ଭୁବନେଶ୍ବର୬/୫: ୨୦୧୩ ବ୍ୟାଚ୍ର ଚୁକ୍ତି ଭିତ୍ତିକ ଶିକ୍ଷକ/ଶିକ୍ଷୟିତ୍ରୀମାନଙ୍କୁ ଅଣଦେଖା କରାଯାଉଛି। ଆଜିକୁ ଦୀର୍ଘ ୧୬ ମାସ ହେବ ନିଜର ଚୁକ୍ତି ଭିତ୍ତିକ ସମୟସୀମାକୁ ପୂରଣ କରିସାରିଲା ପରେ ମଧ୍ୟ ୨୦୧୩ ବ୍ୟାଚ୍ ମସିହାରେ ନିଯୁକ୍ତି ପାଇଥିବା ୫୦୦୦ ରୁ ଉର୍ଦ୍ଧ୍ବ ଶିକ୍ଷକ/ଶିକ୍ଷୟିତ୍ରୀଙ୍କୁ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟର ସାବତ ପୁଅ/ଝିଅ ପରି ବ୍ୟବହାର କରୁଛି।
{"id":265787,"sizeSlug":"large"}ଚିଠି.ନଂ-୪୮୮୧୭/ ତାରିଖ-୧୭-୧୨-୨୦୧୯ ଏବଂ ପୁନର୍ବାର ଚିଠି.ନଂ.-୯୫୦୬/ତାରିଖ:-୧୭-୦୩-୨୦୨୦ ଦ୍ବାରା ୨୦୧୩ ନିୟମିତ ପ୍ରସ୍ତାବ ଲାଗି ସବୁ ଜିଲ୍ଲା ଶିକ୍ଷା ଅଧିକାରୀ ମାଗିଥିଲେ ମଧ୍ୟ ଆଜି ପର୍ଯ୍ୟନ୍ତ ଖୋର୍ଦ୍ଧା,ଭଦ୍ରକ,ନବରଙ୍ଗପୁର,ଯାଜପୁର ଏପର୍ଯ୍ୟନ୍ତ ନିଜର ନିୟମିତ ପ୍ରସ୍ତାବ ଦେଇ ନାହାନ୍ତି। ଚିଠି ନଂ ୨୫୭୧୪/ତା:-୨୯-୦୭-୨୦୧୬ ଅନୁସାରେ ଫେବ୍ରୁଆରି ୧୫ ସୁଧା ସବୁ ଜିଲ୍ଲାରୁ ମାଧ୍ୟମିକ ନିର୍ଦ୍ଦେଶାଳୟକୁ ପ୍ରସ୍ତାବ ଆସିବା କଥା ଏବଂ ମାର୍ଚ୍ଚ ୧୫ ସୁଧା ଏହା ସରକାରଙ୍କର ଅନୁମୋଦନ ପାଇଁ ସଚିବାଳୟକୁ ଯିବା କଥା।
କିନ୍ତୁ ଅତ୍ୟନ୍ତ ଦୁଃଖ ଓ ପରିତାପର ବିଷୟ ଯେ,ପ୍ରିୟାପ୍ରୀତି ପାଇଁ ଫାଇଲ୍ଟି ଏପର୍ଯ୍ୟନ୍ତ ପୁଟ୍ ଅଫ୍ ହୋଇ ପାରିନାହିଁ। ଯଦି ଆଗାମୀ ୧୫ ଦିନ ମଧ୍ୟରେ ଏହାର ସମାଧାନ ନ କରାଯାଏ, ତେବେଏହି ସମସ୍ୟାକୁ ମୁଖ୍ୟମନ୍ତ୍ରୀଙ୍କର ଦୃଷ୍ଟି ଆକର୍ଷଣ କରାଯିବ ବୋଲି ରାଜ୍ୟ ସଂଘର ମୁଖ୍ୟ ଉପଦେଷ୍ଟା ଶ୍ରୀଯୁକ୍ତ ପ୍ରଭାତ ମହାନ୍ତି କହିଛନ୍ତି।