Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

ଅଭିନନ୍ଦନଙ୍କୁ ନ ଛାଡିଥିଲେ ଧ୍ୱଂସ୍ତବିଧ୍ୱଂସ୍ତ ହୋଇଥାନ୍ତା ପାକିସ୍ତାନ ଫରୱାର୍ଡ ବେସ୍‌: ବି.ଏସ୍.ଧନୱା

29/10/2020 at 7:05 PM

ନୂଆଦିଲ୍ଲୀ ୨୯।୧୦: ପାକିସ୍ତାନ ଆସେମ୍ବ୍ଲିରେ ୱିଙ୍ଗ କମାଣ୍ଡର ଅଭିନନ୍ଦନ ବର୍ଥମାନଙ୍କୁ ନେଇ ହୋଇଥିବା ଚର୍ଚ୍ଚାରେ ଘଟଣା ଦିନର ବାସ୍ତବତା ଜଣାପଡିଯାଇଛି। ଭାରତର ସୈନ୍ୟ କାର୍ଯ୍ୟାନୁଷ୍ଠାନ ଭୟରେ ପାକିସ୍ତାନ ୪୮ ଘଣ୍ଟା ମଧ୍ୟରେ ୱିଙ୍ଗ କମାଣ୍ଡରଙ୍କୁ ଫେରାଇ ଦେଇଥିଲା। ତେବେ ପ୍ରସଙ୍ଗରେ ପାକିସ୍ତାନୀ ସାଂସଦଙ୍କ ବୟାନ ମିଥ୍ୟା ନୁହେଁ ବୋଲି କହିଛନ୍ତି ତତ୍କାଳୀନ ବାୟୁସେନା ମୁଖ୍ୟ ତଥା ଅବସର ପ୍ରାପ୍ତ ବାୟୁସେନା ଅଧିକାରୀ ବି.ଏସ୍.ଧନୱା।

ପାକିସ୍ତାନୀ ସେନା ଇଣ୍ଟେଲିଜେନ୍ସି ଇନ-ପୁଟ୍ ଅନୁସାରେ ସେତେବେଳେ ଭାରତୀୟ ବାୟୁସେନା ମଧ୍ୟ ସେହି ପରିସ୍ଥିତିରେ ଥିଲା ବୋଲି କହିଛନ୍ତି ଧନୱା। କାରଣ ୧୯୯୯ ମସିହାରେ ପାକିସ୍ତାନ ଶେଷ ମୁହୁର୍ତ୍ତରେ ଧୋକା ଦେଇଥିଲା। ଏଥିର ଯେପରି ସେମିତି କିଛି ନ ହୁଏ ସେଥିଲାଗି ବାୟୁସେନା ପୂର୍ଣ୍ଣ ପ୍ରସ୍ତୁତିରେ ଥିଲା। ପାକିସ୍ତାନ ନିଷ୍ପତ୍ତି ନେବାରେ ସାମାନ୍ୟ ବିଳମ୍ବ ଅଥବା ଟାଳଟୁଳ ନୀତି ଅବଲମ୍ବନ କରିଥିଲେ ସମ୍ପୂର୍ଣ୍ଣ ଫରୱାର୍ଡ ବେଶ୍‌କୁ ଭାରତୀୟ ବାୟୁସେନା ଧ୍ୱସ୍ତବିଧ୍ୱଂସ୍ତ କରିଦେଇଥାନ୍ତା ବୋଲି ଧନୱା କହିଛନ୍ତି।

୧୪ ଫେବୃଆରୀ ପୁଲୱାମା ଆତଙ୍କବାଦୀ ଆକ୍ରମଣର ଜବାବରେ ଭାରତୀୟ ବାୟୁସେନା ବାଲାକୋଟ୍‌ ମିସନକୁ ସଫଳ କରିଥିଲା। ଘଟଣା ବେଳେ ପାକିସ୍ତାନ ଭାରତୀୟ ବାୟୁସେନାକୁ ଅଟକାଇ ପାରିନଥିଲା। ହେଲେ ଘଟଣାକୁ ନେଇ ଦେଶରେ ଚାପ ବଢିବାରୁ ପାକିସ୍ତାନ ଭାରତ ପଟକୁ ଯୁଦ୍ଧବିମାନ ପ୍ରେରଣ କରିଥିଲା। ସେଗୁଡିକୁ ଘଉଡାଇବା ଲାଗି ଯାଇଥିବା ଭାରତୀୟ ବାୟୁସେନା  ଯୁଦ୍ଧବିମାନ ପିଓକେରେ ଖସିପଡିଥିଲା ଓ ପୋଲିସ ପାଇଲଟଙ୍କୁ ଗିରଫ କରିଥିଲା।

ସୂଚନା ମିଳିବା ମାତ୍ରା ଭାରତ ଏ ନେଇ ପାକିସ୍ତାନକୁ ଜେନେଭା କନଭେନସନ୍ ପାଳନ ଲାଗି ଜଣାଇ ଦେବା ସହ ପାଇଲଟଙ୍କୁ ଫେରାଇ ଦେବାକୁ କୁହାଯାଇଥିଲା। କିନ୍ତୁ ପାକିସ୍ତାନର ନୀତିକୁ ନଜରରେ ରଖି ଏପଟେ ଭାରତ ସମ୍ପୂର୍ଣ୍ଣ ଯୁଦ୍ଧପ୍ରସ୍ତୁତି କରିସାରିଥିଲା ବୋଲି କହିଛନ୍ତି ଧନୱା। ଏଣୁ ପାକିସ୍ତାନ ଚାପରେ ପଡିଯାଇଥିଲା। ପାକିସ୍ତାନ ସେନାମୁଖ୍ୟ ମାମଲାରେ ତୁରନ୍ତ ନିଷ୍ପତ୍ତି ନେବାକୁ ସରକାରଙ୍କୁ କହିଥିଲେ। ଏଥିଲାଗି ଅନୁଷ୍ଠିତ ସର୍ବଦଳୀୟ ବୈଠକକୁ ବାଜୱା ସମ୍ବୋଧିତ କରିବା ବେଳେ ବରଡାପତ୍ର ଭଳି ଥରୁଥିଲେ।

   Related Posts