ଭଦ୍ରକ, ୦୮/୦୫: ଚୋରା କୋଇଲା ଚାଲାଣ ବେଳେ ପ୍ରବଳ ବର୍ଷା କାରଣରୁ ରାସ୍ତାରେ ଫସିଗଲା ଚୋରା କୋଇଲା ଗାଡି । ପୋଲିସ ଆସିବା ପୂର୍ବରୁ ଅନ୍ୟ ଗାଡି ଯୋଗେ ଟ୍ରକରୁ ଚୋରା କୋଇଲା ଚାଲାଣ ବେଳେ ଧରିଲା ପୋଲିସ ।
ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲା ଧୁଷୁରୀ ଥାନା ଅନ୍ତର୍ଗତ ଆମ୍ଵିଳିଗାଁ ବୁଢ଼ୀ ଜାଗୁଳାଇ ମନ୍ଦିର ନିକଟରୁ ଚୋରା କୋଇଲା ବୋଝେଇ ଗୋଟିଏ ଟ୍ରକ ସହ ପିକଅପ ଭ୍ୟାନକୁ ଜବତ କରିଛି ପୋଲିସ । ଆମ୍ଵିଳିଗାଁ ଅଞ୍ଚଳର ଜନୈକ ବ୍ୟକ୍ତି ଦିର୍ଘ ଦିନ ଧରି ଚୋରାରେ ଧାମରା ରେଳ ଲାଇନରୁ ହାଡ କୋର କୋଇଲା ଚୋରାରେ ଆଣି ବେପାର କରୁଥିଲା ।
ରାତିରେ ଏକ ଦଶ ଚକିଆ ଗାଡିରେ କୋଇଲା ନେଇ ଆସୁଥିବା ସମୟରେ ବର୍ଷା କାରଣରୁ ଗାଁ ରାସ୍ତାରେ ଗାଡି ଫଶି ଯିବାରୁ ଗାଁ ଲୋକେ ପୋଲିସକୁ ଖବର ଦେଇଥିଲେ । ଧୁଷୁରୀ ପୋଲସ୍ ସେଠାରେ ପହଞ୍ଚି ଚୋରା କୋଇଲାକୁ ଅନ୍ୟ ଏକ ପିକଅପ ଭ୍ୟାନରେ ଚାଲାଣ କରୁଥିବା ବେଳେ ପିକଅପକୁ ଜଵତ କରିବା ସହିତ ଦଶ ଚକିଆ ଟ୍ରକକୁ ଜଵତ କରିଛି ।
