Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଆଗରେ ରହି କରୋନା ମୁକାବିଲା କରୁଛନ୍ତି ଏହି ବିଶ୍ୱ ଚାମ୍ପିଅନ ବୋଲର, ପ୍ରଶଂସା କରି ଟ୍ୱିଟ୍ କଲା ଆଇସିସି, କହିଲା…

29/03/2020 at 2:34 PM

ଚଣ୍ଡିଗଡ, ୨୯|୦୩ :  ୨୦୦୭ ଟି୨୦ ବିଶ୍ୱକପ ସମୟରେ ପାକିସ୍ତାନକୁ ଭାରତ  ବିପକ୍ଷରେ ବିଜୟ ପାଇଁ ୪ଟି ବଲରେ ୬ ରନ ଆବଶ୍ୟକ ଥିଲା । ଏପରିକି ପାକିସ୍ତାନର ବିଜୟ ଏକ ପ୍ରକାର ପକ୍କା ହୋଇ ସାରିଥିଲା । ଫ୍ୟାନ ଓ ଖେଳାଳିମାନେ ମଧ୍ୟ ବିଜୟ ପାଳନ ପାଇଁ ଚାହିଁ ରହିଥିଲେ ।କିନ୍ତୁ ଦଳ ୯ଟି ଓ୍ୱିକେଟ ହରାଇ ସାରିଥିଲା । ଏହି ସମୟରେ ଶେଷ ଓଭରରେ ଯୋଗିନ୍ଦର ଶର୍ମା ହିରୋ ଭାବେ ଉଭା ହୋଇଥିଲେ । ଭାରତକୁ ବିଜୟ ଦେବା ସହ ଦଳ ପ୍ରଥମ ଟି୨୦ ଚାମ୍ପିଅନ ହୋଇପାରି ଥିଲା ।

ଏବେ ଯୋଗିନ୍ଦର ଲକଡାଉନ ସମୟରେ କରୋନା ଭାଇରସର ମୁକାବିଲା କରୁଛନ୍ତି । ସେ ହରିୟାଣା ପୋଲିସରେ ଡିଏସପି ଭାବେ କାର୍ଯ୍ୟରତ୍ତ । ଏହି ସମୟରେ ସେ ଲକଡାଉନ୍ ଡ୍ୟୁଟିରେ ରହିଛନ୍ତି । ଏହି କଠିନ ପରିସ୍ଥିତିରେ ଯୋଗିନ୍ଦରଙ୍କ ଏହି ସାହାସିକତାକୁ ଆଇସିସି ପ୍ରଶଂସା କରିଛି ।

ଆଇସିସି ଯୋଗିନ୍ଦରଙ୍କୁ ପ୍ରଶଂସା କରି ଟ୍ୱିଟ କରିଛି । ଟ୍ୱିଟରେ ଲେଖିଛି ଯେ, ୨୦୦୭ ଟି୨୦ ବିଶ୍ୱକପର ହିରୋ ଓ ୨୦୨୦ରେ ବିଶ୍ୱରେ ପ୍ରକୃତ ହିରୋ ହେଉଛନ୍ତି ଯୋଗିନ୍ଦର । କ୍ରିକେଟ କ୍ୟାରିଅର ପରେ ସେ ପୋଲିସ କର୍ମୀ ଭାବେ ମାରାତ୍ମକ କରୋନା ଭାଇରସ ମଧ୍ୟରେ ଡ୍ୟୁଟି କରୁଛନ୍ତି ।

ଏହା ପୂର୍ବରୁ ଯୋଗିନ୍ଦର ଟ୍ୱିଟ କରି କହିଥିଲେ ଯେ,  ସେ ୨୦୦୭ରୁ ହରିୟାଣା ପୋଲିସର ଡିଏସପି ରହିଛନ୍ତି । ଏବେ ସେ ଏକ ଭିନ୍ନ ଚ୍ୟାଲେଞ୍ଜର ସାମ୍ନା କରୁଛନ୍ତି । ଏହାସହ ଲକଡାଉନ ସମୟରେ ସେ ଏକ ଭିଡିଓ ସେୟାର କରି ଲୋକଙ୍କୁ ଘରେ ରହିବାକୁ ପରାମର୍ଶ ଦେଇଥିଲେ ।

   Related Posts