Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • T20 World Cup: ଇତିହାସ ରଚିଲେ କର୍ଟିସ କାମ୍ପର, ୪ ବଲ୍‌ରେ ନେଲେ ୪ ଓ୍ଵିକେଟ୍
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୫ ଜଣଙ୍କ ଜୀବନ
  • ||
  • ମିଲରେ ଅଗ୍ନିକାଣ୍ଡ: ଜୀବନ ବଞ୍ଚାଇବାକୁ ବିଲଡିଂରୁ ଡେଇଁପଡିଥିଲେ ଶ୍ରମିକ, ଉଦ୍ଧାର କାର୍ଯ୍ୟ ଜାରି
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୪୦ କୋଭିଡ୍ ପଜିଟିଭ୍
  • ||
  • ଲଖିମପୁର ହିଂସା ମାମଲାରେ ସଂଯୁକ୍ତ କିଷାନ ମୋର୍ଚ୍ଚାର ରେଳରୋକ, ୬ ଘଣ୍ଟିଆ ଆନ୍ଦୋଳନ ପାଇଁ ୧୪୪ ଧାରା
  • ||
  • ଫୁଲୁଛି ଜଳକା ନଦୀ, ବିପଦ ସଙ୍କେତ ଉପରେ ଜଳସ୍ତର
  • ||
  • ଚାଲାଣ ବେଳେ ୩୯ ଶ୍ରମିକ ଉଦ୍ଧାର, ଦାଦନ ଖଟିବାକୁ ଯାଉଥିଲେ ବିଜୟନଗରମ୍
  • ||
  • ବଙ୍ଗୋପସାଗରରେ ଟ୍ରପ୍ ଲାଇନ, ୪ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା
  • ||
  • ଏଯାଏଁ ମିଳୁନି ବାପା-ପୁଅଙ୍କ ପତ୍ତା, ରବିବାର ନାଗାବଳୀରେ ଭାସି ଯାଇଥିଲେ ଉଭୟ
  • ||

ହାପି ବର୍ଥ ଡେ’ ଭିକି କୌଶଲ: ଇଞ୍ଜିନିୟରରୁ ଅଭିନେତା ଜାଣନ୍ତୁ କିପରି ଥିଲା ତାଙ୍କ ଜୀବନ ଯାତ୍ରା

16/05/2021 at 2:56 PM

ମୁମ୍ବାଇ ୧୬/୦୫: ଭିକି କୌଶଲ ଆଜି ତାଙ୍କର ୩୩ତମ ଜନ୍ମ ଦିନ ପାଳନ କରୁଛନ୍ତି । ଅଳ୍ପ ସମୟ ମଧ୍ୟରେ ସେ ବଲିଉଡରେ ନିଜର ପରିଚୟ ସୃଷ୍ଟି କରିବାରେ ସଫଳ ହୋଇଛନ୍ତି। ଭିକିଙ୍କ ବାପା ଶ୍ୟାମ କୌଶଲ, ଯିଏ ପଞ୍ଜାବୀ ପରିବାରର ଅଟନ୍ତି, ସେ ଜଣେ ଜଣାଶୁଣା ଆକ୍ସନ୍ ଡାଇରେକ୍ଟର ।

ଭିକି କୌଶଲ ଆଜି ହିନ୍ଦୀ ଫିଲ୍ମର ଏକ ବଡ ନାମ ପାଲଟିଛନ୍ତି, କିନ୍ତୁ ଏପରି ଏକ ସମୟ ଥିଲା ଯେତେବେଳେ ତାଙ୍କ ବାପା ଚାହୁଁଥିଲେ ଯେ ସେ ଇଞ୍ଜିନିୟରିଂ ଶେଷ କରି ଚାକିରି କରନ୍ତୁ। ସେ ମୁମ୍ବାଇର ରାଜୀବ ଗାନ୍ଧୀ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରେ ପଢୁଥିଲେ ସେତେବେଳେ ସେ ଏକ ଆଇଟି କମ୍ପାନୀକୁ ଇଣ୍ଡଷ୍ଟ୍ରିଆଲ୍ ଭ୍ରମଣରେ ଯାଇଥିଲେ। ସେଠାରେ ପହଞ୍ଚି ଭିକି ଅନୁଭବ କଲେ ଯେ ସେ ଅଫିସ୍ ଚାକିରି ପାଇଁ ଉପଯୁକ୍ତ ନୁହଁନ୍ତି  । ଇଞ୍ଜିନିୟରିଂ ଚାକିରି ପ୍ରତ୍ୟାଖ୍ୟାନ କରିବା ପରେ ସେ ଫିଲ୍ମରେ କ୍ୟାରିୟର କରିବାକୁ ଜିଦ୍ ଧରିଥିଲେ। ଏହା ପରେ ସେ କିଶୋର ନାମିତ କପୁର ଏକାଡେମୀରେ ଆଡମିଶନ ନେଇଥିଲେ।

