Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||
  • ଜି.ଉଦୟଗିରି : ନାବାଳିକା ଝିଅକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତକୁ ଗିରଫ କଲା ପୋଲିସ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର: ପ୍ରାଥମିକ ତଦନ୍ତରୁ ହତ୍ୟା ସନ୍ଦେହ
  • ||
  • ପୋଲିସ୍‌ ଏବଂ ଜୁଆ ଆଡ୍ଡା ମାଲିକଙ୍କ କଥାବାର୍ତ୍ତାର ଅଡିଓ କଲ ଭାଇରାଲ
  • ||
  • ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ : ଏବେସୁଦ୍ଧା ଆଗରେ ବିଜେପି, ପଛରେ ଟିଆରଏସ ଓ ଏଆଇଏମଆଇଏମ
  • ||

ପିଲାଙ୍କୁ ସ୍କୁଟି ଅଥବା ଗାଡି ଦେଉଥିଲେ ସାବଧାନ, ସାମାନ୍ୟ ଅବହେଳା ହୋଇପାରେ ବିପଦଜନକ

1/12/2019 at 5:08 PM

ନୂଆଦିଲ୍ଲୀ : କେବେ କେବେ ପିଲାଙ୍କ ଜିଦ୍ ଆଗରେ ପିତାମାତାଙ୍କୁ ବିବଶ ହେବାକୁ ପଡେ। ଏଥିଲାଗି ଅଭିଭାବକ ସେମାନଙ୍କ ସବୁ ଇଛା ପୂରଣ କରିବାକୁ ବାଧ୍ୟ ହୋଇଥାନ୍ତି।  ଏଥିରେ ବାପ ମା ସେମାନଙ୍କ ପିଲାଙ୍କ ବୟସ ହୋଇନଥିଲେ ବି ସ୍କୁଟି, ମୋଟରସାଇକେଲ ଆଦି କିଣି ଦେଉଥିବା ଦେଖାଯାଉଛି। ଏଣୁ ଆଜିକାଲି ଘର ଗୋଟାକେ ୨/୩ଟି ଲେଖାଏଁ ଗାଡି ହୋଇଗଲାଣି। ତେବେ ନିକଟରେ ରାଜଧାନୀ ଦିଲ୍ଲୀରେ ଘଟିଥିବା ଏକ ଘଟଣା ଏ ନେଇ ଅଭିଭାବକଙ୍କୁ ଚିନ୍ତା କରିବାକୁ ବାଧ୍ୟ କରିଦେଇଛି।

ସ୍କୁଟରରେ ଯାଉଥିଲେ ୩ ପିଲା
ଘରେ ଗାଡି ଥିବାରୁ ପିଲା ଚଲାଇବାକୁବି ଆଗ୍ରହୀ ହୋଇଥାନ୍ତି । ହେଲେ ଆମେ କେବେ ସେମାନଙ୍କୁ ଏଥିରେ ବାଧା ଦେଇ ନଥାଉ। କାରଣ ଆମ ଭିତରେ ଗାଡି ଚଲେଇ ଶିଖିବ ବୋଲି ଥିବା ଭାବନା ଯୋଗୁ। ଅଭିଭାବକଙ୍କ ଖାସ ଏହି ଭାବନା ଯୋଗୁ ଦିଲ୍ଲୀ ଗେଟ୍ ନିକଟରେ ଘଟିଥିବା ଦୁର୍ଘଟଣା ୩ଟି ଛୋଟଛୋଟ କୋମଳମତି ବାଳକଙ୍କ ମୃତ୍ୟୁ ହୋଇଛି। ଗୋଟିଏ ସ୍କୁଟରରେ ହେଲମେଟ୍ ନ ପିନ୍ଧି ତୀବ୍ର ବେଗରେ ଯାଉଥିବା ୩ ଜଣ ବାଳକ ରାସ୍ତକଡ ଖୁଣ୍ଟରେ ପିଟି ହୋଇ ପ୍ରାଣ ହରାଇଛନ୍ତି।

୨୫ଫୁଟ ଦୂରକୁ ଛିଟକି ପଡିଥିଲା ସ୍କୁଟର
ଏହି ଦୁର୍ଘଟଣା କେତେ ଭୟଙ୍କର ଥିଲା ତାହା ଘଟଣା ସ୍ଥଳରୁ ହିଁ ଜଣା ପଡିଯାଉଥିଲା। ପିଲାମାନେ ଦ୍ରୁତ ବେଗରେ ଗାଡି ଚଳାଇ ଯାଉଥିବା ବେଳେ ଅସନ୍ତୁଳିତ ହୋଇ ରାସ୍ତାଖଡ ଖମ୍ବରେ ପିଟିହୋଇଯାଥିଲା। ପିଲା ୩ଟି ଖମ୍ବ ନିକଟରେ ପଡି ରାସ୍ତାରେ ଗଡୁଥିବା ବେଳେ ସ୍କୁଟରଟି ପ୍ରାୟ ୨୫ ଫୁଟ ଦୂରକୁ ଛିଟକି ଯାଇଥିଲା।

ଜାଣନ୍ତୁ ପୋଲିସ କ’ଣ ଦେଇଛି ସୂଚନା
ପିଲାମାନେ ସ୍କୁଟର ବିନା ହେଲମେଟ୍ ରେ ଚଳାଉଥିଲେ। ଖୁଣ୍ଟ ସହ ଧକ୍କା ଲାଗିବା ଯୋଗୁ ସେମାନଙ୍କ ମୁଣ୍ଡରେ ଆଘାତ ଲାଗିଥିଲା। ସ୍ଥାନୀୟ ଲୋକଙ୍କ ସୂଚନା ଅନୁସାରେ ପୋଲିସ ସେମାନଙ୍କୁ ଉଦ୍ଧାର କରି ନିକଟସ୍ଥ ହସ୍ପିଟାଲକୁ ନେଇଥିଲା। ତେବେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ନାବାଳକମାନଙ୍କର ସ୍କୁଟର ଚଳାଇବା ବୟସ ହୋଇନଥିଲା। ଏଣୁ ସେମାନଙ୍କର ଡ୍ରାଇଭିଂ ଲାଇସେନ୍ସ ବି ନଥିଲା ବୋଲି ପୁୋଲିସ ଅଧିକାରୀ କହିଛନ୍ତି।

ତେବେ ଏହି ଖବର କେବଳ ସେହି ଅଭିଭାବକଙ୍କ ଲାଗି ଯେଉଁମାନେ ପିଲାଙ୍କ ଜିଦ ଆଗରେ ନଇଁ ଯାଉଛନ୍ତି। ତେବେ ପିଲାମାନଙ୍କୁ ସ୍କୁଟି, ସ୍କୁଟର ବା ସେହିଭଳି ଯାନବାହନ ଦେବା ଆଦୌ ଉଚିତ ନୁହେଁ। ଏହା ସତ୍ତ୍ୱେ ଯେଉଁମାନେ ଦେଉଛନ୍ତି ସେମାନେ କିନ୍ତୁପ୍ରଥମେ ନିଶ୍ଚିତ କରନ୍ତୁ ପିଲା ଗାଡି ଧରିବା ପୂର୍ବରୁ ଯେପରି ହେଲମେଟ୍ ପିନ୍ଧନ୍ତି।  
 

   Related Posts