Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ରୋସରୀ ଦୋକାନରୁ ଲୁଟ୍, ଲକ୍ଷାଧିକ ଟଙ୍କାର ସାମଗ୍ରୀ ଚୋରି
  • ||
  • ଜଳେଶ୍ୱର : ଭାରସାମ୍ୟ ହରାଇ ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଗାଡିରେ ଥିଲେ ୫୦ରୁ ଅଧିକ ଲୋକ
  • ||
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||

ଏକ୍ ପଦବୀ ନିୟମ ଆଧାରରେ ସଭାପତି ପାଦ ଛାଡ଼ିବେ ଅମିତ ଶାହା: ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ହୋଇପାରନ୍ତି ଧର୍ମେନ୍ଦ୍ର, କେନ୍ଦ୍ର ମନ୍ତ୍ରୀମଣ୍ଡଳରେ ଓଡ଼ିଶାରୁ ୩ ଜଣଙ୍କୁ ସ୍ଥାନ ମିଳିବା ସମ୍ଭାବନା

28/05/2019 at 6:13 PM

ମୋଦିଙ୍କ ମନ୍ତ୍ରିମଣ୍ଡଳରେ ସ୍ଥାନ ପାଇବେ ଅମିତ ଶାହା ଓ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ହୋଇପାରନ୍ତି ଧର୍ମେନ୍ଦ୍ର ପ୍ରଧାନ । ଜାତୀୟ ଗଣମାଧ୍ୟମରେ ଏହି ଚର୍ଚ୍ଚା ଖୁବ୍ ଜୋରରେ ଚାଲିଛି । ତେବେ ଧର୍ମେନ୍ଦ୍ରଙ୍କ ସହ ଜେପି ନଡ୍ଡା ବି ଅଛନ୍ତି ଦୌଡ଼ରେ । ସେପଟେ କେନ୍ଦ୍ର ମନ୍ତ୍ରିମଣ୍ଡଳରେ ଓଡ଼ିଶାରୁ ଏଥର ୩ ଜଣଙ୍କୁ ସ୍ଥାନ ମିଳିବା ସମ୍ଭାବନା ରହିଛି ।….

ଶାହା ହେବେ ମନ୍ତ୍ରୀ । ଧର୍ମେନ୍ଦ୍ର ହେବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ । ଏବେ ଏମିତି କିଛି ଚର୍ଚ୍ଚା ହେଉଛି ଜାତୀୟ ଗଣମାଧ୍ୟମରେ । ଆସନ୍ତା ୩୦ରେ ଲଗାତର ଦ୍ବିତୀୟ ଥର ଲାଗି ଦେଶର ପ୍ରଧାନମନ୍ତ୍ରୀ ଭାବେ ଶପଥ ନେବେ ନରେନ୍ଦ୍ର ମୋଦି । ତାଙ୍କ ସହ ମନ୍ତ୍ରିମଣ୍ଡଳର ମଧ୍ୟ ଶପଥପାଠ ହେବ ।

ତେବେ ଏଥର ମୋଦିଙ୍କ ମନ୍ତ୍ରିମଣ୍ଡଳରେ ଦଳର ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହାଙ୍କୁ ସ୍ଥାନ ମିଳିବ ବୋଲି କୁହାଯାଉଛି । ଯଦି ଏମିତି ହୁଏ, ବିଜେପିର ଏକ୍ ବ୍ୟକ୍ତି, ଏକ୍ ପଦବୀ ନିୟମ ଆଧାରରେ ସଭାପତି ପଦ ଛାଡ଼ିବେ ଶାହା । ଆଉ ତାଙ୍କ ବିକଳ୍ପ ଭାବେ ଚର୍ଚ୍ଚାରେ ରହିଛି ଜେପି ନଡ୍ଡା ଓ ଧର୍ମେନ୍ଦ୍ର ପ୍ରଧାନଙ୍କ ନାଁ ।