ଅଭିନେତା ହେବା ପୂର୍ବରୁ ଭିକି କୌଶଲ ଗ୍ୟାଙ୍ଗସ୍ ଅଫ୍ ୱାସେପୁରରେ ସହକାରୀ ନିର୍ଦ୍ଦେଶକ ଭାବରେ କାର୍ଯ୍ୟ କରିଥିଲେ। ଭିକି ନିର୍ଦ୍ଦେଶକ ଅନୁରାଗ କଶ୍ୟପଙ୍କୁ ତାଙ୍କର ପରାମର୍ଶଦାତା ଭାବରେ ମାନୁଥୁଲେ। ଏହା ସହିତ ସେ ଥିଏଟର କରିବା ଆରମ୍ଭ କଲେ । ଭିକି ଅନୁରାଗ କଶ୍ୟପଙ୍କ ପ୍ରଡକ୍ସନ୍ ଫିଲ୍ମ ‘ଲଭ୍ ସଭ୍ ତେ ଚିକନ୍ ଖୁରାନା’ ଏବଂ ‘ବମ୍ବେ ଭେଲଭେଟ୍’ରେ ଏକ ଛୋଟ ଭୂମିକାରେ ଅଭିନୟ କରିଥିଲେ।

ମୁଖ୍ୟ ଅଭିନେତା ଭାବରେ ଭିକିଙ୍କ ପ୍ରଥମ ଫିଲ୍ମ ‘ମସାନ’ ୨୦୧୫ ମସିହାରେ ରିଲିଜ ହୋଇଥିଲା। ଏହାର ନିର୍ଦ୍ଦେଶନା ଦେଇଥିଲେ ନୀରଜ ଘେଭନ। ‘ମସାନ’କୁ ସମାଲୋଚକଙ୍କ ସହିତ ଦର୍ଶକ ମଧ୍ୟ ପସନ୍ଦ କରିଥିଲେ । ଏହା ପରେ ସେ ‘ଲଭ୍ ପର୍ ସ୍କୋୟାର୍ ଫୁଟ୍’, ‘ରାଜୀ’, ‘ସଞ୍ଜୁ’ ଏବଂ ‘ମନମର୍ଜିୟା’ କରିଥିଲେ।

୨୦୧୯ ରେ ରିଲିଜ୍ ହୋଇଥିବା ଫିଲ୍ମ, ‘ଉରି: ଦ ସର୍ଜିକାଲ୍ ଷ୍ଟ୍ରାଇକ୍’ ଭିକି କୌଶଲଙ୍କ କ୍ୟାରିୟରର ବଡ଼ ହିଟ୍ ବୋଲି ପ୍ରମାଣିତ ହୋଇଥିଲା । ଏହି ଫିଲ୍ମଟି  ୨୦୧୬ ଉରି ଆକ୍ରମଣ ଇପରେ ନିର୍ମିତ । ଏହି ଫିଲ୍ମର ନିର୍ଦ୍ଦେଶନା ଦେଇଥିଲେ ଆଦିତ୍ୟ ଧାର। ଏଥିପାଇଁ ଭିକି କୌଶଲଙ୍କୁ ଶ୍ରେଷ୍ଠ ଅଭିନେତା ଭାବରେ ରାଷ୍ଟ୍ରୀୟ ଫିଲ୍ମ ପୁରସ୍କାର ପ୍ରଦାନ କରାଯାଇଥିଲା। ଏହି ଫିଲ୍ମଟି ବକ୍ସ ଅଫିସରେ ୩୦୦ କୋଟିରୁ ଅଧିକ ଆୟ କରିଥିଲା।

   Related Posts