Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ଟ୍ରେନ୍ ଚାଲିବ କିନ୍ତୁ ସଂକ୍ରମିତ ଅଞ୍ଚଳ ଷ୍ଟେସନରେ ଅଟକିବନି, ମିଡିଲ୍ ବର୍ଥରେ ବସିବା ମନା

7/04/2020 at 10:54 AM

ନୂଆଦିଲ୍ଲୀ ୭।୪: କରୋନା ମୁକାବିଲା ପାଇଁ ସାରା ଦେଶରେ ୨୧ ଦିନିଆ ଲକ୍ ଡାଉନ୍ ର ଆଜି ଦୁଇ ସପ୍ତାହ ପୂରା ହୋଇଛି । ସେପଟେ କେଉଁ ଉପାୟରେ ଲକ୍ ଡାଉନ୍ ହଟାଯିବ ସେନେଇ ସରକାର ମଧ୍ୟ ମାନସମନ୍ଥନ ଜାରି ରଖିଛନ୍ତି । ତେବେ ଅପ୍ରେଲ ୧୪ ପରେ ଲକ୍ ଡାଉନ୍ ଉଠିବ କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଲୋକମାନଙ୍କୁ ଅସ୍ବସ୍ତି ପ୍ରଦାନ କରିବା ସହିତ ସଂକ୍ରମଣରୁ ରକ୍ଷା କରିବା ପାଇଁ ସରକାର ପ୍ରସ୍ତୁତ ହେଉଛନ୍ତି । ଏକ ଡ୍ରାଫ୍ଟ ପ୍ଲାନରେ ରାଜ୍ୟଗୁଡିକୁ ୪ ଭାଗରେ ବିଭକ୍ତ କରି ଲକ୍ ଡାଉନ୍ ଉଠାଇବାକୁ ପ୍ରସ୍ତାବ ରହିଛି ।

ଏହି ଅନୁଯାୟୀ, ଯେଉଁ ଜିଲ୍ଲାରେ କୌଣସି କରୋନା ରୋଗୀ ନ ଥିବେ, ସେଠାରେ କିଛି ସର୍ତ୍ତ ସହ ଲୋକଙ୍କୁ ଜିଲ୍ଲା ଭିତରକୁ ଯିବାକୁ ଅନୁମତି ଦିଆଯିବ । କେତେକ ଜିଲ୍ଲାରେ ରେଳ ଏବଂ ବସ୍ ସହିତ ବିମାନ ସେବା ଆରମ୍ଭ ହୋଇପାରେ । ଯଦି ରେଳ ସେବା ଆରମ୍ଭ ହୁଏ, ତେବେ ଟ୍ରେନର ମିଡିଲ ବର୍ଥ ବୁକ୍ ହେବ ନାହିଁ । ଅଧିକାଂଶ ଜିଲ୍ଲାରେ ସ୍କୁଲ, କଲେଜ, ପାର୍କ, ସିନେମା ହଲ୍, ବାଣିଜ୍ୟିକ ଏବଂ ବେସରକାରୀ ପ୍ରତିଷ୍ଠାନ ବନ୍ଦ ରହିବ । ଯେଉଁ ଜିଲ୍ଲାଗୁଡିକରେ ଜଣେ କରୋନା ସଂକ୍ରମିତ ରୋଗୀ ଥିବେ ସେହି ଜିଲ୍ଲାଗୁଡିକରେ ଟ୍ରେନ୍ ଅଟକିବନାହିଁ ।

ଏହି ସମୟରେ କରୋନା ଭାଇରସର ଆର୍ଥିକ ପ୍ରଭାବକୁ କମ୍ କରିବାକୁ ଯୁଦ୍ଧକାଳୀନ ଭିତ୍ତିରେ ଯୋଜନା ପ୍ରସ୍ତୁତ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମସ୍ତ ମନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି । ମୋଦି କହିଛନ୍ତି ଯେ ଏହି ସଙ୍କଟ ଆମକୁ ‘ମେକ୍ ଇନ୍ ଇଣ୍ଡିଆ’ କୁ ପ୍ରୋତ୍ସାହିତ କରିବା ଏବଂ ଅନ୍ୟ ଦେଶ ଉପରେ ନିର୍ଭରଶୀଳତା ହ୍ରାସ କରିବାର ଏକ ସୁଯୋଗ ଆଣିଛି । ଭିଡିଓ କନଫରେନ୍ସିଂ ମାଧ୍ୟମରେ ସେ କ୍ୟାବିନେଟ୍ ବୈଠକ କରିଥିଲେ ।

ରେଳ, ବସ୍ ଏବଂ ବିମାନ ଯାତ୍ରୀଙ୍କ ବ୍ୟତୀତ ଏଠାରେ କାର୍ଯ୍ୟ କରୁଥିବା ଲୋକଙ୍କ ପାଇଁ ବିଭିନ୍ନ ସତର୍କତା ଅବଲମ୍ବନ କରାଯାଇଛି । କୋର୍ଟ, କୋରିଅର ସେବା, ରେଳ ଷ୍ଟେସନରେ ଥର୍ମାଲ ସ୍କାନିଂ ଜରୁରୀ ହେବ । ଟ୍ରେନରେ ମିଡିଲ ବର୍ଥ ବୁକ୍ ରହିବ ନାହିଁ । ପ୍ଲାଟଫର୍ମ ଟିକେଟ୍ ମହଙ୍ଗା ହେବାକୁ ପରାମର୍ଶ ଦିଆଯାଇଛି । TTE ଏକ ଇନଫ୍ରାରେଡ୍ ଥର୍ମୋମିଟର ସହିତ ଯାଞ୍ଚ କରିବେ ।

ଟ୍ରେନରେ ଯାତ୍ରୀମାନଙ୍କୁ ମାସ୍କ ଏବଂ ସାନିଟାଇଜର ପାଉଚ୍ ଯୋଗାଇବା ପାଇଁ ମଧ୍ୟ ପରାମର୍ଶ ଦିଆଯାଇଛି । ବୃଦ୍ଧ, ଗର୍ଭବତୀ ଏବଂ ପିଲାମାନଙ୍କ ପାଇଁ ବୋର୍ଡିଂ ପାସ୍ ପାଇଁ ବିମାନବନ୍ଦରରେ ଅଲଗା ଅଲଗା ଲାଇନ୍ ରହିବ । ବିମାନ ଉଡାଣ ସମୟର ତିନି ଘଣ୍ଟା ପୂର୍ବରୁ ଯାତ୍ରୀମାନଙ୍କୁ ବିମାନବନ୍ଦରକୁ ଯିବାକୁ ଅନୁମତି ଦିଆଯିବ ନାହିଁ।

   Related Posts