ମୋଦିଙ୍କ ଦ୍ବିତୀୟ ପାଳିର ମନ୍ତ୍ରିମଣ୍ଡଳରେ ପୂର୍ବ ଭଳି ଓଡ଼ିଶାରୁ ଧର୍ମେନ୍ଦ୍ର ପ୍ରଧାନ ଓ  ଜୁଏଲ ଓରାମ୍ ସ୍ଥାନ ପାଇବା ପକ୍କା କୁହାଯାଉଛି । ଧର୍ମେନ୍ଦ୍ର ଯଦି ଅଧ୍ୟକ୍ଷ ହୁଅନ୍ତି ତେବେ ଓଡ଼ିଶାରୁ ମନ୍ତ୍ରୀଙ୍କ ମଧ୍ୟରେ ଜୁଏଲଙ୍କ ସହିତ ଅନ୍ୟ ଦୁଇଜଣ ସ୍ଥାନ ପାଇପାରନ୍ତି। ସୁରେଶ ପୂଜାରୀ, ଅପରାଜିତା ଷଡ଼ଙ୍ଗୀ, ପ୍ରତାପ ଷଡ଼ଙ୍ଗୀଙ୍କ ମଧ୍ୟରୁ ଜଣଙ୍କୁ ସ୍ଥାନ ମିଳିବ ।

ସେହିପରି ବରଗଡ଼ରେ ବିଜୟୀ ହୋଇଥିବା ରାଷ୍ଟ୍ରୀୟ ସଂପାଦକ ସୁରେଶ ପୂଜାରୀଙ୍କ ଦାବିଦାରୀ ବି ମଜବୁତ୍ ରହିଛି । ପଶ୍ଚିମବଙ୍ଗର ସହପ୍ରଭାରୀ ଦାୟିତ୍ବରେ ରହିଛନ୍ତି । ସେଠାରେ ବିଜେପିର ସଫଳତା ସୁରେଶଙ୍କ ଲବିକୁ ଷ୍ଟ୍ରଙ୍ଗ୍ କରିଛି । ତେବେ ପୂର୍ବତନ ଆଇଏଏସ ଅପରାଜିତା ଷଡ଼ଙ୍ଗୀଙ୍କୁ ମଧ୍ୟ ମୋଦି ପ୍ରାଧାନ୍ୟ ଦେଇପାରନ୍ତି ବୋଲି କୁହାଯାଉଛି ।

ଅନ୍ୟପକ୍ଷରେ, ନିଜର ସାଧାରଣ ଜୀବନ ଲାଗି ଏବେ ଗଣମାଧ୍ୟମରେ ଚର୍ଚ୍ଚିତ ବାଲେଶ୍ବର ସାଂସଦ ପ୍ରତାପ ଷଡ଼ଙ୍ଗୀଙ୍କ ମନ୍ତ୍ରୀ ହେବା ସମ୍ଭାବନା ରହିଛି ।

ବିଧାନସଭାରେ ମାତ୍ର ୨୩ଟି ସିଟ୍ ହାତେଇଥିଲେ ବି ଲୋକସଭାରେ ୮ ସଂଖ୍ୟା ହାତେଇଛି ବିଜେପି । ଓଡ଼ିଶାରେ ବିଜେପିର ଭୋଟ ହାର ବଢ଼ିଛି । ଦଳ ଅଧିକାଂଶ ସ୍ଥାନରେ ଦୁଇନମ୍ବରରେ ରହିଛି। ଏସବୁ ପାଇଁ ଧର୍ମେନ୍ଦ୍ରଙ୍କ ଉଦ୍ୟମକୁ ଜାତୀୟ ସ୍ତରରେ ବେଶ୍‌ ପ୍ରଶଂସା କରାଯାଉଛି।

ଏଭଳି ସ୍ଥିତିରେ ଧର୍ମେନ୍ଦ୍ର ପୂର୍ବାପେକ୍ଷା ଅଧିକ ଗୁରୁତ୍ବପୂର୍ଣ୍ଣ ଦାୟିତ୍ବ ପାଇବେ ତାହା ଚର୍ଚ୍ଚା ହେଉଛି।

   Related Posts