲାସୁତରା ସାମ୍ନାକୁ ଆସୁଛି ।
{"id":163831,"width":559,"height":324}
ସ୍ପଷ୍ଟ ଦିବାଲୋକରେ ଚାଲିଛି ପାହାଡ଼ ଖୋଳା । ପ୍ରଶାସନ ଆଖିରେ ଆଙ୍ଗୁଠି ଗେଞ୍ଜି ଜେସିବି ଲଗାଇ ଚାଲିଛି ପୁରା କାରବାର । ହେଲେ ନା ଜିଲ୍ଲା ପ୍ରଶାସନ ପାଖରେ ଖବର ଅଛି ନା ଅନୁମତି ଦେଇଛି ଜଙ୍ଗଲ ବିଭାଗ । ବଲାଙ୍ଗିର ସଇଁନ୍ତଳା ବିବିନା ଗାଁ ନିକଟରେ ଥିବା ଚିତାଡୁଙ୍ଗୁରି ପାହାଡ଼କୁ ବେଧଡ଼କ ଖୋଳା ଚାଲିଛି ।
{"id":163832,"width":556,"height":325}
ଏଇ ପାହାଡ଼ରେ ବର୍ଷ ବର୍ଷ ଧରି ସ୍ଥାନୀୟ ଆଦିବାସୀମାନେ ସେମାନଙ୍କ ପାରମ୍ପରିକ ପୂଜା କରିଆସୁଛନ୍ତି । ତେବେ ସେମାନଙ୍କ ଧର୍ମୀୟ ଭାବନାକୁ ଖାତିର ନାହିଁ । ବାବୁଙ୍କ ପ୍ରୋତ୍ସାହନରେ ମାଫିଆମାନେ ଦିନ ଦିପହରେ ପାହାଡ଼ ଖୋଳୁଥିବାରୁ ତାତିଛନ୍ତି ଆଦିବାସୀ ।
{"id":163833}
ନ୍ୟୁଜ7 ପ୍ରତିନିଧିଙ୍କ ଠାରୁ ଖବର ପାଇବା ପରେ ତଦନ୍ତ ପାଇଁ ଆରଆଇଙ୍କୁ ଅତିରକ୍ତ ତହସିଲଦାର ପଠାଇଛନ୍ତି । ହେଲେ ଜଙ୍ଗଲ ଜମିରେ ଥିବା ପାହାଡ଼କୁ କିଏ ଖୋଳୁଛି, ତାହା ଆଇନସଂଗତ କି ବେଆଇନ୍ ସେକଥା କିନ୍ତୁ ବାବୁଙ୍କୁ ଜଣା ନାହିଁ ବୋଲି କହିଛନ୍ତି ।
{"id":163834}
ସ୍ପଷ୍ଟ ଦିବାଲୋକରେ ବେଆଇନ ଭାବେ ପାହଡରୁ ମାଫିଆମାନେ ଖୋଳୁଥିବା ବେଳେ ସରକାରୀ ବାବୁ ଏ ବିଷୟରେ ଜାଣି ନ ଥିବା କହୁଛନ୍ତି । ଚେଇଁ ଶୋଇଥିବା ଯିଏ ତାକୁ ଉଠାଇବ କିଏ ପରି ପରିସ୍ଥିତି ଏଠାରେ ସୃଷ୍ଟି ହୋଇଛି । ଏପରି ପରିବେଶ ମାଫିଆମାନଙ୍କୁ ବେଆଇନ ପାହାଡ ଖୋଳା ପାଇଁ ବେଶ୍ ଅନୁକୂଳ ପରିବେଶ ଯୋଗାଇ ଦେଇଥିବା ଅଭିଯୋଗ ହୋଇଛି ।
