ରୁରକି ୨୮।୪ :  ଆଇଆଇଟି ରୁରକିର ବୈଜ୍ଞାନିକମାନେ ଝାଉଁପତ୍ରରୁ ଇନ୍ଧନ ପ୍ରସ୍ତୁତିର ଉପାୟ ଖୋଜି ବାହାର କରିଛନ୍ତି । ଖାସ ଏଥିପାଇଁ ସେମାନେ ଏକ ପୋର୍ଟେବଲ ମେସିନ ମଧ୍ୟ ତିଆରି କରିଛନ୍ତି । ଏହି ମେଶିନ ଯୋଗେ ସେମାନେ ସାବୁନ ଆକାରର ଏକ ପିଣ୍ଡ ପ୍ରସ୍ତୁତ କରିବେ।   ଯାହାକୁ ଘରେ, ହୋଟେଲ ଓ ଢାବାରେ ଖାଦ୍ୟ ପ୍ରସ୍ତୁତି ପାଇଁ ଇନ୍ଧନ ଭାବେ ବ୍ୟବହାର କରାଯାଇପାରିବ ଓ ଏହି ଇନ୍ଧନ ସମ୍ପୂର୍ଣ୍ଣ ପରିବେଶ ଉପଯୋଗୀ ହେବ।

{"id":108376,"width":585,"height":438}

ଉତ୍ତରାଖଣ୍ଡ ଜଙ୍ଗଲ ଝାଉଁ ଗଛରେ ଭର୍ତ୍ତି । ଜଙ୍ଗଲର ୧୬ ପ୍ରତିଶତ ବୃକ୍ଷ ଝାଉଁ ଗଛ। ଯେଉଁଥିରୁ ୨୩ ଲକ୍ଷ ୬୬ ହଜାର ମେଟ୍ରିକ ଟନ ପତ୍ର ଝରିଥାଏ। ଝାଉଁପତ୍ର ଜ୍ବଳନଶୀଳ ହୋଇଥିବା ଯୋଗୁ ଜଙ୍ଗଲ ପ୍ରତି ପ୍ରାୟତଃ ନିଆଁର ବିପଦ ଲାରହିଥାଏ । ଏଣୁ ଗଛରୁ ଝରୁଥିବା ପତ୍ରର ଉପଯୋଗରେ ଆଇଆଇଟିର ବୈଜ୍ଞାନିକମାନେ ଇନ୍ଧନ ବିକଶିତ କରିବାର ଉପାୟ ଖୋଜି ବାହାର କରିଥିବାରୁ ଜଙ୍ଗଲ ପ୍ରତି ଥିବା ଅଗ୍ନି ଭୟ ଦୂର ହୋଇଛି। ଅନ୍ୟପକ୍ଷରେ ଝାଉଁପତ୍ର ଯୋଗୁ ଜଙ୍ଗଲରେ ଅନ୍ୟ ବୃକ୍ଷଲତା ବଢି ପାରୁନାହାନ୍ତି । ଏଣୁ ଜଙ୍ଗଲ ବୃଦ୍ଧି ନେଇ ସମସ୍ୟାର ସମାଧାନ ହେବାକୁ ଯାଉଥିବା ବେଳେ ଦେଶର ଇନ୍ଧନ ସମସ୍ୟା ମଧ୍ୟ ଏବେ ଅନେକାଂଶରେ ଦୂର ହୋଇ ପାରିବ।