Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ପାର୍ବଣ ଋତୁରେ ଟ୍ରେନରେ ଯାତ୍ରା କରୁଥିଲେ ହୋଇଯାଆନ୍ତୁ ସାବଧାନ : ଏସବୁ ନିୟମ ନମାନିଲେ ଯିବାକୁ ପଡ଼ିବ ଜେଲ୍

15/10/2020 at 2:11 PM

ନୂଆଦିଲ୍ଲୀ ୧୫/୧୦: ଭାରତୀୟ ରେଲଓ୍ବେ ଅକ୍ଟୋବର ମାସରେ ଆଗାମୀ ପର୍ବପର୍ବାଣି ଋତୁକୁ ଆଖି ଆଗରେ ରଖି ୧୯୬ଯୋଡ଼ି ଅର୍ଥାତ୍ ୩୯୨ ସ୍ପେଶାଲ୍ ଟ୍ରେନ୍ ଚଲାଇବାର ଘୋଷଣା କରିଛନ୍ତି। ଏଗୁଡ଼ିକ ଫେଷ୍ଟିଭାଲ୍ ସ୍ପେଶାଲ୍ ଟ୍ରେନ୍ ନାଁରେ ଚଲାଯିବ। ଏହି ସମୟରେ କରୋନା ସଂକ୍ରମଣର ସଙ୍କଟକୁ ଦେଖି ମାସ୍କ ଲଗାଇବା,ସୋସିଆଲ ଡିସଟାନସିଂ ଆଦିକୁ ନେଇ ନିୟମ ମଧ୍ୟ କଡ଼ା କରି ଦିଆଯାଇଛି। ରେଳ ସୁରକ୍ଷା ବଳ(ଆରପିଏଫ) ମୁତାବକ ଯଦି କୌଣସି ଯାତ୍ରୀ ନିୟମର ଉଲ୍ଲଙ୍ଘନ କରୁଛି ତେବେ ତାଙ୍କୁ ଭାରି ଜୋରିମାନା କିମ୍ବା ଜେଲ୍ ଦଣ୍ଡ ଭୋଗିବାକୁ ପଡ଼ିପାରେ।

ଆରପିଏଫ ବୁଧବାର ଏ ସମ୍ବନ୍ଧରେ ବିସ୍ତୃତ ସୂଚନା ଦେଇ କହିଛନ୍ତି ଯେ ମାସ୍କ ନ ପିନ୍ଧିଲେ,କୋଭିଡ-୧୯ ସହ ଜଡ଼ିତ ପ୍ରୋଟୋକଲ୍ ପାଳନ ନକଲେ ଏବଂ ଯାଞ୍ଚରେ ସଂକ୍ରମିତ ଜଣା ପଡ଼ିବା ପରେ ବି ଟ୍ରେନରେ ଯାତ୍ରା କରୁଥିବା ବ୍ୟକ୍ତିଙ୍କ ଉପରେ ରେଳ ଅଧିନିୟମର ବିଭିନ୍ନ ଧାରା ଅନୁସାରେ ମାମଲା ରୁଜୁ କରାଯିବ। ତାଙ୍କୁ ଜୋରିମାନା ଦେବା ସହ ଜେଲଦଣ୍ଡ ମଧ୍ୟ ହୋଇପାରେ।

ଆରପିଏଫ ବିଶେଷ ଭାବେ ଆଗାମୀ ପର୍ବପର୍ବାଣି ଋତୁ ପାଇଁ ବିସ୍ତୃତ ଗାଇଡଲାଇନ୍ ଜାରି କରିଛନ୍ତି। ପର୍ବପର୍ବାଣି ସମୟରେ ଟ୍ରେନରେ ଯାତ୍ରୀଙ୍କ ସଂଖ୍ୟା ବଢ଼ିବାକୁ ଦୃଷ୍ଟିରେ ରଖି ରେଲଓ୍ବେ ସମସ୍ତ ଜୋନରେ ଫେଷ୍ଟିଭାଲ୍ ସ୍ପେଶାଲ୍ ଟ୍ରେନ୍ ଚଲାଇବାକୁ ମଞ୍ଜୁରୀ ଦେଇଛନ୍ତି। ଏହା ଦ୍ବାରା ରେଳ ଯାତ୍ରୀଙ୍କ ଯାତ୍ରାର ଅତିରିକ୍ତ ସୁବିଧା ଏବଂ ଭିଡ଼ରୁ ଆଶ୍ବସ୍ତି ମିଳିବ। କିନ୍ତୁ ଏପରି କ୍ଷେତ୍ରରେ ରେଳ ପ୍ରଶାସନ ସାମନାରେ କରୋନା ସଂକ୍ରମଣକୁ ଦେଖି ଯାତ୍ରୀଙ୍କୁ ନିୟନ୍ତ୍ରଣ କରିବା ଏବଂ କଡ଼ାକଡ଼ିଭାବେ ନିୟମର ପାଳନ କରିବା କୌଣସି ଚ୍ୟାଲେଞ୍ଜରୁ କମ୍ ନୁହେଁ।

   Related Posts