Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ଆଇସିସି ବାଛିଲା ଦଶନ୍ଧିର ଶ୍ରେଷ୍ଠ ଦିନିକିଆ ଦଳ, ଭାରତର ଏହି ତିନି ଖେଳାଳିଙ୍କୁ ମିଳିଲା ସ୍ଥାନ

27/12/2020 at 3:53 PM

ନୂଆଦିଲ୍ଲୀ ୨୭।୧୨: ଅନ୍ତର୍ଜାତୀୟ କ୍ରିକେଟ୍  ପରିଷଦ(ଆଇସିସି) ଦଶନ୍ଧିର ଶ୍ରେଷ୍ଠ ଦିନିକିଆ ଦଳ ଚୟନ କରିଛି। ଏଥିରେ ଭାରତର ତିନି ବରିଷ୍ଠ ଖେଳାଳି ବିରାଟ କୋହଲି, ରୋହିତ ଶର୍ମା ଓ ମହେନ୍ଦ୍ର ସିଂହ ଧୋନୀ ଅଛନ୍ତି। ଏହି ଦଳର ଅଧିନାୟକ ଦାୟିତ୍ଵ ଦୁଇ ଥର ବିଶ୍ କପ ଜିତାଇଥିବା ଏମଏସ ଧୋନୀଙ୍କୁ ଦିଆଯାଇଛି।

ତାରକା ଖେଳାଳିଙ୍କୁ ନେଇ ସଜିତ ଏହି ଦଳରେ ଓପନିଂ ଭାବେ ରୋହିତ ଶର୍ମା ଓ ଅଷ୍ଟ୍ରେଲିଆର ଡେଭିଡ୍ ଓ୍ଵାର୍ଣ୍ଣରଙ୍କୁ ଚୟନ କରାଯାଇଛି। ମଧ୍ୟ କ୍ରମରେ ବ୍ୟାଟିଂ ପାଇଁ ଆଇସିସି ବିରାଟ କୋହଲି, ଦକ୍ଷିଣ ଆଫ୍ରିକାର ଏବି ଡିଭିଲିୟର୍ସ ଏବଂ ବାଂଲାଦେଶର ତାରକା ଅଲରାଉଣ୍ଡର ସାକିବ ଉଲ ହାସନଙ୍କ ଚୟନ କରିଛି।

ଦଳରେ ଓ୍ଵିକେଟ୍ କିପିଂ ଦାୟିତ୍ଵ ଦଳର ଅଧିନାୟକ ମହେନ୍ଦ୍ର ସିଂହ ଧୋନୀଙ୍କୁ ଦିଆଯାଇଛି। ଦଳରେ ଅଲରାଉଣ୍ଡର ଭାବେ ଆଇସିସି ଇଂଲଣ୍ଡକୁ ବିଶ୍ଵ କପ୍ ଜିତାଇଥିବା ବେନ ଷ୍ଟୋକ୍ସଙ୍କୁ ଚୟନ କରିଛି। ଦଳରେ ଦ୍ରୁତ ବୋଲର ଭାବେ ଶ୍ରୀଲଙ୍କାର ଲସିଥ ମାଲିଙ୍ଗା, ନ୍ୟୁଜିଲାଣ୍ଡର ଟ୍ରେଣ୍ଟ ବୋଲ୍ଟ ଓ ଅଷ୍ଟ୍ରେଲିଆର ମିଚେଲ୍ ଷ୍ଟାର୍କଙ୍କୁ ଜାଗା ମିଳିଛି। ଦଳରେ ଏକ ମାତ୍ର ସ୍ପିନର ଭାବେ ଦକ୍ଷିଣ ଆଫ୍ରିକାର ଇମ୍ରାନ ତାହିର ସାମିଲ।

ଆଇସିସିର ଦଶନ୍ଧିର ଶ୍ରେଷ୍ଠ ଦିନିକିଆ ଦଳ

ରୋହିତ ଶର୍ମା, ଡେଭିଡ୍ ଓ୍ଵାର୍ଣ୍ଣର, ବିରାଟ କୋହଲି, ଏବି ଡିଭିଲିୟର୍ସ, ସାକିବ ଉଲ ହାସନ, ଏମଏସ ଧୋନୀ, ବେନ ଷ୍ଟୋକ୍ସ, ମିଚେଲ ଷ୍ଟାର୍କ, ଟ୍ରେଣ୍ଟ ବୋଲ୍ଡ, ଇମ୍ରାନ ତାହିର ଓ ଲସିଥ ମାଲିଙ୍ଗା।

   Related Posts