Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

୨୪ଫେବୃଆରୀ ୨୦୧୦: ଗ୍ୱାଲିୟର ଷ୍ଟାଡିୟମରେ ଇତିହାସ ରଚିଥିଲେ ସଚ୍ଚିନ, ମନେ ପକାଇଲେ ICC

24/02/2020 at 7:18 PM

ନୂଆଦିଲ୍ଲୀ, ୨୪।୨:  ଟିମ୍ ଇଣ୍ଡିଆର ମହାନ ଖେଳାଳି ସଚ୍ଚିନ୍ ତେନ୍ଦୁଲକର ଠିକ୍ ୧୦ ବର୍ଷ ପୂର୍ବେ ଆଜିର ଦିନରେ ଅର୍ଥାତ ୨୪ ଫେବୃଆରୀ ୨୦୧୦ରେ ଅନ୍ତର୍ଜାତୀୟ ଦିନିକିଆ କ୍ରିକେଟରେ ଇତିହାସ ରଚିଥିଲେ। ସାଉଥ୍ଆଫ୍ରିକା ବିପକ୍ଷରେ ଖେଳାଯାଇଥିବା ମ୍ୟାଚ୍‌ରେ ଦ୍ୱିଶତକ କରିବାରେ ବିଶ୍ୱର ପ୍ରଥମ କ୍ରିକେଟର ପାଲଟିଯାଇଥିଲେ ସଚ୍ଚିନ୍।  

୨୪ ଫେବ୍ରୁଆରୀ ୨୦୧୦ରେ ଭ୍ରମକାରୀ ସାଉଥ୍ଆଫ୍ରିକା ବିପକ୍ଷରେ ଗ୍ୱାଲିୟରର କ୍ୟାପ୍ଟେନ୍ ରୂପ ସିଂହ ଷ୍ଟାଡିୟମରେ ମ୍ୟାଚ୍‌ ଖେଳାଯାଇଥିଲା। ସଚ୍ଚିନଙ୍କ ଏହି ଐତିହାସିକ ମୁହୂର୍ତ୍ତକୁ ମନେ ପକାଇ ସୋମବାର ଆଇସିସି ତାଙ୍କ ଟ୍ୱିଟର ହ୍ୟାଣ୍ଡଲରେ ଏକ ଟ୍ୱିଟ୍ ଜାରି କରିଛନ୍ତି। ଯେଉଁଥିରେ ସେବେ ଠାରୁ ଏପର୍ଯ୍ୟନ୍ତ ୭ ଜଣ କ୍ରିକେଟର ୱାନଡେରେ ଡବଲ ଟନ କରିଛନ୍ତି। ହେଲେ ସଚ୍ଚିନ ହିଁ ପ୍ରଥମ ମଣିଷ ଯିଏ ଏହି କିର୍ତ୍ତିମାନ ସ୍ଥାପନା କରିଥିଲେ।  

ଏହି ମ୍ୟାଚରେ ସଚିନଙ୍କ ଅପରାଜିତ ଦ୍ୱିଶତକ ବଳରେ ଭାରତ ଦକ୍ଷିଣ ଆଫ୍ରିକାକୁ ୧୫୩ ରନରେ ପରାସ୍ତ କରିଥିଲା। ସଚିନ ନିଜ ଇନିଂସରେ ୧୪୭ଟି ବଲରୁ ୨୫ଟି ଚୌକା ଓ ୩ଟି ଛକା ମାରି ୨୦୦ ରନର ଇନିଂସ ଖେଳିଥିଲେ। ପ୍ରଥମେ ବ୍ୟାଟିଂ କରି ଭାରତ ୩ ଓ୍ୱିକେଟରେ ୪୦୧ ରନର ବିଶାଳ ସ୍କୋର କରିଥିଲା। ଜବାବରେ ଦକ୍ଷିଣ ଆଫ୍ରିକା ୨୪୮ ରନରେ ଆଣ୍ଠେଇ ପଡିଥିଲା।  ସଚ୍ଚିନଙ୍କ ବ୍ୟତୀତ ଦିନେଶ କାର୍ତ୍ତିକ ୭୯ ଓ ଏମ୍.ଏସ୍. ଧୋନୀ ଅପରାଜିତ ୬୮ ରନ ସ୍କୋର କରିଥିଲେ।

୧୯୮୯ରେ ମାତ୍ର ୧୬ ବର୍ଷ ବୟସରେ ଅନ୍ତର୍ଜାତୀୟ କ୍ରିକେଟରେ ପାଦ ଦେଇଥିଲେ ଲିଟିଲ୍ ମାଷ୍ଟର୍।  ତାଙ୍କ କ୍ୟାରିୟରରେ ଅନେକ ରେକର୍ଡ କରିଛନ୍ତି। କ୍ରିକେଟର ସମସ୍ତ ତିନୋଟି ଜାକ ଫର୍ମାଟରେ ସେ ମୋଟ ୩୪,୩୫୭ ରନ କରିବାର ରେକର୍ଡ ତାଙ୍କ ନାମରେ କରିଛନ୍ତି।  

   Related Posts