Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

ଜୁଲାଇ ୧ରୁ ଆଇସିଏସ୍‌ଇ ପରୀକ୍ଷା : ୬ରୁ ୮ ସପ୍ତାହ ମଧ୍ୟରେ ରେଜଲ୍ଟ

23/05/2020 at 4:54 PM

ଭୁବନେଶ୍ୱର ୨୩ ।୦୫: କାଉନ୍‌ସିଲ୍‌ ଫର୍‌ ଇଣ୍ଡିଆନ୍‌ ସ୍କୁଲ ସାର୍ଟିଫିକେଟ୍‌ ପରୀକ୍ଷା (ସିଆଇଏସ୍‌ଇ) ପକ୍ଷରୁ ବଳକା ଥିବା ଆଇସିଏସ୍‌ଇ(ଦଶମ) ଓ ଆଇଏସ୍‌ସି (ଦ୍ୱାଦଶ) ବିଷୟଗୁଡ଼ିକର ପରୀକ୍ଷା ହେବ । ଜୁଲାଇ ୧ରୁ ୧୪ ତାରିଖ ଯାଏ ପରୀକ୍ଷା ହେବ । ଏନେଇ ସିଆଇଏସ୍‌ଇ ପକ୍ଷରୁ ଶୁକ୍ରବାର ବିଜ୍ଞପ୍ତି ପ୍ରକାଶ ପାଇଛି । ରବିବାରରେ ମଧ୍ୟ ପରୀକ୍ଷା ହେବ । ସମସ୍ତ ଛାତ୍ରଛାତ୍ରୀ ଓ ଶିକ୍ଷକମାନେ କୋଭିଡ୍‌ ଗାଇଡ୍‌ଲାଇନ୍‌କୁ ପାଳନ କରିବେ ।

ଆଇସିଏସ୍‌ଇ ଓ ଆଇଏସ୍‌ସି ପରୀକ୍ଷା ମାର୍ଚ୍ଚ ମାସରେ ଆରମ୍ଭ ହୋଇଥିଲା । କିନ୍ତୁ କୋଭିଡ୍‌-୧୯ ସଙ୍କଟ ପାଇଁ ଆଇସିଏସ୍‌ଇର ୬ଟି ବିଷୟ ଓ ଆଇଏସ୍‌ସିର ୮ଟି ବିଷୟର ପରୀକ୍ଷା ସ୍ଥଗିତ କରାଯାଇଥିଲା । ଜୁଲାଇ ୨ରେ ଆଇସିଏସ୍‌ଇ ପିଲାଙ୍କ ଭୂଗୋଳ, ୪ରେ ଆର୍ଟ ପେପର୍‌-୪, ୬ରେ ଗ୍ରୁପ୍‌-୩ ଇଲେକ୍ଟିଭ୍‌, ୮ରେ ହିନ୍ଦି, ୧୦ରେ ବାୟୋଲୋଜି-ସାଇନ୍ସ ପେପର୍‌(୩) ଓ ୧୨ରେ ଅର୍ଥନୀତି ବିଷୟ ପରୀକ୍ଷା କରାଯିବ । ସେହିପରି ଆଇଏସ୍‌ସି ପିଲାଙ୍କର ଜୁଲାଇ ୧ରେ ବାୟୋଲୋଜି (ପାର୍ଟ-୧) ଥିଓରି, ୩ରେ ବିଜ୍‌ନେସ୍‌ ଷ୍ଟଡିଜ୍‌, ୫ରେ ଭୂଗୋଳ, ୭ରେ ମନୋବିଜ୍ଞାନ, ୯ରେ ସମାଜ ବିଜ୍ଞାନ, ୧୧ରେ ଗୃହବିଜ୍ଞାନ (ପାର୍ଟ-୧) ଥିଓରି, ୧୩ରେ ଇଲେକ୍ଟିଭ୍‌ ଇଂରାଜୀ ଓ ୧୪ରେ ଆର୍ଟ-୫ କ୍ରାଫ୍ଟ ବିଷୟର ପରୀକ୍ଷା ହେବ । ଏହି ପରୀକ୍ଷାର ଫଳ ୬ରୁ ୮ ସପ୍ତାହ ମଧ୍ୟରେ ପ୍ରକାଶ ପାଇବ ବୋଲି ସିଆଇଏସ୍‌ଇ ପକ୍ଷରୁ କୁହାଯାଇଛି ।

ପରୀକ୍ଷା ପାଇଁ ଏକ ଗାଇଡ୍‌ଲାଇନ୍‌ ମଧ୍ୟ ପ୍ରସ୍ତୁତ କରାଯାଇଛି । ସ୍କୁଲ ଗେଟ୍‌ରୁ ପରୀକ୍ଷା କେନ୍ଦ୍ର ପର୍ଯ୍ୟନ୍ତ ଛାତ୍ରଛାତ୍ରୀମାନେ ସାମାଜିକ ଦୂରତା ରକ୍ଷା କରି ଆସିବେ । ପରୀକ୍ଷା ହଲ୍‌ରେ ମଧ୍ୟ ସେମାନେ ସାମାଜିକ ଦୂରତା ରକ୍ଷା କରି ବସିବେ । ସମସ୍ତେ ମାସ୍କ ପିନ୍ଧିବେ ଓ ସାଥୀରେ ହ୍ୟାଣ୍ଡ ସାନିଟାଇଜର ଆଣିବେ । ପ୍ରତ୍ୟେକ ଛାତ୍ରଛାତ୍ରୀ ନିଜର ପେନ୍‌ ଓ ଅନ୍ୟାନ୍ୟ ଷ୍ଟେସ୍‌ନାରୀ ଆଣିବେ । ପରସ୍ପର ସହ ଏସବୁକୁ ବାଣ୍ଟିବେ ନାହିଁ । ୧୫ ମିନିଟ୍‌ ପୂର୍ବରୁ ଅର୍ଥାତ୍‌ ୧୦ଟା ୪୫ରେ ସେମାନଙ୍କୁ ପ୍ରଶ୍ନପତ୍ର ଦିଆଯିବ ଓ ୧୧ଟାରେ ପରୀକ୍ଷା ଆରମ୍ଭ ହେବ ବୋଲି ବିଜ୍ଞପ୍ତିରେ ଉଲ୍ଲେଖ ରହିଛି ।

   Related Posts