ସାଲେପୁର ୪/୧୧ : ଜଗତପୁର ଥାନା ତ୍ରିଲୋଚନପୁର ଗାଁରେ କମିଶେନରେଟ ପୋଲିସ ବେଆଇନ ବାଣ ତିଆରି କରୁଥିବା ଘରେଚଢାଉ କରିଛି | ଆଜି ସକାଳୁ ସକାଳୁ କଟକ ଏସିପି ତ୍ରିନାଥ ମିଶ୍ରଙ୍କ ନେତୃତ୍ୱରେ ପାଞ୍ଚ ପ୍ଲାଟୁନ ପୋଲିସ ସହ ତ୍ରିଲୋଚନପୁର ଗାଁକୁ ପୁରା ସିଲ କରିଦିଆଯାଇଥିଲା । ଗାଁ ଭିତରକୁ କାହାରିକୁ ଛଡା ଯାଉନଥିଲା କି ଗାଁରୁ ବାହାରିବାକୁ କାହାକୁ ଦିଆଯାଉନଥିଲା । ଗାଁ ରାସ୍ତାରେ ସମସ୍ତ ଦୁଇ ଚକିଆ ଓ ଚାରି ଚକିଆ ଗାଡିର ମଧ୍ୟ ଯାଞ୍ଚ କରାଯାଉଥିଲା । ଯାହାଉପରେ ସନ୍ଦେହ ହୋଇଥିଲା ସେମାନଙ୍କୁ ଅଟକ ରଖି ପଚାରା ଉଚରା କରୁଛି ପୋଲିସ । ବେଆଇନ ବାଣ ତିଆରି କରୁଥିବା ଲୋକମାନେ ପୋଲିସ ଆସିବା ଖବର ପାଇ ବାଣକୁ ଫୋପାଡ଼ି ଦେଉଥିବା ଜଣାପଡିଛି । ଘରେ ଘରେ ପଶି ପୋଲିସ ବାଣ ଜବତ କରି ନେଉଛି । ଗଣମାଧ୍ୟମ ପ୍ରତିନିଧି ମାନଙ୍କୁ ମଧ୍ୟ ଗାଁକୁ ଛଡ଼ା ଯାଉନଥିଲା ।