କେପ୍ ଟାଉନ୍ ୧୭।୧: ସାଉଥ୍ ଆଫ୍ରିକାରେ ଆଜିଠାରୁ ଆରମ୍ଭ ହେଉଛି ୧୯ବର୍ଷରୁ କମ୍ ବିଶ୍ବକପ୍ କ୍ରିକେଟ୍ ଟୁର୍ଣ୍ଣାମେଣ୍ଟ । ପ୍ରଥମ ମ୍ୟାଚ୍ ଆୟୋଜକ ସାଉଥ୍ ଆଫ୍ରିକା ଓ ଆଫଗାନିସ୍ତାନ ମଧ୍ୟରେ ଡାଇମଣ୍ଡ ଓଭାଲ କିମ୍ ବେରିଲରେ ଖେଳାଯିବ । ସାଉଥ୍ ଆଫ୍ରିକାର ଅଧିନାୟକ ବ୍ରାସି ପାର୍ସୋନ୍ସ ରହିଥିବା ବେଳେ ଆଫଗାନିସ୍ତାନର ଅଧିନାୟକ ରିହଛନ୍ତି ଫରାନ୍ ଜାଖିଲ୍ ।
ଆଜି ସାଉଥ୍ ଆଫ୍ରିକାର ସମୟ ସକାଳ ୮ଟା ତଥା ଭାରତୀୟ ସମୟ ୧ଟା ୩୦ରେ ଏହି ମ୍ୟାଚ୍ ଖେଳାଯିବ । ତେବେ ନିକଟ କିଛି ଦିନର ପ୍ରଦର୍ଶନ ଦେଖିଲେ ସାଉଥ୍ ଆଫ୍ରିକାର ଫର୍ମ ସେତେଟା ଭଲ ନାହିଁ । ନିକଟରେ ଖେଳାଯାଇଥିବା ୧୩ଟି ମ୍ୟାଚରୁ ୧୧ଟିରେ ପରାଜୟ ବରଣ କରିଛି ସାଉଥ୍ ଆଫ୍ରିକା । ଏହାସହ ୱାର୍ଲଡ କପ୍ ୱାର୍ମ ଅଫ୍ ମ୍ୟାଚରେ ମଧ୍ୟ ଶ୍ରୀଲଙ୍କା ଓ ଆଫଗାନିସ୍ତାନଠାରୁ ପରାସ୍ତ ହୋଇଛି ସାଉଥ୍ ଆଫ୍ରିକା । ଆସନ୍ତା ରବିବାର ଭାରତ ଓ ଶ୍ରୀଲଙ୍କା ମଧ୍ୟରେ ମ୍ୟାଚ୍ ଅନୁଷ୍ଠିତ ହେବ।
